Schäuble lýsir skilning á auknu svigrúmi fyrir Frakka - aðrir þýskir stjórnmálamenn mótmæla
Wolfgang Schäuble, fjármálaráðherra Þýskalands, lýsir skilningi á þeirri ákvörðun framkvæmdastjórnar ESB að gefa frönskum stjórnvöldum frest fram til 2015 til að lækka halla á ríkissjóði niður fyrir 3% af vergri landsframleiðslu.
Þetta kemur fram í viðtali við hann í Bild am Sonntag 5. maí en þar segir fjármálaráðherrann að sáttmálar ESB veiti svigrúm til ákvarðana af þessu tagi. Hann segir jafnframt að þýska ríkisstjórnin og framkvæmdastjórn ESB séu á einu máli um að það megi ekki slaka á kröfum um efnahagsumbætur.
Framkvæmdastjórn ESB veitti frönsku stjórninni þennan aðlögunarfrest þegar hún hafði birt efnahagsspá sína föstudaginn 3. maí þar sem dregin er dökk mynd af þróuninni í Frakklandi næstu tvö árin, þar er meðal annars spáð að franski ríkissjóðshallinn hækki úr 3,9% í ár í 4,2% á næsta ári.
Pierre Moscovici, efnahags- og fjármálaráðherra Frakka, segir að þetta aukna svigrúm jafngildi ekki að Frakkar muni slaka á aðhaldsaðgerðum.
Meðal þýskra stjórnmálamanna gætir óánægju með ákvörðun framkvæmdastjórnarinnar í þágu Frakka. „Þetta boðar ekkert gott. Mér sýnist Frakkar ekki taka á málum sínum af einurð. Með því að veita þeim lengri tíma er sagt, haldið áfram á þessari braut,“ sagði Michael Stübgen, talsmaður þingflokks CDU í Evrópumálum, við vikublaðið Focus.
Philipp Rösler, efnahagsmálaráðherra og formaður frjálsra demókrata (FDP), sagði að José Maunel Barroso, forseti framkvæmdastjórnar ESB, hefði sýnt „ábyrgðarleysi“ við framkvæmd ríkisfjármálastefnu ESB.
„Það er ábyrgðarlaust þegar forseti framkvæmdastjórnar ESB lýsir efasemdum um réttmæti stefnu sem miðar að því að náð sé tökum á ríkisfjármálum í ESB-ríkjum,“ sagði Rösler. Hann sagði að sigrast ætti á skuldakreppunni með að ýta undir hagvöxt og hafa hemil á ríkisútgjöldum. Það yrði að draga saman í ríkisrekstri og í því efni hefðu Þjóðverjar sýnt gott fordæmi. Þeir minnkuðu útgjöld sín en ykju þau ekki.
Heimild: AFP
Þáttaskil urðu í samskiptum ríkisstjórnar Íslands og ESB fimmtudaginn 12. mars þegar Gunnar Bragi Sveinsson utanríkisráðherra aftenti formanni ráðherraráðs ESB og viðræðustjóra stækkunarmála í framkvæmdastjórn ESB bréf. Textinn sem gildir gagnvart ESB er á ensku. Þar segir: „The Government of...
- StjórnmálavaktinBild: Varoufakis er á förum sem fjármálaráðherra - ráðherrann segir þetta úr lausu lofti gripið
- StjórnmálavaktinÞáttaskil - hlé á útgáfu Evrópuvaktarinnar
- StjórnmálavaktinKlofingur meðal kristilegra í Þýskalandi vegna skuldavanda Grikkja
- StjórnmálavaktinSumartími í ESB-ríkjum: Frakkar ætla að kanna hagkvæmni breytinga á klukkunni
- Í pottinumEasy-Jet fækkar ferðum London-Moskva um helming
- StjórnmálavaktinAlexis Tsipras: Ekki búast við skilyrðislausri uppgjöf
- StjórnmálavaktinReuters: Bankar í Evrópu og Bandaríkjunum hafa fækkað starfsmönnum um 160 þúsund á tveimur árum
- Í pottinumAðild að Evrópusambandinu jafngildir aðför að fæðuöryggi Íslendinga
- Í pottinumPIMCO: Evrusvæðið á sér ekki framtíð að óbreyttu
- StjórnmálavaktinAlvarleg bankakreppa skollin á í Andorra-sögð minna á Ísland og Kýpur
Kolbeinn Árnason, framkvæmdastjóri Landssambands íslenskra útvegsmanna (LÍÚ) segir að í tveimur nýlegum Evrópuskýrslum, frá Hagfræðistofnun HÍ og Alþjóðamálastofnun HÍ, komi fram rök sem styðji þá afstöðu LÍÚ að Ísland eigi að standa utan ESB. Þá segir hann óþarfa að ganga lengra í viðræðum við ES...
Norðurslóðir: Risastórir öskuhaugar fastir í ís?
Rannsóknir benda til að hlýnun jarðar og sú bráðnun hafíss, sem af henni leiðir geti losað um 1 trilljón úrgangshluta úr plasti, sem hafi verið hent í sjó og sitji nú fastir í ísbreiðum á Norðurslóðum. Þetta segja rannsakendur að geti gerzt á einum áratug. Meðal þess sem rannsóknir hafa leitt í ljós er að slíkir öskuhaugar séu að myndast á Barentshafi.
Þýzkaland: Merkel segir ESB ekki bandalag um félagslega þjónustu
Angela Merkel liggur nú undir harðri gagnrýni fyrir ummæli, sem hún lét falla, nú nokkrum dögum fyrir kosningar til Evrópuþingsins þess efnis að Evrópusambandið væri ekki „socialunion“ eða bandalag um félagslega þjónustu.
Holland: Útgönguspár benda til að Frelsisflokkur Wilders tapi fylgi
Útgönguspár, sem birtar voru í Hollandi í gærkvöldi benda til að Frelsisflokkur Geert Wilders muni tapa fylgi í kosningunum til Evrópuþingsins sem hófust í gærmorgun og að þingmönnumhans á Evrópuþinginu fækki um tvo en þeir hafa verið fimm. Þetta gengur þvert á spár um uppgang flokka lengst til hægri í þeim kosningum.