Berlingske: Ný bók í Þýzkalandi afhjúpar pólitíska fortíð þekktra stjórnmálamanna o.fl.
Ný bók sem út er komin í Þýzkalandi afhjúpar að sögn Berlingske Tidende í morgun meiri aðild fyrrum meðlima þýzka nazistaflokksins af þýzkum stjórnmálum, en áður hefur verið vitað um. Í bókinni, sem skrifuð er af Malte Herwig, blaðamanni, sem hefur starfað bæði á Der Spiegel og nú á Suddeutsche Zeitung er því haldið fram, að Hans Dietrich Genscher, sem lengi var utanríkisráðherra Þýzkalands og varakanslari úr flokki Frjálsra demókrata hafi verið á skrá sem meðlimur nazistaflokksins. Hið sama eigi við um þekktan rithöfund Martin Walsers, sem var mikill stuðningsmaður Willy Brandts en færðist svo enn lengra til vinstri.
Berlingske minnir á, að upplýst hafi verið að rithöfundurinn Gunter Grass hafi leynt upplýsingum um að hann hafi verið meðlimur SS á tímum Hitlers og segir að það mál hafi orðið til þess að Martin Herwig hafi farið að leita í spjaldskrám nazistaflokksins.
Þegar nafn Genschers var nefnt í þessu samhengi 1994 hélt ráðherrann fyrrverandi því fram, að hann hefði enga hugmynd haft um að nafn hans hafi verið þar en Herwig segir að það sé léleg skýring. Hið sama hafi gerzt þegar hann hafi sjálfur hringt í Martin Walser árið 2007, hann hafi sagt að honum hafi ekki verið kunnugt um að nafn hans væri þar að finna.
Í bók Malte Herwig er því haldið fram að ráðandi öfl í þýzkum stjórnmálum hafi vitandi vits leynt fortíð margra stjórnmálamanna.
Þáttaskil urðu í samskiptum ríkisstjórnar Íslands og ESB fimmtudaginn 12. mars þegar Gunnar Bragi Sveinsson utanríkisráðherra aftenti formanni ráðherraráðs ESB og viðræðustjóra stækkunarmála í framkvæmdastjórn ESB bréf. Textinn sem gildir gagnvart ESB er á ensku. Þar segir: „The Government of...
- StjórnmálavaktinBild: Varoufakis er á förum sem fjármálaráðherra - ráðherrann segir þetta úr lausu lofti gripið
- StjórnmálavaktinÞáttaskil - hlé á útgáfu Evrópuvaktarinnar
- StjórnmálavaktinKlofingur meðal kristilegra í Þýskalandi vegna skuldavanda Grikkja
- StjórnmálavaktinSumartími í ESB-ríkjum: Frakkar ætla að kanna hagkvæmni breytinga á klukkunni
- Í pottinumEasy-Jet fækkar ferðum London-Moskva um helming
- StjórnmálavaktinAlexis Tsipras: Ekki búast við skilyrðislausri uppgjöf
- StjórnmálavaktinReuters: Bankar í Evrópu og Bandaríkjunum hafa fækkað starfsmönnum um 160 þúsund á tveimur árum
- Í pottinumAðild að Evrópusambandinu jafngildir aðför að fæðuöryggi Íslendinga
- Í pottinumPIMCO: Evrusvæðið á sér ekki framtíð að óbreyttu
- StjórnmálavaktinAlvarleg bankakreppa skollin á í Andorra-sögð minna á Ísland og Kýpur
Kolbeinn Árnason, framkvæmdastjóri Landssambands íslenskra útvegsmanna (LÍÚ) segir að í tveimur nýlegum Evrópuskýrslum, frá Hagfræðistofnun HÍ og Alþjóðamálastofnun HÍ, komi fram rök sem styðji þá afstöðu LÍÚ að Ísland eigi að standa utan ESB. Þá segir hann óþarfa að ganga lengra í viðræðum við ES...
Norðurslóðir: Risastórir öskuhaugar fastir í ís?
Rannsóknir benda til að hlýnun jarðar og sú bráðnun hafíss, sem af henni leiðir geti losað um 1 trilljón úrgangshluta úr plasti, sem hafi verið hent í sjó og sitji nú fastir í ísbreiðum á Norðurslóðum. Þetta segja rannsakendur að geti gerzt á einum áratug. Meðal þess sem rannsóknir hafa leitt í ljós er að slíkir öskuhaugar séu að myndast á Barentshafi.
Þýzkaland: Merkel segir ESB ekki bandalag um félagslega þjónustu
Angela Merkel liggur nú undir harðri gagnrýni fyrir ummæli, sem hún lét falla, nú nokkrum dögum fyrir kosningar til Evrópuþingsins þess efnis að Evrópusambandið væri ekki „socialunion“ eða bandalag um félagslega þjónustu.
Holland: Útgönguspár benda til að Frelsisflokkur Wilders tapi fylgi
Útgönguspár, sem birtar voru í Hollandi í gærkvöldi benda til að Frelsisflokkur Geert Wilders muni tapa fylgi í kosningunum til Evrópuþingsins sem hófust í gærmorgun og að þingmönnumhans á Evrópuþinginu fækki um tvo en þeir hafa verið fimm. Þetta gengur þvert á spár um uppgang flokka lengst til hægri í þeim kosningum.