Einkaþjónn páfa í haldi vegna gruns um leka á trúnaðarskjölum - viðkvæm átök í Páfagarði fréttaefni á Ítalíu
Einkaþjónn páfa hefur verið ákærður í tengslum við rannsókn innan Páfagarðs á fréttaleka til fjölmiðla. Saksóknarar páfadóms hafa veitt Paolo Gabriele (46 ára) stöðu grunaðs í rannsókn vegna stuldar á trúnaðarskjölum.
Fjölmiðlum hafa borist skjöl sem talin eru sýna spillingu, óstjórn og valdastreitu í æðstu stjórn Páfagarðs. Benedikt XVI. páfi skipaði í síðasta mánuði sérnefnd kardínála til að rannsaka uppruna leka trúnaðarskjalanna.
Gabriele er meðal sárafárra óvígðra manna sem hefur aðgang að einkaíbúð páfans. Hann hefur starfað sem einkaþjónn páfa síðan 2006 og býr með konu sinni og þremur börnum í íbúð innan múra Vatíkansins. Ítalskir fjölmiðlar segja að þar hafi fundist trúnaðarskjöl.
Ekkert fangelsi er í Vatíkaninu. Gabriele er hins vegar í haldi í einu af þremur „öruggum herbergjum“ í lítilli lögreglustöð Páfagarðs. Verði hann dæmdur kann hann að hljóta 30 ára fangelsisdóm og yrði fluttur í ítalskt fangelsi á grundvelli samnings milli ítalska ríkisins og Páfagarðs.
Efni skjalanna hefur sett mikinn svip á allar fréttir á Ítalíu undanfarið. Í síðustu viku kom út bókin Hans heilagleiki eftir ítalskan blaðamann en þar birtast trúnaðarbréf og minnisblöð sem gengið hafa á milli páfa og einkaritara hans.
Embættismenn Páfagarðs sögðu útgáfu bókarinnar refsiverða og að gripið yrði til lögmætra aðgerða gegn höfundinum, útgefandanum og þeim sem lak skjölunum.
Ettore Gotti Tedeschi, bankastjóra Vatikans-bankans, var sagt upp störfum fimmtudaginn 24. maí. Sagt er að hann hefði lekið skjölum þótt opinber ástæða uppsagnarinnar sé að hann hafi ekki valdið starfi sínu. Tedesschi segir sjálfur að brottrekstur sinn megi rekja til þess að hann hafi vilja opna starfsemi bankans.
Meðal skjalanna sem hafa birst eftir lekann er bréf til Benedikts páfa frá sendiherra Páfagarðs í Washington þar sem vikið er að klíkuskap og spillingu í æðstu stjórn Vatíkansins. Þá er þar að finna minnisblöð skrifuð með „eitruðum penna“ með illmælgi um Tarcisio Bertone kardínála sem gengur næst páfa í tignarröð og sagt er frá grunsamlegum greiðslum Vatíkan-bankans.
Heimild: BBC
Þáttaskil urðu í samskiptum ríkisstjórnar Íslands og ESB fimmtudaginn 12. mars þegar Gunnar Bragi Sveinsson utanríkisráðherra aftenti formanni ráðherraráðs ESB og viðræðustjóra stækkunarmála í framkvæmdastjórn ESB bréf. Textinn sem gildir gagnvart ESB er á ensku. Þar segir: „The Government of...
- StjórnmálavaktinBild: Varoufakis er á förum sem fjármálaráðherra - ráðherrann segir þetta úr lausu lofti gripið
- Í pottinumEasy-Jet fækkar ferðum London-Moskva um helming
- StjórnmálavaktinÞáttaskil - hlé á útgáfu Evrópuvaktarinnar
- StjórnmálavaktinKlofingur meðal kristilegra í Þýskalandi vegna skuldavanda Grikkja
- StjórnmálavaktinSumartími í ESB-ríkjum: Frakkar ætla að kanna hagkvæmni breytinga á klukkunni
- Í pottinumAðild að Evrópusambandinu jafngildir aðför að fæðuöryggi Íslendinga
- StjórnmálavaktinAlexis Tsipras: Ekki búast við skilyrðislausri uppgjöf
- StjórnmálavaktinReuters: Bankar í Evrópu og Bandaríkjunum hafa fækkað starfsmönnum um 160 þúsund á tveimur árum
- Í pottinumPIMCO: Evrusvæðið á sér ekki framtíð að óbreyttu
- Í pottinumVeruleikaflótti ESB-aðildarflokkanna heldur áfram
Kolbeinn Árnason, framkvæmdastjóri Landssambands íslenskra útvegsmanna (LÍÚ) segir að í tveimur nýlegum Evrópuskýrslum, frá Hagfræðistofnun HÍ og Alþjóðamálastofnun HÍ, komi fram rök sem styðji þá afstöðu LÍÚ að Ísland eigi að standa utan ESB. Þá segir hann óþarfa að ganga lengra í viðræðum við ES...
Norðurslóðir: Risastórir öskuhaugar fastir í ís?
Rannsóknir benda til að hlýnun jarðar og sú bráðnun hafíss, sem af henni leiðir geti losað um 1 trilljón úrgangshluta úr plasti, sem hafi verið hent í sjó og sitji nú fastir í ísbreiðum á Norðurslóðum. Þetta segja rannsakendur að geti gerzt á einum áratug. Meðal þess sem rannsóknir hafa leitt í ljós er að slíkir öskuhaugar séu að myndast á Barentshafi.
Þýzkaland: Merkel segir ESB ekki bandalag um félagslega þjónustu
Angela Merkel liggur nú undir harðri gagnrýni fyrir ummæli, sem hún lét falla, nú nokkrum dögum fyrir kosningar til Evrópuþingsins þess efnis að Evrópusambandið væri ekki „socialunion“ eða bandalag um félagslega þjónustu.
Holland: Útgönguspár benda til að Frelsisflokkur Wilders tapi fylgi
Útgönguspár, sem birtar voru í Hollandi í gærkvöldi benda til að Frelsisflokkur Geert Wilders muni tapa fylgi í kosningunum til Evrópuþingsins sem hófust í gærmorgun og að þingmönnumhans á Evrópuþinginu fækki um tvo en þeir hafa verið fimm. Þetta gengur þvert á spár um uppgang flokka lengst til hægri í þeim kosningum.