Leiðtogar ESB-ríkja koma saman í Brussel í von um að geta falið ágreining um meginleiðir í efnahagsmálum
Leiðtogar ESB-ríkjanna munu á fundi sínum fimmtudaginn 14. og föstudaginn 15. mars í Brussel leitast við að finna samnefnara á milli krafna um aðhald í ríkisfjármálum og útgjalda í þágu vaxtar. Atvinnuleysi hefur aldrei verið jafnmikið innan ESB og sérstaklega evru-svæðinu, einkum meðal ungs fólks.
Um 15.000 mótmælendur komu saman í Brussel, skammt frá fundarstað leiðtoganna, til að mótmæla niðurskurði útgjalda.
Leiðtogar evru-ríkjanna 17 koma saman til sérstaks fundar að kvöldi fimmtudags 14. mars og ætla meðal annars að ræða hvort samþykkja eigi neyðarlán til Kýpverja sem yrði afgreitt af fjármálaráðherrum ríkjanna síðdegis föstudaginn 15. mars. Christine Lagarde, forstjóri Alþjóðagjaldeyrissjóðsins, tekur þátt í fundum um neyðarlán til Kýpur.
Talið er líklegt að leiðtogaráð ESB sendi frá sér yfirlýsingu þar sem lögð sé áhersla á aga í ríkisfjármálum og aðgerðir til að auka hagvöxt. Leitast verður við að fela ágreining milli leiðtoganna um þessar leiðir.
Françcois Hollande Frakklandsforseti dró athygli að hve erfitt er fyrir mörg ESB-ríki að ná tökum á ríkisfjármálum sínum þegar hann staðfesti þriðjudaginn 12. mars að ólíklegt væri að frönsk stjórnvöld gætu staðið við skuldbindingu sína gagnvart ESB um að ná halla á ríkissjóði niður fyrir 3% á árinu 2013. Hollandes sagðist ekki treysta sér til að ganga lengra en þegar hefði verið boðað og hallinn yrði líklega 3,7%.
Jens Weidmann, seðlabankastjóri Þýskalands, brást við ummælum forsetans með þeim orðum að umbætur Frakka hefðu „klúðrast“ og það skipti miklu að ríkisstjórnir stærstu evru-ríkjanna stæðu við skuldbindingar sínar í ríkisfjármálum.
Á marsfundi ESB-leiðtogaráðsins eru teknar ákvarðanir um viðmiðanir vegna árlegs eftirlits ESB með fjárlagagerð einstakra ríkja. Umræður á fundinum munu ráða miklu hvaða tökum verður beitt við eftirlitið og hve hart verður gengið fram gagnvart einstökum ríkjum.
Þáttaskil urðu í samskiptum ríkisstjórnar Íslands og ESB fimmtudaginn 12. mars þegar Gunnar Bragi Sveinsson utanríkisráðherra aftenti formanni ráðherraráðs ESB og viðræðustjóra stækkunarmála í framkvæmdastjórn ESB bréf. Textinn sem gildir gagnvart ESB er á ensku. Þar segir: „The Government of...
- StjórnmálavaktinBild: Varoufakis er á förum sem fjármálaráðherra - ráðherrann segir þetta úr lausu lofti gripið
- StjórnmálavaktinÞáttaskil - hlé á útgáfu Evrópuvaktarinnar
- StjórnmálavaktinKlofingur meðal kristilegra í Þýskalandi vegna skuldavanda Grikkja
- StjórnmálavaktinSumartími í ESB-ríkjum: Frakkar ætla að kanna hagkvæmni breytinga á klukkunni
- Í pottinumEasy-Jet fækkar ferðum London-Moskva um helming
- StjórnmálavaktinAlexis Tsipras: Ekki búast við skilyrðislausri uppgjöf
- StjórnmálavaktinReuters: Bankar í Evrópu og Bandaríkjunum hafa fækkað starfsmönnum um 160 þúsund á tveimur árum
- Í pottinumAðild að Evrópusambandinu jafngildir aðför að fæðuöryggi Íslendinga
- Í pottinumPIMCO: Evrusvæðið á sér ekki framtíð að óbreyttu
- StjórnmálavaktinAlvarleg bankakreppa skollin á í Andorra-sögð minna á Ísland og Kýpur
Kolbeinn Árnason, framkvæmdastjóri Landssambands íslenskra útvegsmanna (LÍÚ) segir að í tveimur nýlegum Evrópuskýrslum, frá Hagfræðistofnun HÍ og Alþjóðamálastofnun HÍ, komi fram rök sem styðji þá afstöðu LÍÚ að Ísland eigi að standa utan ESB. Þá segir hann óþarfa að ganga lengra í viðræðum við ES...
Norðurslóðir: Risastórir öskuhaugar fastir í ís?
Rannsóknir benda til að hlýnun jarðar og sú bráðnun hafíss, sem af henni leiðir geti losað um 1 trilljón úrgangshluta úr plasti, sem hafi verið hent í sjó og sitji nú fastir í ísbreiðum á Norðurslóðum. Þetta segja rannsakendur að geti gerzt á einum áratug. Meðal þess sem rannsóknir hafa leitt í ljós er að slíkir öskuhaugar séu að myndast á Barentshafi.
Þýzkaland: Merkel segir ESB ekki bandalag um félagslega þjónustu
Angela Merkel liggur nú undir harðri gagnrýni fyrir ummæli, sem hún lét falla, nú nokkrum dögum fyrir kosningar til Evrópuþingsins þess efnis að Evrópusambandið væri ekki „socialunion“ eða bandalag um félagslega þjónustu.
Holland: Útgönguspár benda til að Frelsisflokkur Wilders tapi fylgi
Útgönguspár, sem birtar voru í Hollandi í gærkvöldi benda til að Frelsisflokkur Geert Wilders muni tapa fylgi í kosningunum til Evrópuþingsins sem hófust í gærmorgun og að þingmönnumhans á Evrópuþinginu fækki um tvo en þeir hafa verið fimm. Þetta gengur þvert á spár um uppgang flokka lengst til hægri í þeim kosningum.