Össur í Brussel: Segir Íslendinga tilbúna með samningsafstöðu í sjávarútvegsmálum - engin slík afstaða kynnt hér á landi
Össur Skarphéðinsson utanríkisráðherra sagði á blaðamannafundi eftir ríkjaráðstefnu Íslands og ESB í Brussel föstudaginn 22. júní að Íslendingar væru til þess búnir að kynna samningsafstöðu sína í sjávarútvegsmálum í ESB-aðildarviðræðunum. „Við iðum í skinninu af áhuga á að takast að minnsta kosti á við yfirborð vandans,“ er haft eftir Össuri af Agence Europe-fréttastofunni.
Hér á landi hefur ekki verið skýrt frá því hver sé samningsafstaða Íslands í sjávarútvegsmálum. Stefán Haukur Jóhannesson, formaður viðræðunefndar Íslands, hefur sagt að það sé hlutverk sitt og nefndarinnar að móta þessa afstöðu sem síðan yrði kynnt á vettvangi ríkisstjórnar og alþingis.
Þetta er ekki í fyrsta sinn sem fram kemur að íslenskir ráðamenn kynni fyrst hugmyndir um samningsafstöðu Íslands fyrir embættismönnum ESB í Brussel og taki þær síðan til umræðu hér á landi.
Frá því hefur verið skýrt að 2. apríl 2012 fréttu fulltrúar Bændasamtaka Íslands af tillögum sem lagðar höfðu verið fyrir embættismenn ESB um aðgerðaáætlun í landbúnaðarmálum sem var ekki kynnt í „samningshópi“ utanríkisráðuneytisins um þau mál fyrr en 7. maí 2012.
Þá sagði Stefán Haukur Jóhannesson frá því nýlega í samtali við blað ESB-aðildarsinna ætlað bændum að ESB mundi veita Íslendingum sérlausn í landbúnaðarmálum. Þetta kom forystumönnum bænda í opna skjöldu enda hafði þeim ekki verið skýrt frá samningsafstöðu Íslands. Rituðu þeir bréf til landbúnaðarráðherra og óskuðu skýringa á ummælum formanns viðræðunefndarinnar.
Össur sagði um sjávarútvegsmálin á blaðamannafundinum í Brussel: „Þetta verður erfitt vandamál, það tekur sinn tíma og þess vegna er best að við hefjumst handa við að leysa það fyrr en síðar.“ Hann hvatti til „skapandi og frumlegra“ lausna.
ESB-aðlögun: Virka peningarnir?
Eitt af því sem fylgdi umsókn Íslands um aðlögun að ESB, var að hér mætti ástunda flest það sem mögulegt væri til að auka stuðning við aðild. Athyglisvert er að íslensk stjórnvöld óskuðu sérstaklega eftir aðstoð við að sannfæra landsbúa um ágæti aðildar. Sem segir að stjórnvöld höfðu ekki trú á að þau „tækifæri“ sem fælust í aðild dygðu til að sannfæra landsmenn.
- LeiðariFramkvæmastjórn ESB og feilspor Össurar
- FréttRitað undir fríverslunarsamning Kína og Sviss
- Í pottinumEr ekki alveg öruggt að VG styður stefnu ríkisstjórnarinnar gagnvart ESB?
- LeiðariEkkert uppnám i Evrópu-Hvað veldur Össur?
- FréttDansmærin Ruby breytir framburði sínum í máli sem tengist Berlusconi
- StjórnmálavaktinVG: Katrín þakkar og lýsir árangri en gleymir að skýra úrslit þingkosninganna á
- FréttÍtalía: Beppe Grillo ætlar að knýja fram þjóðaratkvæðagreiðslu um ESB og evruna
- ViðskiptavaktinLandbúnaðurinn hefur gagnsókn á hendur verzluninni
- Í pottinumÓlundarlegir fráfarandi ráðherrar
- FréttBarack Obama boðar nýja stefnu í baráttunni við hryðjuverkamenn - vill takmarka notkun dróna og þrengja vald CIA
Forseti Írlands: ESB endurspeglar ekki beztu hagsmuni fólksins í Evrópu
Michael D Higgins, forseti Írlands sagði í gær á alþjólegri ráðstefnu háskóla í Evrópu, sem haldin er í Háskóla Írlands (NUI Galway), að Evrópusambandið endurspegli ekki beztu hagsmuni fólksins í Evrópu. Hann gagnrýndi ESB fyrir að hafa of litla trú á vitsmunalegum hefðum (intellectual tradition) Evrópu.
Franskur dómstóll: Lagarde skal ekki hafa stöðu grunaðs manns
Franskur dómstóll hefur komist að þeirri niðurstöðu, að Christine Lagarde, forstjóri AGS og fyrrum fjármálaráðherra Frakklands skuli ekki hafa stöðu grunaðs manns í hneykslismáli, sem varðar 400 milljón evra mútugreiðslur til stuðningsmann Nicholas Sarkozy, fyrrum forseta Frakklands. Þetta kemur fram í Financial Times.
Stokkhólmur: Ástandið að róast en samt kveikt í bílum í gærkvöldi
Það var heldur rólegra ástand í úthverfum Stokkhólms í gærkvöldi, föstudagskvöld, lögreglan fékk liðstyrk frá Malmö og Gautaborg, sem virðist hafa dugað að verulegu leyti. Þó var kveikt í tveimur bílum. Og ríkisstjórnin hélt neyðarfund. Í Orebro í miðhluta Svíþjóðar kveiktu 25 grímuklædd ungmenni í þremur bílum, kveiktu í skóla og reyndu að bera eld að lögreglustöð.
Ritað undir fríverslunarsamning Kína og Sviss
Ritað hefur verið undr fríverslunarsamning Kína og Sviss og segir BBC að hann kunni að verða „first such deal with a major Western economy“, fyrsti slíkur samningur Kína við öflugt vestrænt efnahagsríki.