Grikkland: Meiri en 75% þátttaka í skuldabréfaskiptum heimilar ríkisstjórn að beita lánardrottna nauðung
Gríska ríkisstjórnin tryggði stuðning mikils meirihluta lánardrottna við skipti á skuldabréfum. Hún segir í yfirlýsingu föstudaginn 9. mars að 85,8% banka, tryggingarfélaga og sjúkratryggingasjóða sem eiga grísk ríkisskuldabréf fyrir 177 milljarða evra hafi samþykkt að skipta þeim fyrir önnur verðminni og lækka skuldabyrði Grikklands með því um 107 milljarða evra.
Gríska fjármálaráðuneytið segir að þeim sem gefa eftir skuldir með nýjum bréfum muni fjölga þegar ráðuneytið grípur til nýs, umdeilds lagaákvæðis sem heimilar að þeir lánardrottnar sem ganga ekki af fúsum og frjálsum vilja til skuldabréfaskiptanna verði beittir nauðung til að gera það. Þetta á við þá sem keyptu skuldabréf með ákvæðum um að grísk lög gildi um þau. Í minnihluta bréfa, 30 milljarðar evra, eru ákvæði um að þau lúti enskum lögum. Eigendum þeirra er veittur frestur til 23. mars til að samþykkja skuldabréfaskiptin en nú hafa aðeins 69% þessara lánardrottna samþykkt þau.
Gríska lagaákvæðinu (Collective Action Clauses, CAC) um nauðasamninga við þá sem samþykktu ekki skuldabréfaskiptin má beita ef 75% lánardrottna samþykkja skiptin af fúsum og frjálsum vilja. Þetta skilyrði er nú uppfyllt.
Lánardrottnum er þetta dýrkeypt. Skuldabréf þeirra lækka um 53,5% af upphaflegu nafnverði. Tap þeirra nemur þó í raun 74% af upphaflegri kröfu, þeir verða nú að semja um bréf til 30 ára með lægri vöxtum en á eldri bréfum. Í fyrstu verða vextir aðeins 2%, þeir hækka síðan í 3% og verða 4,3% eftir árið 2022, meðalvextir verða þannig 3,65%, miklu lægri en markaðsvextir.
Þessi skuldbreyting er forsenda fyrir því að Grikkir fái aðgang að 130 milljarða evru neyðarláni II frá evru-ríkjunum. Fjármálaráðherrar evru-ríkjanna efna til símafundar síðdegis föstudaginn 9. mars til ræða stöðuna, hugsanlega taka þeir ekki ákvörðun um málið fyrr en þeir hittast á fundi mánudaginn 12. mars.
Olíuvinnsla við Ísland (II): Þjónusta við orkuþríhyrning norður af Íslandi opnar ný tækifæri
Í BA-ritgerð í hagfræði, sem Hildur Sturludóttir skrifaði við Háskóla Íslands og birt var í febrúar á þessu ári er ferlinu við hugsanlega olíuvinnslu lýst með eftirfarandi hætti: "Fyrsta stigið kallast frumathugunarstig.
- Í pottinumRétt ákvörðun menntamálaráðherra í málefnum RÚV
- LeiðariGagnsæi í utanríkismálum
- Í pottinumVar Steingrímur J. samvinnuþýðari við Maríu?
- FréttÁstralía: Fékk höfuðhögg tók að tala ensku með frönskum hreim
- FréttBretland: Æðstu stjórnendur banka eiga yfir höfði sér fangelsisdóma og tekjumissi skv. tillögum bankanefndar
- FréttNSA og FBI hafa hindrað rúmlega 50 tilraunir til hryðjuverka síðan 11. september 2001
- LeiðariÞjóðhátíðarræðan og ESB
- StjórnmálavaktinÞað þarf að gera úttekt á viðhorfum annarra þjóða til Íslands í hruninu 2008 - og síðan
- FréttForseti Kýpur fer fram á allsherjar endurskoðun björgunaraðgerða
- ViðskiptavaktinBretland: Ítarlegar tillögur um breytta bankalöggjöf liggja fyrir brezka þinginu
Ástralía: Fékk höfuðhögg tók að tala ensku með frönskum hreim
Áströlsk kona tók að tala ensku með frönskum hreim eftir að hún vaknaði eftir umferðarslys þar sem hún hlaut höfuðhögg. Um er að ræða sjaldgæft heilkenni sem um 60 manns hafa greinst með á 100 árum segir í blaðinu Le Figaro. Leanne Rowe hefur aldrei farið til Frakklands og á enga franska vini.
Grikkland: Leiðtogar stjórnarflokka funda síðdegis um ERT
Leiðtogar stjórnarflokkanna þriggja á Grikklandi koma saman til fundar síðdegis í dag til þess að reyna að ná samkomulagi um örlög og framtíð gríska ríkisútvarpsins-sjónvarps. Samkvæmt úrskurði stjórnlagadómstóls Grikklands sl. mánudag hafði ríkisstjórnin leyfi til að loka ERT en ekki að slökkva á útsendingu. Stjórnarflokkarnir hver um sig túlka þessa niðurstöðu eins og þeim hentar.
NSA og FBI hafa hindrað rúmlega 50 tilraunir til hryðjuverka síðan 11. september 2001
Þjóðaröryggisstofnun Bandaríkjanna (NSA) og Alríkislögregla Bandaríkjanna (FBI) hafa að eigin sögn komið í veg fyrir að minnsta kosti 50 tilraunir til hryðjuverka frá 11. september 2011. Google-fyrirtækið hefur óskað eftir að fá að birta hvernig þátttöku þess í verkefnum gegn hryðjuverkum hefur veri...
Forseti Kýpur fer fram á allsherjar endurskoðun björgunaraðgerða
Nikos Anastasiades, forseti Kýpur hefur skrifað leiðtogum evrusvæðisins bréf og farið fram á allsherjar endurskoðun á þeim skilmálum, sem Kýpur tók á sig vegna björgunarláns að upphæð 10 milljarðar evra. Í bréfinu segir forsetinn að Kýpur geti ekki uppfyllt þessa skilmála vegna þess að aðgerðirnar hafi skaðað efnahag landsins og bankakerfið meira en búizt var við.