ESB-dómstóllinn: Þýska happdrættislöggjöfin gegn ESB-lögum
ESB-dómstóllinn í Lúxemborg hefur komist að þeirri niðurstöðu, að ríkisrekstur á happdrættum, lottó og spilakössum í Þýskalandi brjóti í bága við ESB-lög, enda sé ekki unnt að færa sannfærandi rök fyrir nauðsyn rekisrekstrar á þessu sviði. Dómurinn markar tímamót og er talinn opna leið fyrir einkarekin, erlend spila- og veðmálafyrirtæki inn á þýskan markað.
Í dómi sínum miðvikudaginn 8. september féllst ESB-dómstóllinn ekki á þau rök þýsku happdrættis- og lottófyrirtækjanna, að ríkisrekstur þeirra væri nauðsynlegur til að vernda almenning fyrir of mikilli ásókn af hálfu spila- og veðmálafyrirtækja. Benti dómstóllinn á, að þessi röksemd stæðist ekki, vegna þess hve þýsku ríkisspilafyrirtækin stunduðu sjálf „ákafar auglýsingaherferðir“ og dreifðu um allt spilavélum, sem höfðuðu mjög til spilafíkla og ýttu undir spilafíkn.
„Við þær aðstæður er ekki lengur unnt að fylgja fram því því sjónarmiði, að einkaleyfi stuðli að forvörnum, þess vegna er ekki réttlætanlegt að viðhalda einkaleyfinu,“ sagði dómstóllinn. Hann sagði þýsku happdrættislöggjöfina einnig andstæða „grundvallarfrelsi ESB“ og ákvæði hennar gætu „ekki gilt á meðan unnið er að því að fella lögin að kröfum ESB-laga.“
Happdrættislögin voru samþykkt árið 2008. Markmið þeirra var að sporna gegn spilafíkn með því að leyfa aðeins ríkisreknum fyrirtækjum að selja happdrættis- og lottómiða eða standa að fjárhættuspili í Þýskalandi. Spilastarfsemin gefur ríkinu eða einstökum sambandsríkjum marga milljarði evra í aðra hönd.
Átta netspilafyrirtæki stefndu þýska ríkinu vegna laganna í nokkrum héraðsdómstólum. Þeir leituðu álits ESB-dómstólsins á því, hvort þýska kerfið stæðist ESB-lög.
Ríkisreknu happdrættis- og lottófélögin lýstu undrun sinni yfir niðurstöðu ESB-dómstólsins, þar sem hann hefði þegar komist að þeirri niðurstöðu, að einkaleyfi ríkisins á þessu sviði væri löglegt í mörgum ESB-ríkjum, þar sem sporna mætti gegn neikvæðum félagslegum áhrifum spilamennsku á þann hátt.
+Hér birtist í heild bréf sem Víglundur Þorsteinsson afhenti í Alþingishúsinu mánudaginn 10. febrúar. Áður hafði Víglundur skrifað Einari K. Guðfinnssyni forseta Alþingis um sama efni.+ Bréf til stjórnskipunar- og eftirlitsnefndar Alþingis, Hr. formaður Ögmundur Jónasson Í framhaldi af b...
- StjórnmálavaktinBild: Varoufakis er á förum sem fjármálaráðherra - ráðherrann segir þetta úr lausu lofti gripið
- StjórnmálavaktinÞáttaskil - hlé á útgáfu Evrópuvaktarinnar
- StjórnmálavaktinKlofingur meðal kristilegra í Þýskalandi vegna skuldavanda Grikkja
- StjórnmálavaktinSumartími í ESB-ríkjum: Frakkar ætla að kanna hagkvæmni breytinga á klukkunni
- Í pottinumEasy-Jet fækkar ferðum London-Moskva um helming
- StjórnmálavaktinAlexis Tsipras: Ekki búast við skilyrðislausri uppgjöf
- StjórnmálavaktinReuters: Bankar í Evrópu og Bandaríkjunum hafa fækkað starfsmönnum um 160 þúsund á tveimur árum
- Í pottinumAðild að Evrópusambandinu jafngildir aðför að fæðuöryggi Íslendinga
- Í pottinumPIMCO: Evrusvæðið á sér ekki framtíð að óbreyttu
- StjórnmálavaktinAlvarleg bankakreppa skollin á í Andorra-sögð minna á Ísland og Kýpur
Kolbeinn Árnason, framkvæmdastjóri Landssambands íslenskra útvegsmanna (LÍÚ) segir að í tveimur nýlegum Evrópuskýrslum, frá Hagfræðistofnun HÍ og Alþjóðamálastofnun HÍ, komi fram rök sem styðji þá afstöðu LÍÚ að Ísland eigi að standa utan ESB. Þá segir hann óþarfa að ganga lengra í viðræðum við ES...
Norðurslóðir: Risastórir öskuhaugar fastir í ís?
Rannsóknir benda til að hlýnun jarðar og sú bráðnun hafíss, sem af henni leiðir geti losað um 1 trilljón úrgangshluta úr plasti, sem hafi verið hent í sjó og sitji nú fastir í ísbreiðum á Norðurslóðum. Þetta segja rannsakendur að geti gerzt á einum áratug. Meðal þess sem rannsóknir hafa leitt í ljós er að slíkir öskuhaugar séu að myndast á Barentshafi.
Þýzkaland: Merkel segir ESB ekki bandalag um félagslega þjónustu
Angela Merkel liggur nú undir harðri gagnrýni fyrir ummæli, sem hún lét falla, nú nokkrum dögum fyrir kosningar til Evrópuþingsins þess efnis að Evrópusambandið væri ekki „socialunion“ eða bandalag um félagslega þjónustu.
Holland: Útgönguspár benda til að Frelsisflokkur Wilders tapi fylgi
Útgönguspár, sem birtar voru í Hollandi í gærkvöldi benda til að Frelsisflokkur Geert Wilders muni tapa fylgi í kosningunum til Evrópuþingsins sem hófust í gærmorgun og að þingmönnumhans á Evrópuþinginu fækki um tvo en þeir hafa verið fimm. Þetta gengur þvert á spár um uppgang flokka lengst til hægri í þeim kosningum.