Cameron: Fjárkröfur ESB „hlægilegar“-Brussel „veruleikafirrt“ segir Osborne
Í Downingstræti 10 í London, þar sem David Cameron, forsætisráðherra, er til húsa er sagt að kröfur framkvæmdastjórnar Evrópusambandsins um aukin fjárframlög til reksturs ESB séu „hlægilegar“ og í Downingstræti 11, þar sem höfuðstöðvar George Osborne, fjármálaráðherra Breta eru, segir ráðherrann, að embættismennirnir hjá ESB hafi misst tengslin við raunveruleikann. Þetta kemur fram í Daily Telegraph í dag. Talsmenn brezku ríkisstjórnarinnar neituðu í gærkvöldi að gefa nokkuð upp um það, hvort þeir mundu fallast á einhverjar auknar greiðslu og þá hve miklar. Kröfur ESB um aukin fjárframlög frá aðildarríkjum nema um 400 sterlingspundum á hvert heimili í Bretlandi eða um 75 þúsund íslenzkum krónum.
Osborne segir að kröfur Brussel séu algerlega óviðunandi og að embættismenn þar verði að gera sér grein fyrir hvað sé að gerast í aðildarríkjunum, sem leggi nú öll áherzlu á að eyða ekki meiru en þau afla. Brezkir embættismenn segja að stjórnvöld þar muni reyna að skapa samstöðu með Frökkum, Þjóðverjum, Hollendingum og Svíum um að standa gegn fjárkröfum ESB.
Sá meðlimur framkvæmdastjórnarinnar í Brussel, sem hefur sett kröfurnar fram svaraði í sömu mynt í gær. Hann sagði í gær: Það eru einhverjir að gagnrýna okkur, fjárlög Bretlands hafa stækkað, er það aðhald?
Þáttaskil urðu í samskiptum ríkisstjórnar Íslands og ESB fimmtudaginn 12. mars þegar Gunnar Bragi Sveinsson utanríkisráðherra aftenti formanni ráðherraráðs ESB og viðræðustjóra stækkunarmála í framkvæmdastjórn ESB bréf. Textinn sem gildir gagnvart ESB er á ensku. Þar segir: „The Government of...
- StjórnmálavaktinBild: Varoufakis er á förum sem fjármálaráðherra - ráðherrann segir þetta úr lausu lofti gripið
- StjórnmálavaktinÞáttaskil - hlé á útgáfu Evrópuvaktarinnar
- StjórnmálavaktinKlofingur meðal kristilegra í Þýskalandi vegna skuldavanda Grikkja
- StjórnmálavaktinSumartími í ESB-ríkjum: Frakkar ætla að kanna hagkvæmni breytinga á klukkunni
- Í pottinumEasy-Jet fækkar ferðum London-Moskva um helming
- StjórnmálavaktinAlexis Tsipras: Ekki búast við skilyrðislausri uppgjöf
- StjórnmálavaktinReuters: Bankar í Evrópu og Bandaríkjunum hafa fækkað starfsmönnum um 160 þúsund á tveimur árum
- Í pottinumAðild að Evrópusambandinu jafngildir aðför að fæðuöryggi Íslendinga
- Í pottinumPIMCO: Evrusvæðið á sér ekki framtíð að óbreyttu
- StjórnmálavaktinAlvarleg bankakreppa skollin á í Andorra-sögð minna á Ísland og Kýpur
Kolbeinn Árnason, framkvæmdastjóri Landssambands íslenskra útvegsmanna (LÍÚ) segir að í tveimur nýlegum Evrópuskýrslum, frá Hagfræðistofnun HÍ og Alþjóðamálastofnun HÍ, komi fram rök sem styðji þá afstöðu LÍÚ að Ísland eigi að standa utan ESB. Þá segir hann óþarfa að ganga lengra í viðræðum við ES...
Norðurslóðir: Risastórir öskuhaugar fastir í ís?
Rannsóknir benda til að hlýnun jarðar og sú bráðnun hafíss, sem af henni leiðir geti losað um 1 trilljón úrgangshluta úr plasti, sem hafi verið hent í sjó og sitji nú fastir í ísbreiðum á Norðurslóðum. Þetta segja rannsakendur að geti gerzt á einum áratug. Meðal þess sem rannsóknir hafa leitt í ljós er að slíkir öskuhaugar séu að myndast á Barentshafi.
Þýzkaland: Merkel segir ESB ekki bandalag um félagslega þjónustu
Angela Merkel liggur nú undir harðri gagnrýni fyrir ummæli, sem hún lét falla, nú nokkrum dögum fyrir kosningar til Evrópuþingsins þess efnis að Evrópusambandið væri ekki „socialunion“ eða bandalag um félagslega þjónustu.
Holland: Útgönguspár benda til að Frelsisflokkur Wilders tapi fylgi
Útgönguspár, sem birtar voru í Hollandi í gærkvöldi benda til að Frelsisflokkur Geert Wilders muni tapa fylgi í kosningunum til Evrópuþingsins sem hófust í gærmorgun og að þingmönnumhans á Evrópuþinginu fækki um tvo en þeir hafa verið fimm. Þetta gengur þvert á spár um uppgang flokka lengst til hægri í þeim kosningum.