Telegraph: Evran stefnir á öskuhaug sögunnar
Lántökukostnaður breska ríkisins lækkaði niður fyrir kostnað þýska ríkisins í fyrsta sinn í þrjú ár fimmtudaginn 24. nóvember vegna ótta lánveitenda við áhrif evru-kreppunnar á þýskan efnahag. The Daily Telegraph segir að evran sé á leið á öskuhaug sögunnar.
Vextir á 10 ára breskum ríkisskuldabréfum lækkuðu í 2,16% en sambærilegir vextir á þýskum ríkiskuldabréfum „Bund“ hækkuðu í 2,21%. Sýnir þetta að fjárfestar hafa meiri trú á að Bretar geti glímt við skuldir sínar en lykilríkið á evru-svæðinu.
Hækkunin á lántökukostnaði Þjóðverja siglir í kjölfar þess að sala á þýskum ríkisskuldabréfum misheppnaðist miðvikudaginn 23. nóvember. Hefur þýsku Bund-bréfunum aldrei verið verr tekið síðan evran kom til sögunnar. Í Bretlandi er þetta túlkað á þann veg að fjárfestar óttist hrun evru-svæðisins.
Í The Daily Telegraph segir að þessi þróun sé til markt um að á mörkuðum hallist menn nú að því sem áður var skoðun minnihlutans þar að evran falli dauð niður eða evru-svæðið leysist upp í minni einingar.
Blaðið segir að menn hafi veðjað á að Angela Merkel Þýskalandskanslari mundi láta undan þrýstingi um að Seðlabanki Evrópu yrði beinn þátttakandi í því að verja evru-ríkin áföllum. Fyrir henni vekti aðeins að tala sig í mjúkinn hjá þýskum kjósendum á meðan hún teldi það nauðsynlegt síðan myndi hún snúa við blaðinu og láta undan þrýstingi annarra evru-leiðtoga. Nú hafi hins vegar komið í ljós að Merkel láti ekki haggast.
Við þetta hafi trú alþjóðlegra fjárfesta á evrunni fallið. Þeir hafi sett evruna í bann. Bandaríkjamenn reyni að ná peningum sínum eins fljótt og þeir með góðu móti geta og flytja þá annað. Breskir bankar hafi hætt að lána öðrum en öruggustu viðskiptavinum sínum á evru-svæðinu en þeir hafi meðal annars misst traust bandarískra lánardrottna.
Í The Daily Telegraph segir:
„Næstum allt virðist betra en mynt sem kann bráðlega að lenda á öskuhaug sögunnar. Eins og hendi sé veifað verður pundið kjörmynt í Evrópu.
Við okkur blasir ógnvekjandi atburður – dauðateygjur gjaldmiðils. Og þetta er ekki nein gömul úrelt mynt heldur var hún kynnt til sögunnar á þann veg að hún mundi örugglega skipa sér sess við hlið dollarsins sem ein af helstu meginmyntum heimsins. Það fyrirheit virðist nú hafa verið orðin tóm.“
Nú mæla hagvísar okkur það að atvinnuleysi fari vaxandi og jafnframt að verðbólgan færist í aukana. Það er rétt að atvinnuleysið er að aukast og er það í takt við aðra hagvísa um minnkandi einkaneyslu, slaka í fjárfestingum og fleira. Það er hinsvegar rangt að verðbólgan sé að vaxa.
- StjórnmálavaktinBild: Varoufakis er á förum sem fjármálaráðherra - ráðherrann segir þetta úr lausu lofti gripið
- StjórnmálavaktinÞáttaskil - hlé á útgáfu Evrópuvaktarinnar
- Í pottinumEasy-Jet fækkar ferðum London-Moskva um helming
- StjórnmálavaktinKlofingur meðal kristilegra í Þýskalandi vegna skuldavanda Grikkja
- StjórnmálavaktinSumartími í ESB-ríkjum: Frakkar ætla að kanna hagkvæmni breytinga á klukkunni
- StjórnmálavaktinAlexis Tsipras: Ekki búast við skilyrðislausri uppgjöf
- StjórnmálavaktinReuters: Bankar í Evrópu og Bandaríkjunum hafa fækkað starfsmönnum um 160 þúsund á tveimur árum
- Í pottinumAðild að Evrópusambandinu jafngildir aðför að fæðuöryggi Íslendinga
- Í pottinumPIMCO: Evrusvæðið á sér ekki framtíð að óbreyttu
- Í pottinumVeruleikaflótti ESB-aðildarflokkanna heldur áfram
Kolbeinn Árnason, framkvæmdastjóri Landssambands íslenskra útvegsmanna (LÍÚ) segir að í tveimur nýlegum Evrópuskýrslum, frá Hagfræðistofnun HÍ og Alþjóðamálastofnun HÍ, komi fram rök sem styðji þá afstöðu LÍÚ að Ísland eigi að standa utan ESB. Þá segir hann óþarfa að ganga lengra í viðræðum við ES...
Norðurslóðir: Risastórir öskuhaugar fastir í ís?
Rannsóknir benda til að hlýnun jarðar og sú bráðnun hafíss, sem af henni leiðir geti losað um 1 trilljón úrgangshluta úr plasti, sem hafi verið hent í sjó og sitji nú fastir í ísbreiðum á Norðurslóðum. Þetta segja rannsakendur að geti gerzt á einum áratug. Meðal þess sem rannsóknir hafa leitt í ljós er að slíkir öskuhaugar séu að myndast á Barentshafi.
Þýzkaland: Merkel segir ESB ekki bandalag um félagslega þjónustu
Angela Merkel liggur nú undir harðri gagnrýni fyrir ummæli, sem hún lét falla, nú nokkrum dögum fyrir kosningar til Evrópuþingsins þess efnis að Evrópusambandið væri ekki „socialunion“ eða bandalag um félagslega þjónustu.
Holland: Útgönguspár benda til að Frelsisflokkur Wilders tapi fylgi
Útgönguspár, sem birtar voru í Hollandi í gærkvöldi benda til að Frelsisflokkur Geert Wilders muni tapa fylgi í kosningunum til Evrópuþingsins sem hófust í gærmorgun og að þingmönnumhans á Evrópuþinginu fækki um tvo en þeir hafa verið fimm. Þetta gengur þvert á spár um uppgang flokka lengst til hægri í þeim kosningum.