ESB-þingið samþykkir nýja landbúnaðarstefnu - niðurstaðan hörmuleg að mati sænskra ESB-þingmanna
Sænskir ESB-þingmenn eru þungorðir um samþykkt ESB-þingsins um landbúnaðarmál miðvikudaginn 13. mars. Snerist hún um umboð af hálfu þingsins í viðræðum við ráðherraráð ESB og framkvæmdastjórn ESB um nýja landbúnaðarstefnu ESB.
Christofer Fjellner, ESB-þingmaður fyrir Moderatarna, sænska hægrimenn, segir að í meðförum þingsins hafi slæm tillaga frá framkvæmdastjórn ESB orðið enn verri. Það hafi til dæmis verið ákveðið að framlengja reglur um sykurkvóta en framkvæmdastjórnin hafi viljað að þeir hyrfu smátt og smátt eins og ýmsar niðurgreiðslur. Stefnt hafi verið að afnámi kvótanna árið 2015 en þingið vilji að þeir gildi til 2020.
Sykurframleiðsla í Evrópu er stunduð í vernduðu umhverfi og sykurverð innan ESB er næstum tvöfalt hærra en á heimsmarkaði.
Þá samþykkti ESB-þingið að í öllum greinum landbúnaðar gætu menn sótt um framleiðslustyrki og ákvörðun um það skuli tekin í hverju landi fyrir sig en ekki af framkvæmdastjórn ESB. Í þessu felist til dæmis að grískir eða ítalskir tóbaksræktendur geti fengið styrki frá ESB sem Fjellner telur fráleitt.
Sænski vinstri ESB-þingmaðurinn Mikael Gustafsson lýsir miklum vonbrigðum með afgreiðslu þingsins og segir hana hörmulega í mörgu tilliti. Offramleiðsla sé stunduð á þann veg að spillt sé fyrir mörkuðum annarra og þetta sé unnt að gera án tillits til líffræðilegrar fjölbreytni og loftslags.
ESB-þingið samþykkti meðal annars að halda áfram að styrkja evrópska bændur til að stunda útflutning. Að mati Gustafssons leiðir þetta til að ríkir evrópskir bændur geti haldið áfram að selja niðurgreiddar vörur í Afríku og ganga þannig á hlut bænda í þróunarlöndunum.
Þetta er haft eftir sænsku þingmönnunum á sænsku vefsíðunni Europortalen en þar segir einnig að fulltrúar landbúnaðarnefndar ESB-þingsins líti afgreiðslu málsins allt öðrum augum. Ítalski jafnaðarmaðurinn Paolo De Castro, formaður landbúnaðarnefndarinnar, sagði í yfirlýsingu eftir afgreiðslu málsins að í samþykkt þingsins fælist hæfilegt jafnvægi milli framleiðslu matvæla og verndunar umhverfisins, hin nýja landbúnaðarstefna ESB mundi því nýtast ESB-borgurum enn betur en hin eldri. Þá hefði verið dregið úr skriffinnsku.
Atkvæðagreiðslan tók rúmar tvær klukkustundir enda voru breytingartillögurnar 1117. Að lokinni atkvæðagreiðslunni fékk Georgios Papastamkos, varaforseti ESB-þingsins, aðsvif og féll til jarðar. Var líðan hans enn alvarleg fimmtudaginn 14. mars.
Lokaviðræður um efni landbúnaðarstefnunnar verða fyrstu dagana í apríl þegar fulltrúar ESB-þingsins hitta landbúnaðarráðherra ESB-ríkjanna og fulltrúa framkvæmdastjórnar ESB.
ESB-þingið hefur aldrei fyrr tekið þátt í ákvörðunum um efni sameiginlegu landbúnaðarstefnunnar ásamt með ráðherraráðinu. Endurskoðun stefnunnar hefur staðið yfir í mörg ár og er stefnt að gildistöku hennar árið 2014 náist samkomulag í komandi viðræðum. Síðast var stefnunni breytt árið 2003.
Þáttaskil urðu í samskiptum ríkisstjórnar Íslands og ESB fimmtudaginn 12. mars þegar Gunnar Bragi Sveinsson utanríkisráðherra aftenti formanni ráðherraráðs ESB og viðræðustjóra stækkunarmála í framkvæmdastjórn ESB bréf. Textinn sem gildir gagnvart ESB er á ensku. Þar segir: „The Government of...
- StjórnmálavaktinBild: Varoufakis er á förum sem fjármálaráðherra - ráðherrann segir þetta úr lausu lofti gripið
- StjórnmálavaktinÞáttaskil - hlé á útgáfu Evrópuvaktarinnar
- StjórnmálavaktinKlofingur meðal kristilegra í Þýskalandi vegna skuldavanda Grikkja
- StjórnmálavaktinSumartími í ESB-ríkjum: Frakkar ætla að kanna hagkvæmni breytinga á klukkunni
- Í pottinumEasy-Jet fækkar ferðum London-Moskva um helming
- StjórnmálavaktinAlexis Tsipras: Ekki búast við skilyrðislausri uppgjöf
- StjórnmálavaktinReuters: Bankar í Evrópu og Bandaríkjunum hafa fækkað starfsmönnum um 160 þúsund á tveimur árum
- Í pottinumAðild að Evrópusambandinu jafngildir aðför að fæðuöryggi Íslendinga
- Í pottinumPIMCO: Evrusvæðið á sér ekki framtíð að óbreyttu
- StjórnmálavaktinAlvarleg bankakreppa skollin á í Andorra-sögð minna á Ísland og Kýpur
Kolbeinn Árnason, framkvæmdastjóri Landssambands íslenskra útvegsmanna (LÍÚ) segir að í tveimur nýlegum Evrópuskýrslum, frá Hagfræðistofnun HÍ og Alþjóðamálastofnun HÍ, komi fram rök sem styðji þá afstöðu LÍÚ að Ísland eigi að standa utan ESB. Þá segir hann óþarfa að ganga lengra í viðræðum við ES...
Norðurslóðir: Risastórir öskuhaugar fastir í ís?
Rannsóknir benda til að hlýnun jarðar og sú bráðnun hafíss, sem af henni leiðir geti losað um 1 trilljón úrgangshluta úr plasti, sem hafi verið hent í sjó og sitji nú fastir í ísbreiðum á Norðurslóðum. Þetta segja rannsakendur að geti gerzt á einum áratug. Meðal þess sem rannsóknir hafa leitt í ljós er að slíkir öskuhaugar séu að myndast á Barentshafi.
Þýzkaland: Merkel segir ESB ekki bandalag um félagslega þjónustu
Angela Merkel liggur nú undir harðri gagnrýni fyrir ummæli, sem hún lét falla, nú nokkrum dögum fyrir kosningar til Evrópuþingsins þess efnis að Evrópusambandið væri ekki „socialunion“ eða bandalag um félagslega þjónustu.
Holland: Útgönguspár benda til að Frelsisflokkur Wilders tapi fylgi
Útgönguspár, sem birtar voru í Hollandi í gærkvöldi benda til að Frelsisflokkur Geert Wilders muni tapa fylgi í kosningunum til Evrópuþingsins sem hófust í gærmorgun og að þingmönnumhans á Evrópuþinginu fækki um tvo en þeir hafa verið fimm. Þetta gengur þvert á spár um uppgang flokka lengst til hægri í þeim kosningum.