Grikkir gagnrýna fulltrúa AGS harðlega fyrir íhlutun í innanríkismál
Grikkir sökuðu laugardaginn 12. febrúar eftirlitsmenn ESB og Alþjóðagjaldeyrissjóðsins (AGS) með framkvæmd grískra efnahagsáætlana um að fara út fyrir umboð sitt og skipta sér af innanríkismálum Grikklands.
Giorgos Petalotis, talsmaður grísku ríkisstjórnarinnar, gaf tóninn í gagnrýni grískra stjórnvalda strax föstudaginn 11. febrúar þegar hann sagði að framkoma eftirlitsmannanna væri óviðunandi. Grikkir þyrftu ekki að sætta sig hvað sem væri þrátt fyrir neyð sína, stjórnvöld tækju aðeins fyrirmæli frá grísku þjóðinni.
Ríkisstjórn Grikklands hefur ekki áður risið opinberlega til andmæla við AGS og ESB, eftir að Grikkjum var veitt 110 milljarða evra fjárhagsleg aðstoð vorið 2010 til að bjarga þeim frá ríkisgjaldþroti.
Sendinefnd AGS, Seðlabanka Evrópu og framkvæmdastjórnar ESB segir að Grikkir verði að einkavæða ríkiseignir fyrir 50 milljarða evra flýta fyrir skipulagsbreytingum á næstu mánuðum til að halda fjármálum ríkisins á floti. Fulltrúi AGS sagði að margir þátttakendur í tíðum mótmælum gegn grísku ríkisstjórninni væru reiðir vegna þess að þeir væru að tapa „ósanngjörnum forréttindum og sérkjörum“.
George Papandreou, forsætisráðherra Grikkja, ræddi við Dominique Strauss-Kahn, forstjóra AGS, í síma laugardaginn 12. febrúar og lýsti vanþóknun sinni á framkomu fulltrúa AGS. Forsætisráðuneytið sagði að Strauss-Kahn hefði hringt í Papandreou. Hann hefði sýnt skilning á því sem fólst í orðum forsætisráðherrans og lýst virðingu sinni í garð grísku ríkisstjórnarinnar og þjóðarinnar.
Stjórnarandstaðan, sem er hægra megin við miðju, gagnrýndi hins vegar ríkisstjórn sósíalista harðlega fyrir látalæti gagnvart AGS.
Poul Thomsen, sem fer fyrir AGS í Grikklandi, eins og hann gerði hér á Íslandi á sínum tíma, sagði að frambúðar-umbætur í Grikklandi ættu undir högg að sækja gagnvart gæslumönnum sérhagsmuna eins og vöruflutningabílstjóra og lyfjafræðinga. „Ég er ekki undrandi á því að þessir hópar mótmæli ég er hins vegar einnig sannfærður um að gríska þjóðin áttar sig á því hvað hér er á ferðinni: tilraun til að vernda ósanngjörn forréttindi og sérkjör.“
Thomsen taldi fráleitt að Grikkir kynnu að selja fornminjar sínar til að afla sér tekna, en sagði að léleg stjórn á opinberum fjármálum leiddi til sóunar í Grikklandi.
Nú mæla hagvísar okkur það að atvinnuleysi fari vaxandi og jafnframt að verðbólgan færist í aukana. Það er rétt að atvinnuleysið er að aukast og er það í takt við aðra hagvísa um minnkandi einkaneyslu, slaka í fjárfestingum og fleira. Það er hinsvegar rangt að verðbólgan sé að vaxa.
- StjórnmálavaktinBild: Varoufakis er á förum sem fjármálaráðherra - ráðherrann segir þetta úr lausu lofti gripið
- Í pottinumEasy-Jet fækkar ferðum London-Moskva um helming
- StjórnmálavaktinÞáttaskil - hlé á útgáfu Evrópuvaktarinnar
- StjórnmálavaktinKlofingur meðal kristilegra í Þýskalandi vegna skuldavanda Grikkja
- StjórnmálavaktinSumartími í ESB-ríkjum: Frakkar ætla að kanna hagkvæmni breytinga á klukkunni
- Í pottinumAðild að Evrópusambandinu jafngildir aðför að fæðuöryggi Íslendinga
- StjórnmálavaktinAlexis Tsipras: Ekki búast við skilyrðislausri uppgjöf
- StjórnmálavaktinReuters: Bankar í Evrópu og Bandaríkjunum hafa fækkað starfsmönnum um 160 þúsund á tveimur árum
- Í pottinumPIMCO: Evrusvæðið á sér ekki framtíð að óbreyttu
- Í pottinumVeruleikaflótti ESB-aðildarflokkanna heldur áfram
Kolbeinn Árnason, framkvæmdastjóri Landssambands íslenskra útvegsmanna (LÍÚ) segir að í tveimur nýlegum Evrópuskýrslum, frá Hagfræðistofnun HÍ og Alþjóðamálastofnun HÍ, komi fram rök sem styðji þá afstöðu LÍÚ að Ísland eigi að standa utan ESB. Þá segir hann óþarfa að ganga lengra í viðræðum við ES...
Norðurslóðir: Risastórir öskuhaugar fastir í ís?
Rannsóknir benda til að hlýnun jarðar og sú bráðnun hafíss, sem af henni leiðir geti losað um 1 trilljón úrgangshluta úr plasti, sem hafi verið hent í sjó og sitji nú fastir í ísbreiðum á Norðurslóðum. Þetta segja rannsakendur að geti gerzt á einum áratug. Meðal þess sem rannsóknir hafa leitt í ljós er að slíkir öskuhaugar séu að myndast á Barentshafi.
Þýzkaland: Merkel segir ESB ekki bandalag um félagslega þjónustu
Angela Merkel liggur nú undir harðri gagnrýni fyrir ummæli, sem hún lét falla, nú nokkrum dögum fyrir kosningar til Evrópuþingsins þess efnis að Evrópusambandið væri ekki „socialunion“ eða bandalag um félagslega þjónustu.
Holland: Útgönguspár benda til að Frelsisflokkur Wilders tapi fylgi
Útgönguspár, sem birtar voru í Hollandi í gærkvöldi benda til að Frelsisflokkur Geert Wilders muni tapa fylgi í kosningunum til Evrópuþingsins sem hófust í gærmorgun og að þingmönnumhans á Evrópuþinginu fækki um tvo en þeir hafa verið fimm. Þetta gengur þvert á spár um uppgang flokka lengst til hægri í þeim kosningum.