Hollendingar og Finnar segja nei við opnun landamæra Rúmeníu og Búlgaríu
Rúmenum og Búlgörum, um 30 milljónum manna, verður áfram bannað að ferðast til annarra ESB-ríkja án vegabréfa eftir að Hollendingar og Finnar ákváðu á elleftu stundu miðvikudaginn 21. september að beita neitunarvaldi gegn tillögu um að Schengen-reglur tækju gildi á flugvöllum og í höfnum landanna.
Höfnunin er reiðarslag fyrir þjóðirnar tvær en áður höfðu Þjóðverjar og Frakkar beitt sér gegn því að þær yrðu fullgildir aðilar að Schengen-samstarfinu. Á fundi Schengen-ráðherra í Brussel að morgni 21. september hafði þess verið vænst að samkomulag næðist um að enn yrðu menn krafnir um vegabréf færu þeir landleiðina milli Rúmenínu, Búlgaríu og ESB-landa en ekki færu þeir um flugvelli eða hafnir. Þjóðverjar og Frakkar höfðu lýst sig samþykkja þessari málamiðlun.
Rúmenar taka neituninni illa og hafa gripið til þess ráðs að stöðva fjölda hollenska flutningabíla hlaðna túlípönum við landamæri sín með þeim rökum að þeir geti ekki haldið inn fyrir landamærin þar sem mönnum stafi ógn af „hættulegum bakteríum“ í blómunum. Þess er krafist að vísindamenn rannaski farminn og kann hann að verða gerður upptækur. Nú þegar hafa nokkrir bílar snúið aftur til Hollands með farm sinn. Í Rúmeníu skrifa blöð um „Schengen-bakteríu“ í túlípönum frá Hollandi.
Teodor Baconschi, utanríkisráðherra Rúmeníu, leynir ekki reiði sinni og segir að hollenska ríkisstjórnin sé gísl Geerts Wilders og hins þjóðernissinnaða Freslisflokks hans.
Jyllands-Posten hefur eftir háttsettum ESB-embættismanni að finnska ríkisstjórnin hafi sagt nei við málamiðlunartillögunni og bent er á að þar séu Sannir Finnar, flokkur þjóðernissinna, áhrifavaldar.
Hollendingar og Finnar hafna tillögu um að landamæri Rúmeníu og Búlgaríu séu opnuð af ótta við ólöglega innflytjendur, skipulagða glæpastarfsemi og víðtæka spillingu.
Heimild: Jyllands-Posten
Þáttaskil urðu í samskiptum ríkisstjórnar Íslands og ESB fimmtudaginn 12. mars þegar Gunnar Bragi Sveinsson utanríkisráðherra aftenti formanni ráðherraráðs ESB og viðræðustjóra stækkunarmála í framkvæmdastjórn ESB bréf. Textinn sem gildir gagnvart ESB er á ensku. Þar segir: „The Government of...
- StjórnmálavaktinBild: Varoufakis er á förum sem fjármálaráðherra - ráðherrann segir þetta úr lausu lofti gripið
- StjórnmálavaktinÞáttaskil - hlé á útgáfu Evrópuvaktarinnar
- Í pottinumEasy-Jet fækkar ferðum London-Moskva um helming
- StjórnmálavaktinKlofingur meðal kristilegra í Þýskalandi vegna skuldavanda Grikkja
- StjórnmálavaktinSumartími í ESB-ríkjum: Frakkar ætla að kanna hagkvæmni breytinga á klukkunni
- StjórnmálavaktinAlexis Tsipras: Ekki búast við skilyrðislausri uppgjöf
- StjórnmálavaktinReuters: Bankar í Evrópu og Bandaríkjunum hafa fækkað starfsmönnum um 160 þúsund á tveimur árum
- Í pottinumAðild að Evrópusambandinu jafngildir aðför að fæðuöryggi Íslendinga
- Í pottinumPIMCO: Evrusvæðið á sér ekki framtíð að óbreyttu
- Í pottinumVeruleikaflótti ESB-aðildarflokkanna heldur áfram
Kolbeinn Árnason, framkvæmdastjóri Landssambands íslenskra útvegsmanna (LÍÚ) segir að í tveimur nýlegum Evrópuskýrslum, frá Hagfræðistofnun HÍ og Alþjóðamálastofnun HÍ, komi fram rök sem styðji þá afstöðu LÍÚ að Ísland eigi að standa utan ESB. Þá segir hann óþarfa að ganga lengra í viðræðum við ES...
Norðurslóðir: Risastórir öskuhaugar fastir í ís?
Rannsóknir benda til að hlýnun jarðar og sú bráðnun hafíss, sem af henni leiðir geti losað um 1 trilljón úrgangshluta úr plasti, sem hafi verið hent í sjó og sitji nú fastir í ísbreiðum á Norðurslóðum. Þetta segja rannsakendur að geti gerzt á einum áratug. Meðal þess sem rannsóknir hafa leitt í ljós er að slíkir öskuhaugar séu að myndast á Barentshafi.
Þýzkaland: Merkel segir ESB ekki bandalag um félagslega þjónustu
Angela Merkel liggur nú undir harðri gagnrýni fyrir ummæli, sem hún lét falla, nú nokkrum dögum fyrir kosningar til Evrópuþingsins þess efnis að Evrópusambandið væri ekki „socialunion“ eða bandalag um félagslega þjónustu.
Holland: Útgönguspár benda til að Frelsisflokkur Wilders tapi fylgi
Útgönguspár, sem birtar voru í Hollandi í gærkvöldi benda til að Frelsisflokkur Geert Wilders muni tapa fylgi í kosningunum til Evrópuþingsins sem hófust í gærmorgun og að þingmönnumhans á Evrópuþinginu fækki um tvo en þeir hafa verið fimm. Þetta gengur þvert á spár um uppgang flokka lengst til hægri í þeim kosningum.