Spá hagfræðinga: Grikkland verður óhjákvæmilega gjaldþrota
Evru-ríkin neyðast til að heimila Grikkjum að stöðva afborganir af þeim lánum sem þeir hafa fengið. Þetta er mat hóps virtra hagfræðinga sem kynnt verður fjármálaráðherrum evru-ríkjanna þegar þeir koma saman að kvöldi 17. janúar til að ræða framtíð kreppuríkjanna innan ESB.
Innan Goldman Sachs, Barclays-fjármálaþjónustunnar og í vikublaðinu The Economist hafa menn komist að þeirri niðurstöðu að óhjákvæmilegt sé að Grikkland verði gjaldþrota.
Erik Nielsen, aðalhagfræðingur hjá Goldman Sachs í London sem áður var hjá Alþjóðabankanum, segir við Bloomberg-fréttaþjónustuna, að menn eigi að hafa hliðsjón af svonefndum Brady-áætlunum frá níunda áratugnum. Gripið var til þeirra þegar nokkur þróunarríki gátu ekki lengur staðið í skilum.
Þá fengu fjárfestar sem höfðu veitt lán til ríkja eins og Ekvador og Kosta Ríka að breyta kröfum sínum í ný ríkisskuldabréf sem annað hvort báru lægri vexti eða hagstæðari skilmála gegn ábyrgðaryfirlýsingu um að greitt yrði samkvæmt hinum nýju bréfum.
Í leiðara í nýjasta tölublaði af The Economist segir að leyfa eigi Grikklandi að verða gjaldþrota og menn eigi að velta því fyrir sér hvort Írland og Portúgal eigi ekki einnig að sigla sinn sjó.
Samkvæmt núverandi spám munu ríkisskuldir Grikkja halda áfram að vaxa til ársins 2015 þrátt fyrir niðurskurð og verða 165% af landsframleiðslu. Fram til þess tíma verða vaxtagreiðslur af opinberum lánum um milli 8 og 9% af landsframleiðslu.
Portúgalir og Spánverjar seldu ríkisskuldabréf í síðustu viku. Viðskiptin litu vel út á pappírnum en meðal annars Nóbelsverðlaunahafinn í hagfræði Paul Krugman sagði að vextir á bréfunum væru svo háir að hætta væri á að þeir leiddu til ríkisgjaldþrota í löndunum.
Heimild: JyllandsPosten
Nú mæla hagvísar okkur það að atvinnuleysi fari vaxandi og jafnframt að verðbólgan færist í aukana. Það er rétt að atvinnuleysið er að aukast og er það í takt við aðra hagvísa um minnkandi einkaneyslu, slaka í fjárfestingum og fleira. Það er hinsvegar rangt að verðbólgan sé að vaxa.
- StjórnmálavaktinBild: Varoufakis er á förum sem fjármálaráðherra - ráðherrann segir þetta úr lausu lofti gripið
- StjórnmálavaktinÞáttaskil - hlé á útgáfu Evrópuvaktarinnar
- StjórnmálavaktinKlofingur meðal kristilegra í Þýskalandi vegna skuldavanda Grikkja
- StjórnmálavaktinSumartími í ESB-ríkjum: Frakkar ætla að kanna hagkvæmni breytinga á klukkunni
- Í pottinumEasy-Jet fækkar ferðum London-Moskva um helming
- StjórnmálavaktinAlexis Tsipras: Ekki búast við skilyrðislausri uppgjöf
- StjórnmálavaktinReuters: Bankar í Evrópu og Bandaríkjunum hafa fækkað starfsmönnum um 160 þúsund á tveimur árum
- Í pottinumAðild að Evrópusambandinu jafngildir aðför að fæðuöryggi Íslendinga
- Í pottinumPIMCO: Evrusvæðið á sér ekki framtíð að óbreyttu
- StjórnmálavaktinAlvarleg bankakreppa skollin á í Andorra-sögð minna á Ísland og Kýpur
Kolbeinn Árnason, framkvæmdastjóri Landssambands íslenskra útvegsmanna (LÍÚ) segir að í tveimur nýlegum Evrópuskýrslum, frá Hagfræðistofnun HÍ og Alþjóðamálastofnun HÍ, komi fram rök sem styðji þá afstöðu LÍÚ að Ísland eigi að standa utan ESB. Þá segir hann óþarfa að ganga lengra í viðræðum við ES...
Norðurslóðir: Risastórir öskuhaugar fastir í ís?
Rannsóknir benda til að hlýnun jarðar og sú bráðnun hafíss, sem af henni leiðir geti losað um 1 trilljón úrgangshluta úr plasti, sem hafi verið hent í sjó og sitji nú fastir í ísbreiðum á Norðurslóðum. Þetta segja rannsakendur að geti gerzt á einum áratug. Meðal þess sem rannsóknir hafa leitt í ljós er að slíkir öskuhaugar séu að myndast á Barentshafi.
Þýzkaland: Merkel segir ESB ekki bandalag um félagslega þjónustu
Angela Merkel liggur nú undir harðri gagnrýni fyrir ummæli, sem hún lét falla, nú nokkrum dögum fyrir kosningar til Evrópuþingsins þess efnis að Evrópusambandið væri ekki „socialunion“ eða bandalag um félagslega þjónustu.
Holland: Útgönguspár benda til að Frelsisflokkur Wilders tapi fylgi
Útgönguspár, sem birtar voru í Hollandi í gærkvöldi benda til að Frelsisflokkur Geert Wilders muni tapa fylgi í kosningunum til Evrópuþingsins sem hófust í gærmorgun og að þingmönnumhans á Evrópuþinginu fækki um tvo en þeir hafa verið fimm. Þetta gengur þvert á spár um uppgang flokka lengst til hægri í þeim kosningum.