Meirihluti íbúa helstu evru-ríkja á móti evrunni - vilja eigin efnahagsstjórn
Ný skoðanakönnun sýnir, að meirihluti íbúa í helstu evru-ríkjunum telur, að upptaka evrunnar hafi haft slæm áhrif á efnahag sinn. Þeir treysta ríkisstjórnum landa sinna betur en ESB til að takast á við efnahagsvandann.
Um 60% Frakka og meira en helmingur Þjóðverja, Spánverja og Potrúgala segja, að það hafi verið „slæmt fyrir efnahag þeirra“ að búa við evru. Þetta kemur fram í könnuninni Transatlantic Trends, sem Þýski Marshall-sjóðurinn í Bandaríkjunum birti 15. september.
Bandaríska hugveitan framkvæmdi könnunina í júní í ellefu ESB-löndum og komst að raun um, að aðeins Hollendingar og Slóvakar eru að meirihluta hlynntir evru.
Utan evru-svæðisins eru 83% Breta, 53% Pólverja og 42% Búlgara þeirrar skoðunar, að evra yrði slæm fyrir efnahag þjóða þeirra. Rúmenar eru hinir einu, þar sem meirihluti er hlynntur evru.
Könnunin sýnir, að flestir meðal almennings eru hlynntir ESB-aðild, en meirhlutinn vilji jafnframt, að ríkisstjórnir landa sinna takist á við efnahagsmál þjóðanna en ekki ESB-stofnanir.
Þjóðverjar skáru sig úr, þegar spurt var um efnhagsstjórn í höndum ESB. Þar hafa stjórnvöld krafist þess, að innan ESB sé fylgt strangari sameiginlegum reglum. 54% Þjóðverja telja, að ESB eigi að gegna meginhlutverki við töku efnahagsákvarðana.
Bretar hafa minnstan áhuga á ESB-efnahagsstjórn (25%) og sömu sögu eru að segja um nýju ríkin, Búlgaría (24%), Slóvakía (22%) og Rúmenía (15%), þótt í nýju ríkjunum sé almennt áhugi á að flytja völd af heimavelli til Brussel. Í Frakklandi segja 47%, að ríkisstjórnin skuli eiga síðasta orð um efnahagsstjórn, en 43%, að höfuðábyrgðin eigi að vera hjá ESB.
Niðurstaða þessarar könnunar er í hróplegri andstöðu við nýlega könnun á vegum framkvæmdastjórnar ESB, sem túlkuð var á þann veg í Brussel, að Evrópubúar væru hlynntir „evrópskri efnahagsstjórn“. Inntak hugtaksins er óljóst að sögn vefsíðunnar EUobserver en um það verður rætt á leiðtogaráðsfundi ESB fimmtudaginn 16. september.
Þegar litið er til framtíðar, telur meira en helmingur allra Evrópubúa, að efnahagserfiðleikar eigi að leiða til meira samstarfs innan ESB. Ítalir, Portúgalir, Búlgarar, Spánverjar og Slóvakar eru sérstaklega áhugasamir um frekari samruna.
72% Evrópubúa og 90% Bandaríkjamanna telja, að hag þjóðar sé best borgið í frjálsu markaðshagkerfi. Stuðningur við þessa skipan efnahagsmála var mestur í Bretlandi (81%) og Þýskalandi (78%). Aðeins 36% Tyrkja telja kapítalisma sér fyrir bestu, tíu stigum færri en á síðasta ári.
Meira en 80% Evrópubúa spáðu því, að Bandaríkin mundu veita sterka forystu í framtíðinni, en 75% töldu ESB einnig hafa forystuhlutverki að gegna.
Nú mæla hagvísar okkur það að atvinnuleysi fari vaxandi og jafnframt að verðbólgan færist í aukana. Það er rétt að atvinnuleysið er að aukast og er það í takt við aðra hagvísa um minnkandi einkaneyslu, slaka í fjárfestingum og fleira. Það er hinsvegar rangt að verðbólgan sé að vaxa.
- StjórnmálavaktinBild: Varoufakis er á förum sem fjármálaráðherra - ráðherrann segir þetta úr lausu lofti gripið
- StjórnmálavaktinÞáttaskil - hlé á útgáfu Evrópuvaktarinnar
- Í pottinumEasy-Jet fækkar ferðum London-Moskva um helming
- StjórnmálavaktinKlofingur meðal kristilegra í Þýskalandi vegna skuldavanda Grikkja
- StjórnmálavaktinSumartími í ESB-ríkjum: Frakkar ætla að kanna hagkvæmni breytinga á klukkunni
- StjórnmálavaktinAlexis Tsipras: Ekki búast við skilyrðislausri uppgjöf
- StjórnmálavaktinReuters: Bankar í Evrópu og Bandaríkjunum hafa fækkað starfsmönnum um 160 þúsund á tveimur árum
- Í pottinumAðild að Evrópusambandinu jafngildir aðför að fæðuöryggi Íslendinga
- Í pottinumPIMCO: Evrusvæðið á sér ekki framtíð að óbreyttu
- Í pottinumVeruleikaflótti ESB-aðildarflokkanna heldur áfram
Kolbeinn Árnason, framkvæmdastjóri Landssambands íslenskra útvegsmanna (LÍÚ) segir að í tveimur nýlegum Evrópuskýrslum, frá Hagfræðistofnun HÍ og Alþjóðamálastofnun HÍ, komi fram rök sem styðji þá afstöðu LÍÚ að Ísland eigi að standa utan ESB. Þá segir hann óþarfa að ganga lengra í viðræðum við ES...
Norðurslóðir: Risastórir öskuhaugar fastir í ís?
Rannsóknir benda til að hlýnun jarðar og sú bráðnun hafíss, sem af henni leiðir geti losað um 1 trilljón úrgangshluta úr plasti, sem hafi verið hent í sjó og sitji nú fastir í ísbreiðum á Norðurslóðum. Þetta segja rannsakendur að geti gerzt á einum áratug. Meðal þess sem rannsóknir hafa leitt í ljós er að slíkir öskuhaugar séu að myndast á Barentshafi.
Þýzkaland: Merkel segir ESB ekki bandalag um félagslega þjónustu
Angela Merkel liggur nú undir harðri gagnrýni fyrir ummæli, sem hún lét falla, nú nokkrum dögum fyrir kosningar til Evrópuþingsins þess efnis að Evrópusambandið væri ekki „socialunion“ eða bandalag um félagslega þjónustu.
Holland: Útgönguspár benda til að Frelsisflokkur Wilders tapi fylgi
Útgönguspár, sem birtar voru í Hollandi í gærkvöldi benda til að Frelsisflokkur Geert Wilders muni tapa fylgi í kosningunum til Evrópuþingsins sem hófust í gærmorgun og að þingmönnumhans á Evrópuþinginu fækki um tvo en þeir hafa verið fimm. Þetta gengur þvert á spár um uppgang flokka lengst til hægri í þeim kosningum.