Ný fjölmiðlalög Ungverja fara fyrir brjóstið á ESB-þingmönnum
Ungverjar taka við forsæti innan Evrópusambandsins af Belgum 1. janúar 2011. Forystumenn í hópi ESB-þingmanna hafa látið í ljós efasemdir um að ný fjölmiðlalög í landinu standist kröfur um tjáningarfrelsi.
Ungverska þingið samþykkti mánudaginn 20. desember lög um fjölmiðlaráð sem skal fylgjast með fjölmiðlum og fréttaskrifum í landinu og hefur heimild til að leggja umtalsverðar sektir á einkarekna fjölmiðla sem brjóta reglur um miðlun stjórnmálafrétta
Martin Schulz, forystumaður sósíalista á ESB-þinginu, sagði að innan þingsins myndu menn leggja evrópskan kvarða um frelsi fjölmiðla á hina nýju ungversku löggjöf. Í samtali við þýska blaðið Frankfurter Rundschau sagði hann að það kynni að valda „miklum vandræðum“ ef ungversku lögin stæðust ekki þetta próf.
Ungverska ríkisstjórnin segir að löngu sé tímabært að setja lög af þessu tagi. Þau séu nauðsynleg vegna nýrrar tækni og nýrra efnistaka við miðlun frétta. Stjórnin segir að lögin séu sambærileg við það sem tíðkist í öðrum ESB-löndum.
Jean Asselborn, utanríkisráðherra Lúxemborgar, hvatti framkvæmdastjórn ESB til að grípa til skjótra aðgerða gegn lögunum. „Markmið laganna er greinilega andstætt efni og orðalagi ESB-sáttmálanna,“ sagði Asselborn við Reuters-fréttastofuna. „Lögin eru bein ógn við lýðræðið. Ríkið ætlar að stjórna skoðanamyndun.“
Samkvæmt lögunum á að koma á fót fimm manna fjölmiðlaráði til að hafa eftirlit með opinberum og einkareknum fjölmiðlum. Ráðið sem að meirihluta verður skipað flokksmönnum forsætisráðherrans, hins hægrisinnaða Viktors Orbans, getur lagt þungar sektir á framleiðendur efnis í útvarpi, sjónvarpi, á netinu og í blöðum sé efnið ekki talið „ í pólitísku jafnvægi“.
Lögin taka gildi 1. janúar 2011, sama dag og Ungverjar taka við forsæti í ráðherraráði ESB næstu sex mánuði.
Heimild: Deutsche Welle
Þáttaskil urðu í samskiptum ríkisstjórnar Íslands og ESB fimmtudaginn 12. mars þegar Gunnar Bragi Sveinsson utanríkisráðherra aftenti formanni ráðherraráðs ESB og viðræðustjóra stækkunarmála í framkvæmdastjórn ESB bréf. Textinn sem gildir gagnvart ESB er á ensku. Þar segir: „The Government of...
- StjórnmálavaktinBild: Varoufakis er á förum sem fjármálaráðherra - ráðherrann segir þetta úr lausu lofti gripið
- StjórnmálavaktinÞáttaskil - hlé á útgáfu Evrópuvaktarinnar
- StjórnmálavaktinKlofingur meðal kristilegra í Þýskalandi vegna skuldavanda Grikkja
- StjórnmálavaktinSumartími í ESB-ríkjum: Frakkar ætla að kanna hagkvæmni breytinga á klukkunni
- Í pottinumEasy-Jet fækkar ferðum London-Moskva um helming
- StjórnmálavaktinAlexis Tsipras: Ekki búast við skilyrðislausri uppgjöf
- StjórnmálavaktinReuters: Bankar í Evrópu og Bandaríkjunum hafa fækkað starfsmönnum um 160 þúsund á tveimur árum
- Í pottinumAðild að Evrópusambandinu jafngildir aðför að fæðuöryggi Íslendinga
- Í pottinumPIMCO: Evrusvæðið á sér ekki framtíð að óbreyttu
- StjórnmálavaktinAlvarleg bankakreppa skollin á í Andorra-sögð minna á Ísland og Kýpur
Kolbeinn Árnason, framkvæmdastjóri Landssambands íslenskra útvegsmanna (LÍÚ) segir að í tveimur nýlegum Evrópuskýrslum, frá Hagfræðistofnun HÍ og Alþjóðamálastofnun HÍ, komi fram rök sem styðji þá afstöðu LÍÚ að Ísland eigi að standa utan ESB. Þá segir hann óþarfa að ganga lengra í viðræðum við ES...
Norðurslóðir: Risastórir öskuhaugar fastir í ís?
Rannsóknir benda til að hlýnun jarðar og sú bráðnun hafíss, sem af henni leiðir geti losað um 1 trilljón úrgangshluta úr plasti, sem hafi verið hent í sjó og sitji nú fastir í ísbreiðum á Norðurslóðum. Þetta segja rannsakendur að geti gerzt á einum áratug. Meðal þess sem rannsóknir hafa leitt í ljós er að slíkir öskuhaugar séu að myndast á Barentshafi.
Þýzkaland: Merkel segir ESB ekki bandalag um félagslega þjónustu
Angela Merkel liggur nú undir harðri gagnrýni fyrir ummæli, sem hún lét falla, nú nokkrum dögum fyrir kosningar til Evrópuþingsins þess efnis að Evrópusambandið væri ekki „socialunion“ eða bandalag um félagslega þjónustu.
Holland: Útgönguspár benda til að Frelsisflokkur Wilders tapi fylgi
Útgönguspár, sem birtar voru í Hollandi í gærkvöldi benda til að Frelsisflokkur Geert Wilders muni tapa fylgi í kosningunum til Evrópuþingsins sem hófust í gærmorgun og að þingmönnumhans á Evrópuþinginu fækki um tvo en þeir hafa verið fimm. Þetta gengur þvert á spár um uppgang flokka lengst til hægri í þeim kosningum.