Spánn: Seðlabanki Evrópu hvetur til frekari ráðstafana til að verja húseigendur gegn nauðungarsölum
Seðlabanki Evrópu hefur hvatt spænsk stjórnvöld til að gera frekari ráðstafanir til að verja húseigendur fyrir nauðungarsölum. Þessi hvatning kemur fram í þriggja síðna bréfi frá Mario Draghi, aðalbankastjóra SE þar sem segir að líta eigi á nauðungarsölu sem leið til þrautavara. Lánveitendur með tryggingu eigi að líta á það sem sína hagsmuni að komast hjá nauðungarsölu segir í bréfinu. Þær séu dýrar og skili yfirleitt lægra söluverði en frjáls sala, þar sem veðskuldari haldi áfram að greiða allt eða hluta þess sem um hafi verið samið. Bréfið er svar við ósk stjórnvalda á Spáni um álit SE á frumvarpsdrögum, sem eiga að verja húseigendur betur.
Í bréfi Draghi kemur fram, að lánveitendur með tryggingu eigi að breyta núverandi viðbrögðum við vanskilum lántakenda með það í huga að komast hjá nauðungarsölum og að ný lög eigi að verða öllum aðilum hvatning til þess að komast að samkomulagi um tímabæra og skynsamlega endurskipulagningu skulda.
Nauðungarsölur og útburðir hafa verið sérstakt vandamál á Spáni og í fréttum Evrópuvaktarinnar hefur komið fram að dómarar þar í landi hafi tekið höndum saman um að leiðbeina fólki í þeirri stöðu.
Frá þessu segir í spænska dagblaðinu El País.
Þáttaskil urðu í samskiptum ríkisstjórnar Íslands og ESB fimmtudaginn 12. mars þegar Gunnar Bragi Sveinsson utanríkisráðherra aftenti formanni ráðherraráðs ESB og viðræðustjóra stækkunarmála í framkvæmdastjórn ESB bréf. Textinn sem gildir gagnvart ESB er á ensku. Þar segir: „The Government of...
- StjórnmálavaktinBild: Varoufakis er á förum sem fjármálaráðherra - ráðherrann segir þetta úr lausu lofti gripið
- Í pottinumEasy-Jet fækkar ferðum London-Moskva um helming
- StjórnmálavaktinÞáttaskil - hlé á útgáfu Evrópuvaktarinnar
- StjórnmálavaktinSumartími í ESB-ríkjum: Frakkar ætla að kanna hagkvæmni breytinga á klukkunni
- StjórnmálavaktinKlofingur meðal kristilegra í Þýskalandi vegna skuldavanda Grikkja
- Í pottinumAðild að Evrópusambandinu jafngildir aðför að fæðuöryggi Íslendinga
- StjórnmálavaktinAlexis Tsipras: Ekki búast við skilyrðislausri uppgjöf
- StjórnmálavaktinReuters: Bankar í Evrópu og Bandaríkjunum hafa fækkað starfsmönnum um 160 þúsund á tveimur árum
- Í pottinumPIMCO: Evrusvæðið á sér ekki framtíð að óbreyttu
- Í pottinumVeruleikaflótti ESB-aðildarflokkanna heldur áfram
Kolbeinn Árnason, framkvæmdastjóri Landssambands íslenskra útvegsmanna (LÍÚ) segir að í tveimur nýlegum Evrópuskýrslum, frá Hagfræðistofnun HÍ og Alþjóðamálastofnun HÍ, komi fram rök sem styðji þá afstöðu LÍÚ að Ísland eigi að standa utan ESB. Þá segir hann óþarfa að ganga lengra í viðræðum við ES...
Norðurslóðir: Risastórir öskuhaugar fastir í ís?
Rannsóknir benda til að hlýnun jarðar og sú bráðnun hafíss, sem af henni leiðir geti losað um 1 trilljón úrgangshluta úr plasti, sem hafi verið hent í sjó og sitji nú fastir í ísbreiðum á Norðurslóðum. Þetta segja rannsakendur að geti gerzt á einum áratug. Meðal þess sem rannsóknir hafa leitt í ljós er að slíkir öskuhaugar séu að myndast á Barentshafi.
Þýzkaland: Merkel segir ESB ekki bandalag um félagslega þjónustu
Angela Merkel liggur nú undir harðri gagnrýni fyrir ummæli, sem hún lét falla, nú nokkrum dögum fyrir kosningar til Evrópuþingsins þess efnis að Evrópusambandið væri ekki „socialunion“ eða bandalag um félagslega þjónustu.
Holland: Útgönguspár benda til að Frelsisflokkur Wilders tapi fylgi
Útgönguspár, sem birtar voru í Hollandi í gærkvöldi benda til að Frelsisflokkur Geert Wilders muni tapa fylgi í kosningunum til Evrópuþingsins sem hófust í gærmorgun og að þingmönnumhans á Evrópuþinginu fækki um tvo en þeir hafa verið fimm. Þetta gengur þvert á spár um uppgang flokka lengst til hægri í þeim kosningum.