Biden reynir að sannfæra ESB-þingmenn
ESB-þingið leggst gegn miðlun persónuupplýsinga til Bandaríkjanna
Joe Biden, varaforseti Bandaríkjanna, hvatti ESB-þingmenn til að samþykkja aðgang bandarískra yfirvalda að SWIFT-greiðslum milli banka, þegar hann flutti tæplega klukkutíma ræðu yfir þeim í Brussel, fimmtudaginn 6. maí.
Biden er hæstsetti Bandaríkjamaðurinn, sem talað hefur á ESB-þinginu síðan Ronald Reagan, forseti, kom þangað árið 1985. Hann taldi miðlun þessara upplýsinga skipta höfuðmáli í baráttunni gegn hryðjuverkum. Hætta á þeim væri enn mikil, eins og sannast hefði á Times Square í New York nýlega.
ESB-þingmenn hafa lagt þunga áherslu á persónuvernd og verið tregir til að samþykkja tillögur Bandaríkjastjórnar um miðlun upplýsinga um flugfarþega á leið til Bandaríkjanna eða um peningagreiðslur til Bandaríkjanna. Fjármálaráðuneyti Bandaríkjanna heldur úti sérstakri stofnun til að fylgjast með greiðslum í því skyni að sporna gegn hryðjuverkum.
ESB-þingið hafnaði bráðabirgðasamkomulagi um miðlun bankaupplýsinga við Bandaríkin í febrúar sl. Kom ákvörðun þingsins Bandaríkjastjórn í opna skjöldu, en hún hafði stofnað til mikillar herferðar til að sannfæra þingmennina um mikilvægi samkomulagsins.
Miðvikudaginn 5. maí ákvað þingið einnig að fresta atkvæðagreiðslu um nýjan samning ESB og Bandaríkjanna um miðlun nafna á farþegaskrám, það er á persónulegum upplýsingum um þá, sem fljúga til Bandaríkjanna.
Þáttaskil urðu í samskiptum ríkisstjórnar Íslands og ESB fimmtudaginn 12. mars þegar Gunnar Bragi Sveinsson utanríkisráðherra aftenti formanni ráðherraráðs ESB og viðræðustjóra stækkunarmála í framkvæmdastjórn ESB bréf. Textinn sem gildir gagnvart ESB er á ensku. Þar segir: „The Government of...
- StjórnmálavaktinBild: Varoufakis er á förum sem fjármálaráðherra - ráðherrann segir þetta úr lausu lofti gripið
- StjórnmálavaktinÞáttaskil - hlé á útgáfu Evrópuvaktarinnar
- Í pottinumEasy-Jet fækkar ferðum London-Moskva um helming
- StjórnmálavaktinKlofingur meðal kristilegra í Þýskalandi vegna skuldavanda Grikkja
- StjórnmálavaktinSumartími í ESB-ríkjum: Frakkar ætla að kanna hagkvæmni breytinga á klukkunni
- StjórnmálavaktinAlexis Tsipras: Ekki búast við skilyrðislausri uppgjöf
- StjórnmálavaktinReuters: Bankar í Evrópu og Bandaríkjunum hafa fækkað starfsmönnum um 160 þúsund á tveimur árum
- Í pottinumAðild að Evrópusambandinu jafngildir aðför að fæðuöryggi Íslendinga
- Í pottinumPIMCO: Evrusvæðið á sér ekki framtíð að óbreyttu
- Í pottinumVeruleikaflótti ESB-aðildarflokkanna heldur áfram
Kolbeinn Árnason, framkvæmdastjóri Landssambands íslenskra útvegsmanna (LÍÚ) segir að í tveimur nýlegum Evrópuskýrslum, frá Hagfræðistofnun HÍ og Alþjóðamálastofnun HÍ, komi fram rök sem styðji þá afstöðu LÍÚ að Ísland eigi að standa utan ESB. Þá segir hann óþarfa að ganga lengra í viðræðum við ES...
Norðurslóðir: Risastórir öskuhaugar fastir í ís?
Rannsóknir benda til að hlýnun jarðar og sú bráðnun hafíss, sem af henni leiðir geti losað um 1 trilljón úrgangshluta úr plasti, sem hafi verið hent í sjó og sitji nú fastir í ísbreiðum á Norðurslóðum. Þetta segja rannsakendur að geti gerzt á einum áratug. Meðal þess sem rannsóknir hafa leitt í ljós er að slíkir öskuhaugar séu að myndast á Barentshafi.
Þýzkaland: Merkel segir ESB ekki bandalag um félagslega þjónustu
Angela Merkel liggur nú undir harðri gagnrýni fyrir ummæli, sem hún lét falla, nú nokkrum dögum fyrir kosningar til Evrópuþingsins þess efnis að Evrópusambandið væri ekki „socialunion“ eða bandalag um félagslega þjónustu.
Holland: Útgönguspár benda til að Frelsisflokkur Wilders tapi fylgi
Útgönguspár, sem birtar voru í Hollandi í gærkvöldi benda til að Frelsisflokkur Geert Wilders muni tapa fylgi í kosningunum til Evrópuþingsins sem hófust í gærmorgun og að þingmönnumhans á Evrópuþinginu fækki um tvo en þeir hafa verið fimm. Þetta gengur þvert á spár um uppgang flokka lengst til hægri í þeim kosningum.