Sjávarútvegsnefnd ESB-þingsins samþykkir einróma refsireglur sem beita má gegn Íslendingum vegna makrílveiða
Sjávarútvegsnefnd ESB-þingsins samþykkti einróma á fundi sínum miðvikudaginn 11. júlí reglur sem heimila framkvæmdastjórn ESB að grípa til refsiaðgerða gegn ríkjum sem veiða úr ofveiddum stofnum og tengdum fisktegundum. Á vefsíðunni wordfishing segir að reglurnar séu svar ESB við ofveiði Íslendinga og Færeyinga á makríl.
Í fréttinni segir að ESB-þingmenn hafi krafist þess að tryggð yrði sjálfbærni fiskstofna sem tengist hagsmunum ESB og þriðja ríkis. Í þessu skyni beri ESB að sýna hörku gagnvart þriðju ríkjum sem fari ekki að kröfum um að stöðva ofveiði skipa undir eigin fána.
Írski ESB-þingmaðurinn Pat the Cope Gallagher hefur beitt sér fyrir breytingum á upphaflegri tillögu framkvæmdastjórnar ESB á refsireglunum. Hinn 27. júní 2012 tókst samkomulag um hertar reglur milli ESB-þingmanna og ráðherraráðs ESB undir formennsku Dana.
Reglurnar heimila framkvæmdastjórninni að takmarka innflutning til ESB frá löndum þar sem ofveiði er heimil og nái takmörkunin til fisks og fiskafurða úr sameiginlegum fiskstofnum og „tengdum tegundum“.
ESB-þingmennirnir hertu á reglunum í meðferð sinni en gættu þess að sögn worldfishing að halda sig innan heimilda Alþjóðaviðskiptastofnunarinnar (WTO). Vildu þeir mun rýmri túlkun á „tengdum tegundum“ en fram kom í upphaflegum tillögum framkvæmdastjórnarinnar. Túlkunin nær nú til allra fiska úr sama lífkerfi.
Þá er tekið fram að reynist refsiaðgerðirnar árangurslausar geti framkvæmdastjórnin gripið til frekari aðgerða eins og með því að takmarka afnot af ESB-höfnum, banna útflutning skipa, veiðarfæra og birgða frá ESB til þriðja lands og einnig banna sölu á skipum frá þriðja ríki til ESB.
Ríki sem ætlunin er að beita refsiaðgerðum skal fá hæfilegan umþóttunartíma til að koma sjónarmiðum sínum á framfæri áður en gripið er til aðgerðanna og fær ekki nema einn mánuð til að fara að kröfum ESB.
Eftir samþykkt sjávarútvegsnefndarinnar fer frumvarpið að nýju reglunum fyrir ESB-þingið í heild. Greiða þingmenn væntanlega atkvæði um frumvarpið í september nk. Við svo búið verður málið afgreitt í ráðherraráðinu.
Þáttaskil urðu í samskiptum ríkisstjórnar Íslands og ESB fimmtudaginn 12. mars þegar Gunnar Bragi Sveinsson utanríkisráðherra aftenti formanni ráðherraráðs ESB og viðræðustjóra stækkunarmála í framkvæmdastjórn ESB bréf. Textinn sem gildir gagnvart ESB er á ensku. Þar segir: „The Government of...
- StjórnmálavaktinBild: Varoufakis er á förum sem fjármálaráðherra - ráðherrann segir þetta úr lausu lofti gripið
- StjórnmálavaktinÞáttaskil - hlé á útgáfu Evrópuvaktarinnar
- Í pottinumEasy-Jet fækkar ferðum London-Moskva um helming
- StjórnmálavaktinKlofingur meðal kristilegra í Þýskalandi vegna skuldavanda Grikkja
- StjórnmálavaktinSumartími í ESB-ríkjum: Frakkar ætla að kanna hagkvæmni breytinga á klukkunni
- StjórnmálavaktinAlexis Tsipras: Ekki búast við skilyrðislausri uppgjöf
- StjórnmálavaktinReuters: Bankar í Evrópu og Bandaríkjunum hafa fækkað starfsmönnum um 160 þúsund á tveimur árum
- Í pottinumAðild að Evrópusambandinu jafngildir aðför að fæðuöryggi Íslendinga
- Í pottinumPIMCO: Evrusvæðið á sér ekki framtíð að óbreyttu
- Í pottinumVeruleikaflótti ESB-aðildarflokkanna heldur áfram
Kolbeinn Árnason, framkvæmdastjóri Landssambands íslenskra útvegsmanna (LÍÚ) segir að í tveimur nýlegum Evrópuskýrslum, frá Hagfræðistofnun HÍ og Alþjóðamálastofnun HÍ, komi fram rök sem styðji þá afstöðu LÍÚ að Ísland eigi að standa utan ESB. Þá segir hann óþarfa að ganga lengra í viðræðum við ES...
Norðurslóðir: Risastórir öskuhaugar fastir í ís?
Rannsóknir benda til að hlýnun jarðar og sú bráðnun hafíss, sem af henni leiðir geti losað um 1 trilljón úrgangshluta úr plasti, sem hafi verið hent í sjó og sitji nú fastir í ísbreiðum á Norðurslóðum. Þetta segja rannsakendur að geti gerzt á einum áratug. Meðal þess sem rannsóknir hafa leitt í ljós er að slíkir öskuhaugar séu að myndast á Barentshafi.
Þýzkaland: Merkel segir ESB ekki bandalag um félagslega þjónustu
Angela Merkel liggur nú undir harðri gagnrýni fyrir ummæli, sem hún lét falla, nú nokkrum dögum fyrir kosningar til Evrópuþingsins þess efnis að Evrópusambandið væri ekki „socialunion“ eða bandalag um félagslega þjónustu.
Holland: Útgönguspár benda til að Frelsisflokkur Wilders tapi fylgi
Útgönguspár, sem birtar voru í Hollandi í gærkvöldi benda til að Frelsisflokkur Geert Wilders muni tapa fylgi í kosningunum til Evrópuþingsins sem hófust í gærmorgun og að þingmönnumhans á Evrópuþinginu fækki um tvo en þeir hafa verið fimm. Þetta gengur þvert á spár um uppgang flokka lengst til hægri í þeim kosningum.