Angela Merkel, kanslari Þýzkalands, lagði áherzlu á það á blaðamannafundi í Hanover í gær, að ekki mætti binda of miklar vonir við lausn fjármálakrísunnar í Grikklandi á fundi leiðtoga evruríkja, sem haldinn verður á morgun, fimmtudag. Umræður í Evrópu hafa snúizt á þann veg, að annað hvort finnist lausn þar eða allt fari á verri veg. Sarkozy kemur til fundar við Merkel í Berlín í dag vegna málsins og Obama, Bandaríkjaforseti, hringdi í kanslarann í gær enda tengja fjármálamarkaðir nú saman tvær spurningar, annars vegar laun á vanda Grikkja, hins vegar hækkun á skuldaþaki Bandaríkjanna. Loks kemur fram í fréttum euobserver, að Lagarde, forstjóri AGS muni sækja leiðtogafundinn á morgun.
Enn er ágreiningur á milli Þjóðverja og seðlabanka Evrópu. Nú er rætt um að leysa hann að einhverju leyti með sérstökum skatti á bankafærslur. Önnur hugmynd, sem er til umræðu er sú, að ríki í vandræðum fái sveigjanlegar lánalínur, sem þau geti gripið til í stað formlegrar lántöku.
Nú mæla hagvísar okkur það að atvinnuleysi fari vaxandi og jafnframt að verðbólgan færist í aukana. Það er rétt að atvinnuleysið er að aukast og er það í takt við aðra hagvísa um minnkandi einkaneyslu, slaka í fjárfestingum og fleira. Það er hinsvegar rangt að verðbólgan sé að vaxa.
Kolbeinn Árnason, framkvæmdastjóri Landssambands íslenskra útvegsmanna (LÍÚ) segir að í tveimur nýlegum Evrópuskýrslum, frá Hagfræðistofnun HÍ og Alþjóðamálastofnun HÍ, komi fram rök sem styðji þá afstöðu LÍÚ að Ísland eigi að standa utan ESB. Þá segir hann óþarfa að ganga lengra í viðræðum við ES...
Norðurslóðir: Risastórir öskuhaugar fastir í ís?
Rannsóknir benda til að hlýnun jarðar og sú bráðnun hafíss, sem af henni leiðir geti losað um 1 trilljón úrgangshluta úr plasti, sem hafi verið hent í sjó og sitji nú fastir í ísbreiðum á Norðurslóðum. Þetta segja rannsakendur að geti gerzt á einum áratug. Meðal þess sem rannsóknir hafa leitt í ljós er að slíkir öskuhaugar séu að myndast á Barentshafi.
Þýzkaland: Merkel segir ESB ekki bandalag um félagslega þjónustu
Angela Merkel liggur nú undir harðri gagnrýni fyrir ummæli, sem hún lét falla, nú nokkrum dögum fyrir kosningar til Evrópuþingsins þess efnis að Evrópusambandið væri ekki „socialunion“ eða bandalag um félagslega þjónustu.
Holland: Útgönguspár benda til að Frelsisflokkur Wilders tapi fylgi
Útgönguspár, sem birtar voru í Hollandi í gærkvöldi benda til að Frelsisflokkur Geert Wilders muni tapa fylgi í kosningunum til Evrópuþingsins sem hófust í gærmorgun og að þingmönnumhans á Evrópuþinginu fækki um tvo en þeir hafa verið fimm. Þetta gengur þvert á spár um uppgang flokka lengst til hægri í þeim kosningum.