Fimmtudagurinn 21. janúar 2021

Olli Rehn: AGS á ekki að hella skítugu vatni yfir Evrópubúa


7. júní 2013 klukkan 10:07
Olli Rehn

Olli Rehn, sá fulltrúi í framkvæmdastjórn ESB, sem hefur með björgunaraðstoð við önnur aðildarríki að gera svaraði í morgun á ráðstefnu í Helsinki gagnrýni Alþjóða gjaldeyrissjóðsins á framkvæmd björgunaraðgerða við Grikkland. Hann sagði að það væri ósangjarnt og ekki rétt að AGS þvoi hendur sínar og helli skítugu vatni yfir Evrópubúa. Hann sagði að skýrsla AGS um Grikkland væri brot á þeirri reglu, sem til hefði orðið á milli Evrópuþjóða í stríðinu á Balkanskaga fyrir tveimur áratugum, að sameinaðir stöndum við en sundraðir föllum við.

Í samtali við Financial Times eftir ræðu sína beindi Olli Rehn spjótum sínum að Christine Lagarde, forstjóra AGS sem var fjármálaráðherra Frakklands árið 2010 þegar fyrsta björgunarastoðin við Grikkland var veitt og sagði að hún hefði verið andvíg öllum afskriftum af lánum til Grikklands á þeim tíma. Forveri hennar í starfi hjá AGS, Dominique Strauss-Khan, hefði heldur aldrei mælt með afskriftum.

Olli Rehn kvaðst ekki minnast þess að Strauss-Khan hefði lagt slíkar tillögur fram en hann sagðist muna eftir því að Lagarde hefði verið mótfallin slíkum hugmyndum.

 
Senda á Facebook  Senda á Twitter  Vista sem pdf  Prenta

 
Pistill

Bólgan vex en hjaðnar samt

Nú mæla hagvísar okkur það að atvinnuleysi fari vaxandi og jafnframt að verðbólgan færist í aukana. Það er rétt að atvinnuleysið er að aukast og er það í takt við aðra hagvísa um minnkandi einkaneyslu, slaka í fjárfestingum og fleira. Það er hinsvegar rangt að verðbólgan sé að vaxa.

 
Mest lesið
Fleiri fréttir

Kolbeinn Árnason: Óþarfi að ræða frekar við ESB vegna afstöðu Brusselmanna í sjávar­útvegsmálum - tvær Evrópu­skýrslur styðja sjónarmið LÍÚ

Kolbeinn Árnason, framkvæmda­stjóri Lands­sambands íslenskra útvegs­manna (LÍÚ) segir að í tveimur nýlegum Evrópu­skýrslum, frá Hagfræði­stofnun HÍ og Alþjóða­mála­stofnun HÍ, komi fram rök sem styðji þá afstöðu LÍÚ að Ísland eigi að standa utan ESB. Þá segir hann óþarfa að ganga lengra í viðræðum við ES...

Norðurslóðir: Risastórir öskuhaugar fastir í ís?

Rannsóknir benda til að hlýnun jarðar og sú bráðnun hafíss, sem af henni leiðir geti losað um 1 trilljón úrgangshluta úr plasti, sem hafi verið hent í sjó og sitji nú fastir í ísbreiðum á Norðurslóðum. Þetta segja rannsakendur að geti gerzt á einum áratug. Meðal þess sem rannsóknir hafa leitt í ljós er að slíkir öskuhaugar séu að myndast á Barentshafi.

Þýzkaland: Merkel segir ESB ekki bandalag um félagslega þjónustu

Angela Merkel liggur nú undir harðri gagnrýni fyrir ummæli, sem hún lét falla, nú nokkrum dögum fyrir kosningar til Evrópu­þingsins þess efnis að Evrópu­sambandið væri ekki „socialunion“ eða bandalag um félagslega þjónustu.

Holland: Útgönguspár benda til að Frelsis­flokkur Wilders tapi fylgi

Útgönguspár, sem birtar voru í Hollandi í gærkvöldi benda til að Frelsis­flokkur Geert Wilders muni tapa fylgi í kosningunum til Evrópu­þingsins sem hófust í gærmorgun og að þingmönnumhans á Evrópu­þinginu fækki um tvo en þeir hafa verið fimm. Þetta gengur þvert á spár um uppgang flokka lengst til hægri í þeim kosningum.

 
 
    Um Evrópuvaktina     RSS