Hart tekist á um niðurskurð breska heraflan
Hart er tekist á um niðurskurð á breska heraflanum í ríkisstjórn Davids Camerons. Liam Fox, varnarmálaráðherra, hefur ritað forsætisráðherranum bréf og sagt, að hugmyndir um minnkun heraflans séu óverjanlegar. Framkvæmd þeirra kalli á hörð viðbrögð frá stuðningsmönnum Íhaldsflokksins, fjölmiðlum og hernum.
Breska fjármálaráðuneytið hefur krafist þess, að varnarmálaráðuneytið skeri útgöld til varnarmála niður um 10% af árlegum fjárveitingum, sem nema 37 milljörðum punda. Í bréfi sinu gagnrýnir Liam Fox þessa kröfu og segist njóta stuðnings annarra ráðherra, sem vilji ekki, að vegið sé að heraflanum á þennan hátt.
Verði farið að kröfu fjármálaráðuneytisins munu tugir þúsunda hermanna, sjóliða og flugliða missa störf sín að sögn The Daily Telegraph.
Ólíklegt er, að ráðist verði í smíði nýs flugmóðurskips fyrir flotann. Þá er ágreiningur meðal ráðherra um, hvort endurnýja eigi Trident-kjarnorkukafbátana. Landgönguliðssveitir flotans kynnu að hverfa úr sögunni.
Flugherinn verður sviptur mörgum orrustuþotum og ekki yrði um nýjar Nimrod-eftirlitsþotur að ræða. Einnig yrði fækkað í heimavarnaliðinu.
Rætt hefur verið um endurskipulagningu breska heraflans um nokkurra mánaða skeið. Tillögur um hana hafa sætt gagnrýni þingmanna og yfirmanna í heraflanum. Nú skýrir varnarmálaráðherrann hins vegar í fyrsta sinn frá áhyggjum sínum opinberlega.
Bréf Fox til Camerons, sem hefur verið birt opinberlega ber áritunina: „Aðeins fyrir augu forsætisráðherra“. Þar segir Fox, að sífellt verði erfiðar fyrir sig að verja niðurskurðarferlið innan heraflans. Fari svo fram sem horfi verði pólitískar afleiðingar fyrir sig og forsætisráðherranna alvarlegri. Ákvarðanir, sem teknar verði núna, muni setja núverandi ríkisstjórn og arftökum hennar of þröngar skorður í varnar- og öryggismálum. Þótt embættismenn varnarmálaráðuneytisins og fulltrúar heraflans hafi í fimm mánuði unnið hörðum höndum að því að finna leið til að spara að minnsta kosti 4 milljarði punda, sé niðurskurðurinn í raun óframkvæmanlegur bæði í orði og á borði.
Þáttaskil urðu í samskiptum ríkisstjórnar Íslands og ESB fimmtudaginn 12. mars þegar Gunnar Bragi Sveinsson utanríkisráðherra aftenti formanni ráðherraráðs ESB og viðræðustjóra stækkunarmála í framkvæmdastjórn ESB bréf. Textinn sem gildir gagnvart ESB er á ensku. Þar segir: „The Government of...
- StjórnmálavaktinBild: Varoufakis er á förum sem fjármálaráðherra - ráðherrann segir þetta úr lausu lofti gripið
- Í pottinumEasy-Jet fækkar ferðum London-Moskva um helming
- StjórnmálavaktinÞáttaskil - hlé á útgáfu Evrópuvaktarinnar
- StjórnmálavaktinKlofingur meðal kristilegra í Þýskalandi vegna skuldavanda Grikkja
- Í pottinumAðild að Evrópusambandinu jafngildir aðför að fæðuöryggi Íslendinga
- StjórnmálavaktinAlexis Tsipras: Ekki búast við skilyrðislausri uppgjöf
- StjórnmálavaktinReuters: Bankar í Evrópu og Bandaríkjunum hafa fækkað starfsmönnum um 160 þúsund á tveimur árum
- Í pottinumPIMCO: Evrusvæðið á sér ekki framtíð að óbreyttu
- Í pottinumVeruleikaflótti ESB-aðildarflokkanna heldur áfram
- StjórnmálavaktinSumartími í ESB-ríkjum: Frakkar ætla að kanna hagkvæmni breytinga á klukkunni
Kolbeinn Árnason, framkvæmdastjóri Landssambands íslenskra útvegsmanna (LÍÚ) segir að í tveimur nýlegum Evrópuskýrslum, frá Hagfræðistofnun HÍ og Alþjóðamálastofnun HÍ, komi fram rök sem styðji þá afstöðu LÍÚ að Ísland eigi að standa utan ESB. Þá segir hann óþarfa að ganga lengra í viðræðum við ES...
Norðurslóðir: Risastórir öskuhaugar fastir í ís?
Rannsóknir benda til að hlýnun jarðar og sú bráðnun hafíss, sem af henni leiðir geti losað um 1 trilljón úrgangshluta úr plasti, sem hafi verið hent í sjó og sitji nú fastir í ísbreiðum á Norðurslóðum. Þetta segja rannsakendur að geti gerzt á einum áratug. Meðal þess sem rannsóknir hafa leitt í ljós er að slíkir öskuhaugar séu að myndast á Barentshafi.
Þýzkaland: Merkel segir ESB ekki bandalag um félagslega þjónustu
Angela Merkel liggur nú undir harðri gagnrýni fyrir ummæli, sem hún lét falla, nú nokkrum dögum fyrir kosningar til Evrópuþingsins þess efnis að Evrópusambandið væri ekki „socialunion“ eða bandalag um félagslega þjónustu.
Holland: Útgönguspár benda til að Frelsisflokkur Wilders tapi fylgi
Útgönguspár, sem birtar voru í Hollandi í gærkvöldi benda til að Frelsisflokkur Geert Wilders muni tapa fylgi í kosningunum til Evrópuþingsins sem hófust í gærmorgun og að þingmönnumhans á Evrópuþinginu fækki um tvo en þeir hafa verið fimm. Þetta gengur þvert á spár um uppgang flokka lengst til hægri í þeim kosningum.