ESB: Sérstakur bankaskattur gegn hruni
Framkvæmdastjórn Evrópu hefur lagt fram nýjar tillögur um sérstakan, nýjan bankaskatt, sem á að vernda íbúa ESB gegn skaða vegna bankahruns í framtíðinni.
Michel Barnier, sem fer með málefni banka og fjármálafyrirtækja í framkvæmdastjórn ESB, sagði þegar hann kynnti tillögurnar miðvikudaginn 26. maí, að gjaldþrot banka ættu ekki framar að lenda á herðum skattgreiðenda. Vísaði hann þar til þeirra ráðstafana, sem gerða voru vegna bankahrunsins 2008, ríkisstjórnir einstakra landa létu milljarða af opinberum fjármunum renna til bjargar bönkum.
Barnier lagði áherslu á, að skatturinn yrðu lagður á innan hvers lands um sig en rynni ekki í sameiginlegan ESB-sjóð. Hann útilokaði þó ekki, að fjármunir í sjóði í einu landi kynnu að verða nýttir af bönkum í vanda í öðru landi.
„Við verðum að skoða það mál sérstaklega,“ sagði Barnier, þegar hann var spurður um, hvernig tekið yrði á því, þegar bankar störfuðu í fleiri en einu landi og væru í eign manna eða fyrirtækja utan landamæra viðskiptalands bankans. Hann benti á, að í „helmingi allra Evrópulanda, væri helmingur bankanna eign fyrirtækja í öðrum löndum.“
Angela Knight, framkvæmastjóri Samtaka breskra banka, lýsti andstöðu við einn evrópskan sjóð: „Hvers vegna skyldi banki í einu landi borga fyrir vandræði banka í öðru landi?“ spurði hún.
Barnier vildi ekki segja, hve hár bankaskatturinn ætti að verða. Það mál eins önnur atriði yrði að ræða nánar. Hann taldi raunhæft að útfærsla á tillögunum lægi fyrir í upphafi næsta árs og þá yrðu þær sendar til einstakra ríkja og ESB-þingsins.
Nú þegar er unnið að því að setja nýjar og strangari reglur um fjármálafyrirtæki á vettvangi ESB og eftirlit með þeim. Tillögurnar, sem nú hafa verið kynntar verða til fyllingar á þessu regluverki öllu.
Fjármálaráðherrar og leiðtogar ESB-ríkjanna munu ræða tillögur framkvæmdastjórnarinnar á fundum sínum í næsta mánuði en talið er, að margt þarfnist nánari skýringa, þótt almennur áhugi virðist á því, að ESB-ríkin komi fram með eina stefnu í þessum efnum á leiðtogafundi G20 ríkjanna í Toronto 26. til 27. júní.
Nú mæla hagvísar okkur það að atvinnuleysi fari vaxandi og jafnframt að verðbólgan færist í aukana. Það er rétt að atvinnuleysið er að aukast og er það í takt við aðra hagvísa um minnkandi einkaneyslu, slaka í fjárfestingum og fleira. Það er hinsvegar rangt að verðbólgan sé að vaxa.
- StjórnmálavaktinBild: Varoufakis er á förum sem fjármálaráðherra - ráðherrann segir þetta úr lausu lofti gripið
- Í pottinumEasy-Jet fækkar ferðum London-Moskva um helming
- StjórnmálavaktinÞáttaskil - hlé á útgáfu Evrópuvaktarinnar
- StjórnmálavaktinKlofingur meðal kristilegra í Þýskalandi vegna skuldavanda Grikkja
- StjórnmálavaktinSumartími í ESB-ríkjum: Frakkar ætla að kanna hagkvæmni breytinga á klukkunni
- StjórnmálavaktinAlexis Tsipras: Ekki búast við skilyrðislausri uppgjöf
- Í pottinumAðild að Evrópusambandinu jafngildir aðför að fæðuöryggi Íslendinga
- StjórnmálavaktinReuters: Bankar í Evrópu og Bandaríkjunum hafa fækkað starfsmönnum um 160 þúsund á tveimur árum
- Í pottinumPIMCO: Evrusvæðið á sér ekki framtíð að óbreyttu
- Í pottinumVeruleikaflótti ESB-aðildarflokkanna heldur áfram
Kolbeinn Árnason, framkvæmdastjóri Landssambands íslenskra útvegsmanna (LÍÚ) segir að í tveimur nýlegum Evrópuskýrslum, frá Hagfræðistofnun HÍ og Alþjóðamálastofnun HÍ, komi fram rök sem styðji þá afstöðu LÍÚ að Ísland eigi að standa utan ESB. Þá segir hann óþarfa að ganga lengra í viðræðum við ES...
Norðurslóðir: Risastórir öskuhaugar fastir í ís?
Rannsóknir benda til að hlýnun jarðar og sú bráðnun hafíss, sem af henni leiðir geti losað um 1 trilljón úrgangshluta úr plasti, sem hafi verið hent í sjó og sitji nú fastir í ísbreiðum á Norðurslóðum. Þetta segja rannsakendur að geti gerzt á einum áratug. Meðal þess sem rannsóknir hafa leitt í ljós er að slíkir öskuhaugar séu að myndast á Barentshafi.
Þýzkaland: Merkel segir ESB ekki bandalag um félagslega þjónustu
Angela Merkel liggur nú undir harðri gagnrýni fyrir ummæli, sem hún lét falla, nú nokkrum dögum fyrir kosningar til Evrópuþingsins þess efnis að Evrópusambandið væri ekki „socialunion“ eða bandalag um félagslega þjónustu.
Holland: Útgönguspár benda til að Frelsisflokkur Wilders tapi fylgi
Útgönguspár, sem birtar voru í Hollandi í gærkvöldi benda til að Frelsisflokkur Geert Wilders muni tapa fylgi í kosningunum til Evrópuþingsins sem hófust í gærmorgun og að þingmönnumhans á Evrópuþinginu fækki um tvo en þeir hafa verið fimm. Þetta gengur þvert á spár um uppgang flokka lengst til hægri í þeim kosningum.