Reikningsskilareglum írskra banka breytt
Seðlabanki Írlands vill breyta reglum, sem gilda um reikningsskil írskra banka að því er varðar færslur á áhættusömum útlánum og taka upp fyrri reikningsskilareglur í stað þeirra umdeilanlegu reglna, sem nú gilda á Írlandi og í Bretlandi. Þetta kemur fram í Daily Telegraph í dag. Blaðið segir að sams konar breyting í Bretlandi mundi hafa róttæk áhrif á eiginfjárstöðu og hagnaðartölur brezkra banka.
Blaðið segir sérfræðinga hafa varað við því að bankar í Bretlandi og á Írlandi hafi innleitt alþjóðlegar reglur um reikningsskil með öðrum hætti en bankar í öðrum löndum. Þær alþjóðlegu reglur hafa verið gagnrýndar á þeim forsendum að þær hafi gert bönkum kleift að fela áhættu þar til útlánin væru í raun töpuð. Þessar reglur, sem voru teknar upp 2005 hafi líka gert bönkum mögulegt að dreifa töpum á nokkur ár.
Blaðið segir Seðlabanka Írlands ákveðinn í að framkvæma allsherjar hreingerningu á reikningsskilum írskra banka til þess að endurvekja traust á þeim. Bankinn hefur sagt að lögfræðingar kunni að draga í efa heimild hans til þessara breytinga.
Daily Telegraph bendir á að blaðið hafi síðustu 10 mánuði vakið athygli á þessum umdeilanlegu reikningsskilareglum. Einn sérfræðingur hefur sagt að reglurnar geri bönkum kleift að gefa upp falsaðar hagnaðartölur og ofmeta eiginfjárstöðu.
Nefnd á vegum lávarðadeildar brezka þingsins hefur tekið undir þessa gagnrýni. Patrick Honohan, bankastjóri Seðlabanka Írlands hefur verið gagnrýninn á reikningsskilareglur írskra banka og gerði þær að umtalsefni í ræðu í nóvembermánuði á síðasta ári.
Þáttaskil urðu í samskiptum ríkisstjórnar Íslands og ESB fimmtudaginn 12. mars þegar Gunnar Bragi Sveinsson utanríkisráðherra aftenti formanni ráðherraráðs ESB og viðræðustjóra stækkunarmála í framkvæmdastjórn ESB bréf. Textinn sem gildir gagnvart ESB er á ensku. Þar segir: „The Government of...
- StjórnmálavaktinBild: Varoufakis er á förum sem fjármálaráðherra - ráðherrann segir þetta úr lausu lofti gripið
- StjórnmálavaktinÞáttaskil - hlé á útgáfu Evrópuvaktarinnar
- StjórnmálavaktinKlofingur meðal kristilegra í Þýskalandi vegna skuldavanda Grikkja
- StjórnmálavaktinSumartími í ESB-ríkjum: Frakkar ætla að kanna hagkvæmni breytinga á klukkunni
- Í pottinumEasy-Jet fækkar ferðum London-Moskva um helming
- StjórnmálavaktinAlexis Tsipras: Ekki búast við skilyrðislausri uppgjöf
- StjórnmálavaktinReuters: Bankar í Evrópu og Bandaríkjunum hafa fækkað starfsmönnum um 160 þúsund á tveimur árum
- Í pottinumAðild að Evrópusambandinu jafngildir aðför að fæðuöryggi Íslendinga
- Í pottinumPIMCO: Evrusvæðið á sér ekki framtíð að óbreyttu
- StjórnmálavaktinAlvarleg bankakreppa skollin á í Andorra-sögð minna á Ísland og Kýpur
Kolbeinn Árnason, framkvæmdastjóri Landssambands íslenskra útvegsmanna (LÍÚ) segir að í tveimur nýlegum Evrópuskýrslum, frá Hagfræðistofnun HÍ og Alþjóðamálastofnun HÍ, komi fram rök sem styðji þá afstöðu LÍÚ að Ísland eigi að standa utan ESB. Þá segir hann óþarfa að ganga lengra í viðræðum við ES...
Norðurslóðir: Risastórir öskuhaugar fastir í ís?
Rannsóknir benda til að hlýnun jarðar og sú bráðnun hafíss, sem af henni leiðir geti losað um 1 trilljón úrgangshluta úr plasti, sem hafi verið hent í sjó og sitji nú fastir í ísbreiðum á Norðurslóðum. Þetta segja rannsakendur að geti gerzt á einum áratug. Meðal þess sem rannsóknir hafa leitt í ljós er að slíkir öskuhaugar séu að myndast á Barentshafi.
Þýzkaland: Merkel segir ESB ekki bandalag um félagslega þjónustu
Angela Merkel liggur nú undir harðri gagnrýni fyrir ummæli, sem hún lét falla, nú nokkrum dögum fyrir kosningar til Evrópuþingsins þess efnis að Evrópusambandið væri ekki „socialunion“ eða bandalag um félagslega þjónustu.
Holland: Útgönguspár benda til að Frelsisflokkur Wilders tapi fylgi
Útgönguspár, sem birtar voru í Hollandi í gærkvöldi benda til að Frelsisflokkur Geert Wilders muni tapa fylgi í kosningunum til Evrópuþingsins sem hófust í gærmorgun og að þingmönnumhans á Evrópuþinginu fækki um tvo en þeir hafa verið fimm. Þetta gengur þvert á spár um uppgang flokka lengst til hægri í þeim kosningum.