NYTimes: Minnkandi stuðningur við landamæralausa Evrópu

Svisslendingar, Danir, Bretar og Spánverjar hafa sett upp takmarkanir

NASA

Gervitunglamynd af Evrópu

Ríkisstjórn Sviss hefur á ný tekið upp kvóta á atvinnuleyfi fyrir fólk frá aðildarríkjum ESB. Þjóðarflokkur Sviss berst nú fyrir því að þjóðaratkvæðagreiðsla fari fram um innflytjendur, sem gæti leitt til þess að landamæraeftirlit verði tekið upp á ný í fyrsta sinn í fimm ár. Frá þessu segir New York Times, sem segir Svisslendinga ekki þá einu, sem hafi áhyggjur af innflytjendum. Efnahagslægð, vaxandi styrkur þjóðernissinnaðra flokka og að framundan kunni að vera miklir flutningar fólks frá Rúmeníu og Búlgaríu hefur dregið úr áhuga á landamæralausri Evrópu, segir blaðið.

Brezka ríkisstjórnin hefur lagt til að auðveldað verði að flytja útlendinga úr landi og krefjast þess að aðfluttir greiði fyrir heilbrigðisþjónustu. Danir tóku upp landamæravörzlu á ný fyrir tvemur árum vegna þrýstings frá Danska þjóðarflokknum. Spánn hefur tekið upp á ný kröfu um að Rúmenar, sem flytjast til Spánar hafi samninga um vinnu eftir að fjöldi þeirra Rúmena, sem flytja til Spánar hafði fjórfaldast. Með því gekk Spánn gegn fyrri skuldbindingum um að Spánn væri opið land fyrir Rúmena.

New York Times segir að þetta séu vísbendingar um að aðildarríki, sem eiga við efnahagsvanda að kljást dragi sig inn í skel sína. Catherine Ashton, utanríkisstjóri ESB segir að takmarkanir Svisslendinga sýni að þeir horfi fram hjá þeim hagsbótum. sem borgarar Sviss og aðildarríkja ESB hafi af frjálsum flutningum fólks landa í milli.