Ólafur Vignir segir flugvél til taks fyrir Edward Snowden - fréttin flýgur um heiminn
Reuters-fréttastofan sendi föstudaginn 21. júní frétt um að Ólafur Vignir Sigurvinsson, fyrrverandi forstjóri DataCell hefði einkaþotu til taks í því skyni að flytja Edward Snowden, uppljóstrara um NSA, Þjóðarörygisstofnun Bandaríkjanna, frá Hong Kong til Íslands. Ólafur Vignir hafi ekki talað beint við Snowden heldur við fulltrúa hans.
Í fréttinni sem send er frá Reykjavík segir að Ólafur Vignir sé í tengslum við WikiLeaks og hann hafi aðgang að flugvélum í Hong Kong og á meginlandi Kína sem Snowden geti notað.
Vitnað er í Jóhann Tómasson, upplýsingafulltrúi innanríkisráðuneytisins, sem segir að Snowden hafi ekki haft samband við innanríkisráðuneytið en hann geti lagt fram beiðni um hæli sé hann í landinu.
Jóhann er spurður um áform Ólafs Vignis um að leigja flugvél til að flytj Snowden til Íslands og svarar: „Við gerum ekki athugasemdir við það. Við vitum hins vegar ekki meira um málið en segir í fréttum. Við getum ekki sagt meira.“
Ólafur Vignir segir að safnað hafi verið fé frá einstaklingum til að kosta flugferðina. „Það er til hópur fólks sem hefur áhuga á málfrelsi og telur mikilvægt að vita hverjir njósna um okkur. Okkur þykir friðhelgi miklu skipta.“
Í Bandaríkjunum vinna samtökin Progressive Change Campaign Committee að söfnun fjár til stuðnings Snowdens. Reuters segir að ekki sé ætlunin að nota peningana til að standa undir kostnaði við för Snowdens til Íslands verði af henni.
Matt Wall, fulltrúi bandarísku samtakanna, sagði föstudaginn 21. júní að 20.800 dollarar hefðu safnast og nota ætti féð til að standa undir löfræðikostnaði kæmi til málaferla gegn honum, hann fengi ekki neitt til eigin nota.
Sagt er að Ólafur Vignir Sigurvinsson sé fyrrverandi forstjóri DataCell sem meðal annars hafi sinnt greiðslumiðlun fyrir WikiLeaks. Hann hafi áður starfað fyrir fjárfestinga- og tæknifyrirtæki þar á meðal Baug, MerkurPoint og iCell.
Hann segist vona að Snowden verði veittur íslenskur ríkisborgararéttur eins og Bobby Fischer.
Frétt Reuters hefur birst í fjölmiðlum víða um heim föstudaginn 21. júní en höfundur hennar er Róbert Róbertsson.
Þáttaskil urðu í samskiptum ríkisstjórnar Íslands og ESB fimmtudaginn 12. mars þegar Gunnar Bragi Sveinsson utanríkisráðherra aftenti formanni ráðherraráðs ESB og viðræðustjóra stækkunarmála í framkvæmdastjórn ESB bréf. Textinn sem gildir gagnvart ESB er á ensku. Þar segir: „The Government of...
- StjórnmálavaktinBild: Varoufakis er á förum sem fjármálaráðherra - ráðherrann segir þetta úr lausu lofti gripið
- StjórnmálavaktinÞáttaskil - hlé á útgáfu Evrópuvaktarinnar
- StjórnmálavaktinKlofingur meðal kristilegra í Þýskalandi vegna skuldavanda Grikkja
- StjórnmálavaktinSumartími í ESB-ríkjum: Frakkar ætla að kanna hagkvæmni breytinga á klukkunni
- Í pottinumEasy-Jet fækkar ferðum London-Moskva um helming
- StjórnmálavaktinAlexis Tsipras: Ekki búast við skilyrðislausri uppgjöf
- StjórnmálavaktinReuters: Bankar í Evrópu og Bandaríkjunum hafa fækkað starfsmönnum um 160 þúsund á tveimur árum
- Í pottinumAðild að Evrópusambandinu jafngildir aðför að fæðuöryggi Íslendinga
- Í pottinumPIMCO: Evrusvæðið á sér ekki framtíð að óbreyttu
- StjórnmálavaktinAlvarleg bankakreppa skollin á í Andorra-sögð minna á Ísland og Kýpur
Kolbeinn Árnason, framkvæmdastjóri Landssambands íslenskra útvegsmanna (LÍÚ) segir að í tveimur nýlegum Evrópuskýrslum, frá Hagfræðistofnun HÍ og Alþjóðamálastofnun HÍ, komi fram rök sem styðji þá afstöðu LÍÚ að Ísland eigi að standa utan ESB. Þá segir hann óþarfa að ganga lengra í viðræðum við ES...
Norðurslóðir: Risastórir öskuhaugar fastir í ís?
Rannsóknir benda til að hlýnun jarðar og sú bráðnun hafíss, sem af henni leiðir geti losað um 1 trilljón úrgangshluta úr plasti, sem hafi verið hent í sjó og sitji nú fastir í ísbreiðum á Norðurslóðum. Þetta segja rannsakendur að geti gerzt á einum áratug. Meðal þess sem rannsóknir hafa leitt í ljós er að slíkir öskuhaugar séu að myndast á Barentshafi.
Þýzkaland: Merkel segir ESB ekki bandalag um félagslega þjónustu
Angela Merkel liggur nú undir harðri gagnrýni fyrir ummæli, sem hún lét falla, nú nokkrum dögum fyrir kosningar til Evrópuþingsins þess efnis að Evrópusambandið væri ekki „socialunion“ eða bandalag um félagslega þjónustu.
Holland: Útgönguspár benda til að Frelsisflokkur Wilders tapi fylgi
Útgönguspár, sem birtar voru í Hollandi í gærkvöldi benda til að Frelsisflokkur Geert Wilders muni tapa fylgi í kosningunum til Evrópuþingsins sem hófust í gærmorgun og að þingmönnumhans á Evrópuþinginu fækki um tvo en þeir hafa verið fimm. Þetta gengur þvert á spár um uppgang flokka lengst til hægri í þeim kosningum.