Ingibjörg Sólrún: Langsótt að þjóðin samþykki ESB-aðild
Ingibjörg Sólrún Gísladóttir, fyrrverandi formaður Samfylkingarinnar og utanríkisráðherra, segir engan stjórnmálamann í raun berjast fyrir aðild Íslands að Evrópusambandinu. Þá skorti pólitíska forystu almennt í ESB-aðildarmálinu auk þess sem stefnan sé óljós.
Ingibjörg Sólrún sagði þetta í samtali við rás 2 að morgni 21. september. Hún taldi að það yrði á brattann að sækja fyrir ríkisstjórnina vegna ESB-aðildarinnar með klofið bakland og evrusamstarfið í uppnámi. Án þess að hart yrði barist fyrir aðild væri langsótt að þjóðin myndi fallast á hana.
Haustið 2008, eftir hrun bankanna, krafðist Ingibjörg Sólrún þess af samstarfsmönnum sínum í ríkisstjórn, sjálfstæðismönnum, að þeir mótuðu stefnu að hennar skapi í ESB-aðildarmálum og ríkisstjórnin óskaði eftir aðild. Geir H. Haarde, forsætisráðherra og formaður Sjálfstæðisflokksins, hratt af stað víðtækum ESB-umræðum á vettvangi Sjálfstæðisflokksins undir forystu sérstakrar nefndar. Störf hennar leiddu ekki til þess að sjálfstæðismenn teldu skynsamlegt að sækja um aðild að Evrópusambandinu. Andstaða þeirra við aðild hefur styrkst síðan.
Á vefsíðunni Eyjunni er vitnað í orð Ingibjargar Sólrúnar á rás 2 en hún sagði:
„Ég tel að það vanti pólitíska forystu fyrir aðild að Evrópusambandinu. Þá er ég ekki að tala niður einhverja einstaklinga sem það eru að gera og reyna að vinna að þessu af heilum hug. Það sem ég er að segja er það að ríkisstjórnin stendur ekki á bak við þetta og það bara eitt og sér gerir þetta ferli mjög erfitt. Vegna þess að ef að það hefði verið ríkisstjórn heilshugar á bak við þetta þá hefði það verið stefnumótun. Þá hefði verið fólgin í þessu ákveðin stefnumótun og þá hefðu menn unnið í þessa veru og þá farið auðvitað í ákveðið aðlögunarferli. Það vilja menn ekki.
Ef þetta hefði verið skýr stefnumótun af hálfu stjórnvalda og stjórnin staðið heilshugar á bak við þetta þá hefði þetta getað nýst okkur í þeirri uppbyggingu sem við þurfum að fara í. Þá er þetta stefna og við þurfum svo mikið á því að halda að hér sé mörkuð einhver stefna til framtíðar. Ef ekki þessi þá einhver önnur. Að ætla sér að fara í þennan leiðangur með svona klofið bakland og með myntbandalagið í uppnámi það er ansi á brattann að sækja.“
Þáttaskil urðu í samskiptum ríkisstjórnar Íslands og ESB fimmtudaginn 12. mars þegar Gunnar Bragi Sveinsson utanríkisráðherra aftenti formanni ráðherraráðs ESB og viðræðustjóra stækkunarmála í framkvæmdastjórn ESB bréf. Textinn sem gildir gagnvart ESB er á ensku. Þar segir: „The Government of...
- StjórnmálavaktinBild: Varoufakis er á förum sem fjármálaráðherra - ráðherrann segir þetta úr lausu lofti gripið
- StjórnmálavaktinÞáttaskil - hlé á útgáfu Evrópuvaktarinnar
- Í pottinumEasy-Jet fækkar ferðum London-Moskva um helming
- StjórnmálavaktinKlofingur meðal kristilegra í Þýskalandi vegna skuldavanda Grikkja
- StjórnmálavaktinSumartími í ESB-ríkjum: Frakkar ætla að kanna hagkvæmni breytinga á klukkunni
- StjórnmálavaktinAlexis Tsipras: Ekki búast við skilyrðislausri uppgjöf
- StjórnmálavaktinReuters: Bankar í Evrópu og Bandaríkjunum hafa fækkað starfsmönnum um 160 þúsund á tveimur árum
- Í pottinumAðild að Evrópusambandinu jafngildir aðför að fæðuöryggi Íslendinga
- Í pottinumPIMCO: Evrusvæðið á sér ekki framtíð að óbreyttu
- Í pottinumVeruleikaflótti ESB-aðildarflokkanna heldur áfram
Kolbeinn Árnason, framkvæmdastjóri Landssambands íslenskra útvegsmanna (LÍÚ) segir að í tveimur nýlegum Evrópuskýrslum, frá Hagfræðistofnun HÍ og Alþjóðamálastofnun HÍ, komi fram rök sem styðji þá afstöðu LÍÚ að Ísland eigi að standa utan ESB. Þá segir hann óþarfa að ganga lengra í viðræðum við ES...
Norðurslóðir: Risastórir öskuhaugar fastir í ís?
Rannsóknir benda til að hlýnun jarðar og sú bráðnun hafíss, sem af henni leiðir geti losað um 1 trilljón úrgangshluta úr plasti, sem hafi verið hent í sjó og sitji nú fastir í ísbreiðum á Norðurslóðum. Þetta segja rannsakendur að geti gerzt á einum áratug. Meðal þess sem rannsóknir hafa leitt í ljós er að slíkir öskuhaugar séu að myndast á Barentshafi.
Þýzkaland: Merkel segir ESB ekki bandalag um félagslega þjónustu
Angela Merkel liggur nú undir harðri gagnrýni fyrir ummæli, sem hún lét falla, nú nokkrum dögum fyrir kosningar til Evrópuþingsins þess efnis að Evrópusambandið væri ekki „socialunion“ eða bandalag um félagslega þjónustu.
Holland: Útgönguspár benda til að Frelsisflokkur Wilders tapi fylgi
Útgönguspár, sem birtar voru í Hollandi í gærkvöldi benda til að Frelsisflokkur Geert Wilders muni tapa fylgi í kosningunum til Evrópuþingsins sem hófust í gærmorgun og að þingmönnumhans á Evrópuþinginu fækki um tvo en þeir hafa verið fimm. Þetta gengur þvert á spár um uppgang flokka lengst til hægri í þeim kosningum.