Erdogan snýr heim að nýju - ekki mjúkmáll í garð mótmælenda
Recep Tayyip Erdogan, forsætisráðherra Tyrklands, var ekki mjúkmáll í garð mótmælenda og aðgerðasinna þegar hann ávarpaði stuðningsmenn sína á alþjóðaflugvellinum í Istanbúl við heimkomu úr opinberri ferð snemma morguns föstudags 7. júní. Ráðherrann hefur dvalist erlendis undanfarna daga þegar mótmæli gegn honum hafa magnast og lögregla sætir gagnrýni fyrir hörkulega framgöngu.
Stuðningsmenn Erdogans hópuðust þúsundum saman á flugvöllinn og fögnuðu leiðtoga sínum. Hann sagði um mótmælin sem hófust vegna deilna um skipulagsmál í Istanbúl að aðgerðir sem jöðruðu við lögbrot yrði að stöðva og það strax.
„Við höfum aldrei viljað ýta undir spennu eða draga fólk í dilka. Við getum hins vegar ekki látið ofbeldi viðgangast,“ sagði ráðherrann og bætti við að hann hefði umboð sitt frá kjósendum. „Sumir segja ‚forsætisráðherrann er aðeins forsætisráðherra 50%‘. Við höfum alltaf sagt að við séum þjónar 76 milljóna.“
Mannfjöldinn kallaði í sífellu nafn ráðherrans en hann hvatti fólkið til að halda stillingu sinni og forðast handalögmál við pólitíska andstæðinga. „Við skulum fara og berja þá,“ hrópuðu sumir meðal fólksins en sagt var að meira en 10.000 manns hefðu tekið þátt í að fagna komu Erdogans á flugvellinum.
Þegar forsætisráðherrann hélt inn í borgina sáust engin merki þess að mótmælin þar eða annars staðar í Tyrklandi gegn honum og flokki hans, AKP, minnkuðu. Þúsundir manna tóku fimmtudaginn 6. júní þátt í mótmælum á Taksim-torgi í Istanbúl, sjötta daginn í röð. Rúmlega 10.000 komu saman í höfuðborginni Ankara og hrópuðu slagorð gegn forsætisráðherranum.
Þrír hafa fallið í valinn við mótmæli og rúmlega 4.000 hafa særst í átökum lögreglu og aðgerðasinna frá því að fyrst kom til mótmæla. Margir hafa orðið að leita til hjúkrunarfólks vegna eitrunar af táragasi sem lögregla hefur beitt.
Heimild: dw. de
Þáttaskil urðu í samskiptum ríkisstjórnar Íslands og ESB fimmtudaginn 12. mars þegar Gunnar Bragi Sveinsson utanríkisráðherra aftenti formanni ráðherraráðs ESB og viðræðustjóra stækkunarmála í framkvæmdastjórn ESB bréf. Textinn sem gildir gagnvart ESB er á ensku. Þar segir: „The Government of...
- StjórnmálavaktinBild: Varoufakis er á förum sem fjármálaráðherra - ráðherrann segir þetta úr lausu lofti gripið
- Í pottinumEasy-Jet fækkar ferðum London-Moskva um helming
- StjórnmálavaktinÞáttaskil - hlé á útgáfu Evrópuvaktarinnar
- StjórnmálavaktinKlofingur meðal kristilegra í Þýskalandi vegna skuldavanda Grikkja
- Í pottinumAðild að Evrópusambandinu jafngildir aðför að fæðuöryggi Íslendinga
- StjórnmálavaktinAlexis Tsipras: Ekki búast við skilyrðislausri uppgjöf
- StjórnmálavaktinSumartími í ESB-ríkjum: Frakkar ætla að kanna hagkvæmni breytinga á klukkunni
- StjórnmálavaktinReuters: Bankar í Evrópu og Bandaríkjunum hafa fækkað starfsmönnum um 160 þúsund á tveimur árum
- Í pottinumPIMCO: Evrusvæðið á sér ekki framtíð að óbreyttu
- Í pottinumVeruleikaflótti ESB-aðildarflokkanna heldur áfram
Kolbeinn Árnason, framkvæmdastjóri Landssambands íslenskra útvegsmanna (LÍÚ) segir að í tveimur nýlegum Evrópuskýrslum, frá Hagfræðistofnun HÍ og Alþjóðamálastofnun HÍ, komi fram rök sem styðji þá afstöðu LÍÚ að Ísland eigi að standa utan ESB. Þá segir hann óþarfa að ganga lengra í viðræðum við ES...
Norðurslóðir: Risastórir öskuhaugar fastir í ís?
Rannsóknir benda til að hlýnun jarðar og sú bráðnun hafíss, sem af henni leiðir geti losað um 1 trilljón úrgangshluta úr plasti, sem hafi verið hent í sjó og sitji nú fastir í ísbreiðum á Norðurslóðum. Þetta segja rannsakendur að geti gerzt á einum áratug. Meðal þess sem rannsóknir hafa leitt í ljós er að slíkir öskuhaugar séu að myndast á Barentshafi.
Þýzkaland: Merkel segir ESB ekki bandalag um félagslega þjónustu
Angela Merkel liggur nú undir harðri gagnrýni fyrir ummæli, sem hún lét falla, nú nokkrum dögum fyrir kosningar til Evrópuþingsins þess efnis að Evrópusambandið væri ekki „socialunion“ eða bandalag um félagslega þjónustu.
Holland: Útgönguspár benda til að Frelsisflokkur Wilders tapi fylgi
Útgönguspár, sem birtar voru í Hollandi í gærkvöldi benda til að Frelsisflokkur Geert Wilders muni tapa fylgi í kosningunum til Evrópuþingsins sem hófust í gærmorgun og að þingmönnumhans á Evrópuþinginu fækki um tvo en þeir hafa verið fimm. Þetta gengur þvert á spár um uppgang flokka lengst til hægri í þeim kosningum.