„Þjóðfélagslegt neyðarástand í Suður-Evrópu“-Harkaleg átök milli mótmælenda og lögreglu
Yfir 9 milljónir lögu niður vinnu á Spáni í gær-stuðningsaðgerðir um alla Evrópu
Verkalýðsfélögin á Spáni telja, að yfir 9 milljónir launþega hafi lagt niður vinnu í gær, þegar mikil mótmæli voru um alla Suður-Evrópu og Mið-Evrópu að hluta til gegn aðhaldsaðgerðum stjórnvalda í evruríkjunum sérstaklega. Þetta kemur fram í spænska dagblaðinu El País í dag. Atvinnulífið á Spáni lamaðist að mestu. Lögreglan girti þinghúsið í Madrid af en átök brutust út þegar mótmælendur gerðu tilraun til að rjúfa þær girðingar. Um 110-118 manns voru handteknir um land allt, 40 aðrir særðust, þar af 18 lögreglumenn. Í Madrid fannst sprengiefni á karli og konu, þar á meðal benzín og naglar og flugeldar. Allar hafnir á Spáni voru lokaðar. Þyrlur flugu lágt yfir mannfjöldanum í Madrid. Í Portúgal telja verkalýðsfélög að þátttaka í allsherjarverkfalli hafi verið um 90%. Verkalýðsfélögin á Spáni krefjast þjóðaratkvæðagreiðslu um aðhaldsaðgerðir.
Brezka dagblaðið Guardian segir að um hafi verið að ræða einhver mestu mótmæli sem sögur fari af um alla Evrópu gegn aðhaldsaðgerðum, sem stjórnað sé frá Þýzkalandi. Milljónir hafi tekið þátt í mótmælunum og í hverri borginni á fætur annarri á strönd Miðjarðarhafsins hafi verið mótmælagöngur og mótmælendum slegið saman við lögreglu. Til átaka hafi komið, sérstaklega í Madrid og í nokkrum borgum á Ítalíu. Í Madrid hafi lögreglan notað gúmmíkúlur, í Pisa hafi mótmælendur tekið skakka turninn yfir og á Sikiley hafi verið kveikt í bílum. Aðalritari samtaka verkalýðsfélaga í Evrópu sagði við Guardian að um væri að ræða þjóðfélagslegt neyðarástand í Suður-Evrópu.
Þátttaka í mótmælum í Aþenu var minni en venjulega og segir Guardian skýringuna á því tveggja daga verkfall í síðustu viku.
Myndbönd, sem fréttastofur hafa birt á vefsíðum sínum sýna harkaleg átök á milli lögreglu og mótmælenda í mörgum borgum, m.a. í Madrid og Lissabon.
Í norðurhluta Evrópu kom til mótmæla, sem Guardian segir að hafi verið stuðningsaðgerðir við mótmælin í suðurhluta álfunnar. Nokkur þúsund hafi safnast saman við Brandenborgar-hliðið í Berlín og mótmælendur hafi verið á ferð í Belgíu og Frakklandi.
Stúdentar voru í forystu á Ítalíu. Í Napólí og Brescia lögðu þeir undir sig járnbrautarteina, í Genúa var aðgangi að ferjum lokað. Í Padúa særðust tveir lögregluþjónar. Í Bologna tóku um tíu þúsund manns þátt í mótmælagöngu.
Þáttaskil urðu í samskiptum ríkisstjórnar Íslands og ESB fimmtudaginn 12. mars þegar Gunnar Bragi Sveinsson utanríkisráðherra aftenti formanni ráðherraráðs ESB og viðræðustjóra stækkunarmála í framkvæmdastjórn ESB bréf. Textinn sem gildir gagnvart ESB er á ensku. Þar segir: „The Government of...
- StjórnmálavaktinBild: Varoufakis er á förum sem fjármálaráðherra - ráðherrann segir þetta úr lausu lofti gripið
- StjórnmálavaktinÞáttaskil - hlé á útgáfu Evrópuvaktarinnar
- StjórnmálavaktinKlofingur meðal kristilegra í Þýskalandi vegna skuldavanda Grikkja
- StjórnmálavaktinSumartími í ESB-ríkjum: Frakkar ætla að kanna hagkvæmni breytinga á klukkunni
- Í pottinumEasy-Jet fækkar ferðum London-Moskva um helming
- StjórnmálavaktinAlexis Tsipras: Ekki búast við skilyrðislausri uppgjöf
- StjórnmálavaktinReuters: Bankar í Evrópu og Bandaríkjunum hafa fækkað starfsmönnum um 160 þúsund á tveimur árum
- Í pottinumAðild að Evrópusambandinu jafngildir aðför að fæðuöryggi Íslendinga
- Í pottinumPIMCO: Evrusvæðið á sér ekki framtíð að óbreyttu
- StjórnmálavaktinAlvarleg bankakreppa skollin á í Andorra-sögð minna á Ísland og Kýpur
Kolbeinn Árnason, framkvæmdastjóri Landssambands íslenskra útvegsmanna (LÍÚ) segir að í tveimur nýlegum Evrópuskýrslum, frá Hagfræðistofnun HÍ og Alþjóðamálastofnun HÍ, komi fram rök sem styðji þá afstöðu LÍÚ að Ísland eigi að standa utan ESB. Þá segir hann óþarfa að ganga lengra í viðræðum við ES...
Norðurslóðir: Risastórir öskuhaugar fastir í ís?
Rannsóknir benda til að hlýnun jarðar og sú bráðnun hafíss, sem af henni leiðir geti losað um 1 trilljón úrgangshluta úr plasti, sem hafi verið hent í sjó og sitji nú fastir í ísbreiðum á Norðurslóðum. Þetta segja rannsakendur að geti gerzt á einum áratug. Meðal þess sem rannsóknir hafa leitt í ljós er að slíkir öskuhaugar séu að myndast á Barentshafi.
Þýzkaland: Merkel segir ESB ekki bandalag um félagslega þjónustu
Angela Merkel liggur nú undir harðri gagnrýni fyrir ummæli, sem hún lét falla, nú nokkrum dögum fyrir kosningar til Evrópuþingsins þess efnis að Evrópusambandið væri ekki „socialunion“ eða bandalag um félagslega þjónustu.
Holland: Útgönguspár benda til að Frelsisflokkur Wilders tapi fylgi
Útgönguspár, sem birtar voru í Hollandi í gærkvöldi benda til að Frelsisflokkur Geert Wilders muni tapa fylgi í kosningunum til Evrópuþingsins sem hófust í gærmorgun og að þingmönnumhans á Evrópuþinginu fækki um tvo en þeir hafa verið fimm. Þetta gengur þvert á spár um uppgang flokka lengst til hægri í þeim kosningum.