Ummæli Erkki Tuomioja, utanríkisráðherra Finnlands um nauðsyn þess að Finnar búi sig undir splundrun evrusvæðisins hafa valdið titringi bæði innan Finnlands og utan. Utanríkisráðherrann er jafnaðarmaður en ráðherra Evrópumála og utanríkisviðskipta Alexander Stubb er í Sameinaða þjóðaflokknum. Hann hefur svarað ummælum utanríkisráðherrans með því að segja, að Finnar standi 100% að baki evrunni og vilji finna lausn á evrukreppunni. Hann segist hafa eytt öllum föstudagsmorgni í síðustu viku við að útskýra ummæli utanríkisráðherrans. Tuomioja sjálfur segir að fyrirsögn Daily Telegraph á viðtalinu við hann hafi verið villandi.
Hins vegar segir Miapetra Kumpula-Natri, sem er jafnaðarmaður og fomaður svonefndrar stórnefndar finnska þingsins að nú sé nóg komið af neyðarlánum. Fólkið á götunni telur að það verði að vera einhver takmörk, segir hún. Ég skal ekki segja hvort þau takmörk eru 10% af vergri landsframleiðslu eða eitthvað annað. Það hefur ekki verið ákveðið en það er augljóst að lítið land getur ekki hjálpað stóru löndunum til eilífðar segir Miapetra.
Þáttaskil urðu í samskiptum ríkisstjórnar Íslands og ESB fimmtudaginn 12. mars þegar Gunnar Bragi Sveinsson utanríkisráðherra aftenti formanni ráðherraráðs ESB og viðræðustjóra stækkunarmála í framkvæmdastjórn ESB bréf. Textinn sem gildir gagnvart ESB er á ensku. Þar segir: „The Government of...
Kolbeinn Árnason, framkvæmdastjóri Landssambands íslenskra útvegsmanna (LÍÚ) segir að í tveimur nýlegum Evrópuskýrslum, frá Hagfræðistofnun HÍ og Alþjóðamálastofnun HÍ, komi fram rök sem styðji þá afstöðu LÍÚ að Ísland eigi að standa utan ESB. Þá segir hann óþarfa að ganga lengra í viðræðum við ES...
Norðurslóðir: Risastórir öskuhaugar fastir í ís?
Rannsóknir benda til að hlýnun jarðar og sú bráðnun hafíss, sem af henni leiðir geti losað um 1 trilljón úrgangshluta úr plasti, sem hafi verið hent í sjó og sitji nú fastir í ísbreiðum á Norðurslóðum. Þetta segja rannsakendur að geti gerzt á einum áratug. Meðal þess sem rannsóknir hafa leitt í ljós er að slíkir öskuhaugar séu að myndast á Barentshafi.
Þýzkaland: Merkel segir ESB ekki bandalag um félagslega þjónustu
Angela Merkel liggur nú undir harðri gagnrýni fyrir ummæli, sem hún lét falla, nú nokkrum dögum fyrir kosningar til Evrópuþingsins þess efnis að Evrópusambandið væri ekki „socialunion“ eða bandalag um félagslega þjónustu.
Holland: Útgönguspár benda til að Frelsisflokkur Wilders tapi fylgi
Útgönguspár, sem birtar voru í Hollandi í gærkvöldi benda til að Frelsisflokkur Geert Wilders muni tapa fylgi í kosningunum til Evrópuþingsins sem hófust í gærmorgun og að þingmönnumhans á Evrópuþinginu fækki um tvo en þeir hafa verið fimm. Þetta gengur þvert á spár um uppgang flokka lengst til hægri í þeim kosningum.