Fjármálaráðherra Hollands verður formaður evru-ráðherrahópsins
Jeroen Dijsselbloem, fjármálaráðherra Hollands, var mánudaginn 21. janúar kjörinn formaður evru-ráðherrahópsins í stað Jean-Claude Junckers, forsætisráðherra Lúxemborgar, sem gegnt hefur formennskunni í átta ár og gaf ekki kost á sér til endurkjörs.
Hinn nýi formaður hefur heitið því að berjast fyrir fleiri störfum á evru-svæðinu og draga úr atvinnuleysi. Hann kynnti sjónarmið sín í sex síðna bréfi sem hann sendi til annarra ráðherra í hópnum og sagði áherslu ætti að legga á hagvöxt. Til að það markmið næðist yrði að hafa viðunandi stjórn á ríkisfjármálum. Hollenski fjármálaráðherrann telur mikilvægt að rjúfa vítahringinn milli þess að bjarga bönkum frá hruni og auka ríkisskuldir. Þá telur hann að með bankasambandi verði unnt að dýpksa og styrkja evru-samstarfið.
Jean-Claude Juncker kvaddi formannssætið í evru-hópnum með því að fagna hinu nýja „trausti“ sem menn sýndu evrunni á fjármálamörkuðum. Hann sagðist „feginn“ að samstaða hefði náðst um eftirmann sinn.
Dijsselbloem kynnti framboð sitt til formennskunnar formlega á hollenska þinginu fimmtudaginn 17. janúar og hélt sama kvöld til Madrid til að tryggja sér stuðning ríkisstjórnarinnar þar. Þegar hollenski ráðherrann hitti franskan starfsbróður sinn Pierre Moscovici sagði hinn franski að menn mættu ekki sætta sig við að evru-svæðið væri fast í vítahring aðhalds og samdráttar.
Dijsselbloem hallast til vinstri í stjórnmálum og á því pólitíska samleið með frönskum sósíalistum og François Hollande Frakklandsforseta.
Jeroen Dijsselbloem (f. 1966) er hagfræðingur að mennt. Árið 1992 starfaði hann sem aðstoðarmaður flokks hollenskra jafnaðarmanna (PvdA) á ESB-þinginu og síðan þingflokksins í Haag. Hann tók þátt í sveitarstjórnarstarfi í Hollandi 1994 til 1997. Hann var sérfræðingur í landbúnaðar- og sjávarútvegsráðuneyti Hollands frá 1996 til 2000 þegar hann var kjörinn á þing. Hann varð fjármálaráðherra 5. nóvember 2012.
Þáttaskil urðu í samskiptum ríkisstjórnar Íslands og ESB fimmtudaginn 12. mars þegar Gunnar Bragi Sveinsson utanríkisráðherra aftenti formanni ráðherraráðs ESB og viðræðustjóra stækkunarmála í framkvæmdastjórn ESB bréf. Textinn sem gildir gagnvart ESB er á ensku. Þar segir: „The Government of...
- StjórnmálavaktinBild: Varoufakis er á förum sem fjármálaráðherra - ráðherrann segir þetta úr lausu lofti gripið
- StjórnmálavaktinÞáttaskil - hlé á útgáfu Evrópuvaktarinnar
- StjórnmálavaktinKlofingur meðal kristilegra í Þýskalandi vegna skuldavanda Grikkja
- StjórnmálavaktinSumartími í ESB-ríkjum: Frakkar ætla að kanna hagkvæmni breytinga á klukkunni
- Í pottinumEasy-Jet fækkar ferðum London-Moskva um helming
- StjórnmálavaktinAlexis Tsipras: Ekki búast við skilyrðislausri uppgjöf
- StjórnmálavaktinReuters: Bankar í Evrópu og Bandaríkjunum hafa fækkað starfsmönnum um 160 þúsund á tveimur árum
- Í pottinumAðild að Evrópusambandinu jafngildir aðför að fæðuöryggi Íslendinga
- Í pottinumPIMCO: Evrusvæðið á sér ekki framtíð að óbreyttu
- StjórnmálavaktinAlvarleg bankakreppa skollin á í Andorra-sögð minna á Ísland og Kýpur
Kolbeinn Árnason, framkvæmdastjóri Landssambands íslenskra útvegsmanna (LÍÚ) segir að í tveimur nýlegum Evrópuskýrslum, frá Hagfræðistofnun HÍ og Alþjóðamálastofnun HÍ, komi fram rök sem styðji þá afstöðu LÍÚ að Ísland eigi að standa utan ESB. Þá segir hann óþarfa að ganga lengra í viðræðum við ES...
Norðurslóðir: Risastórir öskuhaugar fastir í ís?
Rannsóknir benda til að hlýnun jarðar og sú bráðnun hafíss, sem af henni leiðir geti losað um 1 trilljón úrgangshluta úr plasti, sem hafi verið hent í sjó og sitji nú fastir í ísbreiðum á Norðurslóðum. Þetta segja rannsakendur að geti gerzt á einum áratug. Meðal þess sem rannsóknir hafa leitt í ljós er að slíkir öskuhaugar séu að myndast á Barentshafi.
Þýzkaland: Merkel segir ESB ekki bandalag um félagslega þjónustu
Angela Merkel liggur nú undir harðri gagnrýni fyrir ummæli, sem hún lét falla, nú nokkrum dögum fyrir kosningar til Evrópuþingsins þess efnis að Evrópusambandið væri ekki „socialunion“ eða bandalag um félagslega þjónustu.
Holland: Útgönguspár benda til að Frelsisflokkur Wilders tapi fylgi
Útgönguspár, sem birtar voru í Hollandi í gærkvöldi benda til að Frelsisflokkur Geert Wilders muni tapa fylgi í kosningunum til Evrópuþingsins sem hófust í gærmorgun og að þingmönnumhans á Evrópuþinginu fækki um tvo en þeir hafa verið fimm. Þetta gengur þvert á spár um uppgang flokka lengst til hægri í þeim kosningum.