Ísland-ESB:Tollar á aðföng til álvera gætu numið nær 3 milljörðum króna
Mundi að óbreyttu leggjast á um 85% af súráli, sem flutt er til Íslands
Þeir „hugsanlegu“ tollar, sem mundu leggjast á aðföng til stóriðju ef Ísland gerðist aðili að ESB og þar með tollabandalagi þess og sagt var frá í frétt hér á Evrópuvaktinni í gær eru 4% tollur á súrál, 6% tollur á ál í föstu formi og 71/2% á ál til íblöndunar. Miðað við innflutning síðustu ára mundi tollur á súrálsinnflutning nema um 2,5 milljörðum króna og á innflutning annarra hráefna um 300 milljónum króna. Samtals yrði þetta viðbótarkostnaður fyrir stóriðju á Íslandi, sem mundi nema nær þremur milljörðum króna.
Í staðreyndablaði utanríkisráðuneytis um 29. kafla. kemur fram að kaflinn hefur verið opnaður en honum ekki lokað.
Í úttekt um þessi mál, sem birtist hér á Evrópuvaktinni hinn 26. október 2011 segir svo:
„Innan Evrópusambandsins er að finna súrálsnámur í tveimur ríkjum, á Spáni og á Írlandi. Enginn tollur er borgaður af því súráli.
Þorri þess súráls, sem hér er unnið úr kemur frá Brasilíu, Ástralíu og Bandaríkjunum svo og frá eyjum í Karabíska hafinu, Innflutningur frá löndum innan ESB er hverfandi.
Innan ESB er í gildi tollfrjáls kvóti á súráli frá tilteknum löndum, sem hafa verið í sérstökum tengslum við einhver aðildarríki. Þar er um að ræða gamlar nýlendur. Þegar tekið hefur verið tillit til þess tollfrjálsa kvóta má gera ráð fyrir að tollur sé borgaður af um 85% af því súráli, sem flutt yrði til Íslands miðað við núverandi innflutningsmynztur.
Það er ekki óhugsandi að álverin hér á Íslandi eigi mismunandi hagsmuna að gæta.. Hugsanlegt er að sum þeirra fái súrál frá löndum, sem njóta tollfrelsis innan ESB en önnur ekki. Og þar sem samkeppni ríkir á þessum markaði í Evrópu getur það verið því álveri hér í hag, sem fær súrál frá gömlum nýlendum, Spáni eða Írlandi að önnur álver hér fái ekki tollfrjálsan aðgang fyrir þetta hráefni.
Þrátt fyrir þetta er ólíklegt að brestur komi í samstöðu álveranna hér um að fá þessa tolla niðurfellda.“
+Hér birtist í heild bréf sem Víglundur Þorsteinsson afhenti í Alþingishúsinu mánudaginn 10. febrúar. Áður hafði Víglundur skrifað Einari K. Guðfinnssyni forseta Alþingis um sama efni.+ Bréf til stjórnskipunar- og eftirlitsnefndar Alþingis, Hr. formaður Ögmundur Jónasson Í framhaldi af b...
- StjórnmálavaktinBild: Varoufakis er á förum sem fjármálaráðherra - ráðherrann segir þetta úr lausu lofti gripið
- StjórnmálavaktinÞáttaskil - hlé á útgáfu Evrópuvaktarinnar
- StjórnmálavaktinKlofingur meðal kristilegra í Þýskalandi vegna skuldavanda Grikkja
- StjórnmálavaktinSumartími í ESB-ríkjum: Frakkar ætla að kanna hagkvæmni breytinga á klukkunni
- Í pottinumEasy-Jet fækkar ferðum London-Moskva um helming
- StjórnmálavaktinAlexis Tsipras: Ekki búast við skilyrðislausri uppgjöf
- StjórnmálavaktinReuters: Bankar í Evrópu og Bandaríkjunum hafa fækkað starfsmönnum um 160 þúsund á tveimur árum
- Í pottinumAðild að Evrópusambandinu jafngildir aðför að fæðuöryggi Íslendinga
- Í pottinumPIMCO: Evrusvæðið á sér ekki framtíð að óbreyttu
- StjórnmálavaktinAlvarleg bankakreppa skollin á í Andorra-sögð minna á Ísland og Kýpur
Kolbeinn Árnason, framkvæmdastjóri Landssambands íslenskra útvegsmanna (LÍÚ) segir að í tveimur nýlegum Evrópuskýrslum, frá Hagfræðistofnun HÍ og Alþjóðamálastofnun HÍ, komi fram rök sem styðji þá afstöðu LÍÚ að Ísland eigi að standa utan ESB. Þá segir hann óþarfa að ganga lengra í viðræðum við ES...
Norðurslóðir: Risastórir öskuhaugar fastir í ís?
Rannsóknir benda til að hlýnun jarðar og sú bráðnun hafíss, sem af henni leiðir geti losað um 1 trilljón úrgangshluta úr plasti, sem hafi verið hent í sjó og sitji nú fastir í ísbreiðum á Norðurslóðum. Þetta segja rannsakendur að geti gerzt á einum áratug. Meðal þess sem rannsóknir hafa leitt í ljós er að slíkir öskuhaugar séu að myndast á Barentshafi.
Þýzkaland: Merkel segir ESB ekki bandalag um félagslega þjónustu
Angela Merkel liggur nú undir harðri gagnrýni fyrir ummæli, sem hún lét falla, nú nokkrum dögum fyrir kosningar til Evrópuþingsins þess efnis að Evrópusambandið væri ekki „socialunion“ eða bandalag um félagslega þjónustu.
Holland: Útgönguspár benda til að Frelsisflokkur Wilders tapi fylgi
Útgönguspár, sem birtar voru í Hollandi í gærkvöldi benda til að Frelsisflokkur Geert Wilders muni tapa fylgi í kosningunum til Evrópuþingsins sem hófust í gærmorgun og að þingmönnumhans á Evrópuþinginu fækki um tvo en þeir hafa verið fimm. Þetta gengur þvert á spár um uppgang flokka lengst til hægri í þeim kosningum.