Samningsmarkið í sjávarútvegsmálum: Liggja tilbúin í stjórnarráðinu og í Brussel - ekkert rætt við samningshóp eða þingmenn
Össur Skarphéðinsson utanríkisráðherra skýrði frá því á ríkjaráðstefnu með fulltrúum ESB í Brussel föstudaginn 22. júní að Íslendingar væru til þess búnir að leggja fram samningsmarkmið í sjávarútvegsmálum og hann iðaði í skinninu eftir því að fá að minnsta kosti að kynnast yfirborði sjávarútvegmálanna hjá ESB. Árni Þór Sigurðsson, formaður utanríkismálanefndar alþingis, segír í Morgunblaðinu mánudaginn 25. júní: „Stjórnvöld eru búin að vera að vinna að undirbúningi samningsmarkmiðanna í sjávarútvegsmálum og þeirri vinnu er í raun lokið. Málið hefur svo bara þann gang sem það á að fara.“
Af þessum orðum utanríkisráðherra í Brussel og formanns utanríkismálanefndar í Reykjavík verður ekki annað ráðið en þeir tveir hafi komið sér saman um samningsmarkmið Íslands í sjávarútvegsmálum. Þau hafa að sögn stjórnarandstöðunnar ekki verið kynnt í utanríkismálanefnd alþingis.
Skipulag viðræðna við ESB er á þann veg háttað að utanríkisráðuneytið hefur komið á fót samningshópum fyrir hvern málaflokk og skipað þar sérstakan formann. Kolbeinn Árnason, lögfræðingur og fyrrverandi starfsmaður sjávarútvegsráðuneytisins í Reykjavík og Brussel, er formaður hópsins, sem fjallar um sjávarútvegsmál. Hann kom síðast saman 12. desember 2011. Kolbeinn segir í Morgunblaðinu 25. júní í tilefni af ummælum Össurar í Brussel:
„Samningsmarkmiðin eru ekki tilbúin í þeim skilningi að ferlinu sem sett var upp í kringum það sé lokið. Það hefur farið fram mikil vinna í Stjórnarráðinu en það er ekki búið að ræða þetta í samningshópnum.“
Þessi orð koma heim og saman við það sem Árni Þór Sigurðsson segir, að samningsmarkmiðin séu fyrir hendi en formlegri afgreiðslu þeirra sé ekki lokið. Þau hafa ekki verið rædd í samningshópnum sjálfum.
Stefán Haukur Jóhannesson, formaður ESB-viðræðunefndar Íslands, hefur sagt að það sé hlutverk sitt og viðræðunefndarinnar að móta samningsafstöðu Íslands. Formaðurinn sat ríkjaráðstefnuna föstudaginn 22. júní með utanríkisráðherra. Ekki liggja fyrir upplýsingar um hvort samningsmarkmiðin í sjávarútvegsmálum hafa verið kynnt í viðræðunefndinni.
ESB-aðlögun: Virka peningarnir?
Eitt af því sem fylgdi umsókn Íslands um aðlögun að ESB, var að hér mætti ástunda flest það sem mögulegt væri til að auka stuðning við aðild. Athyglisvert er að íslensk stjórnvöld óskuðu sérstaklega eftir aðstoð við að sannfæra landsbúa um ágæti aðildar. Sem segir að stjórnvöld höfðu ekki trú á að þau „tækifæri“ sem fælust í aðild dygðu til að sannfæra landsmenn.
- Í pottinumÓlundarlegir fráfarandi ráðherrar
- StjórnmálavaktinVG: Katrín þakkar og lýsir árangri en gleymir að skýra úrslit þingkosninganna á
- FréttOsló: Norsk stjórnvöld töldu aðild Íslands að ESB aldrei líklega - vænta aukins samstarfs til að styrkja stöðuna innan EES
- FréttFramkvæmdastjórn ESB rann á rassinn í stóra ólívuolíumálinu
- Í pottinumNú þarf að moka flórinn, sem aðildarumsóknin skilur eftir
- FréttNoregur: Enginn sótti um embætti hæstaréttardómara
- ViðskiptavaktinLandbúnaðurinn hefur gagnsókn á hendur verzluninni
- LeiðariESB-viðræður stöðvaðar - hver leggur til að þeim verði fram haldið?
- FréttStokkhólmur: Kveikt í 340 bílum,veitingahúsi og lögreglustöð-ólæti fjóra daga í röð-Svíar í „sjokki“
- FréttDavid Cameron: Það hefur verið gerð hryðjuverkaárás á breskt þjóðlíf
Framkvæmdastjórn ESB rann á rassinn í stóra ólívuolíumálinu
Framkvæmdastjórn ESB hefur ákveðið að falla frá tillögu um að banna opna dreifingu á olívuolíu á borðum veitingastaða eftir harða gagnrýni á áform um að hrinda henni í framkvæmd 1. janúar 2014 með kröfu um að framvegis yrði olían aðeins borin fram í flöskum með föstum töppum. Dacian Ciolos, landbún...
Noregur: Enginn sótti um embætti hæstaréttardómara
Auglýst var eftir umsóknum um embætti hæstaréttardómara í Noregi og rann umsóknarfrestur út 10. maí sl. Enginn sótti um embættið sem ætlunin var að veita frá 1. janúar 2014. Þetta vekur nokkra undrun þar sem bæði er um virðulegt og vel launað starf að ræða, árslaunin eru um 1,5 m. norskar krónur eða...
Norskir stjórnmálamenn áttu aldrei von á að ESB-aðildarviðræðurnar yrðu leiddar til lykta undir forystu ríkisstjórnar Jóhönnu Sigurðardóttur og kippa sér því ekki upp við fréttir frá Íslandi um að ný ríkisstjórn Sigmundar Davíðs Gunnlaugssonar og Bjarna Benediktssonar hafi kynnt hlé á ESB-viðræðunum.
David Cameron: Það hefur verið gerð hryðjuverkaárás á breskt þjóðlíf
David Cameron, forsætisráðherra Bretlands, segir að ráðist hafi verið að Bretum og bresku þjóðlífi miðvikudaginn 22. maí þegar tveir menn grunaðir um að vera öfgafullir islamistar drápu breskan hermann með köldu blóði um miðjan dag fyrir framan herbúðir í London. Ráðherrann sagði fimmtudaginn 23. ma...