Varsjá: Pólsk þjóðhátíðarganga breytist í átök við lögreglu
Pólska lögreglan lenti í átökum við ungmenni mánudaginn 11. nóvember í Varsjá þegar Pólverjar fögnuðu þjóðhátíðardegi sínum. Þetta er þriðja árið í röð sem kemur til uppþota í skrúðgöngu á þjóðhátíðardeginum.
Varsjár-lögreglan skaut gúmmíkúlum og greip til táragass við þjóðhátíðarhöldin þegar grímuklædd ungmenni, félagar í öfgasamtökum, hleyptu upp skrúðgöngu og efndu til skemmdarverka með því að kveikja í bílum og kasta púðurkerlingum.
Borinn var eldur að varðskýli fyrir framan rússneska sendiráðið. Byggingin er í augum margra minnisvarði um kúgunarstjórnina á Sovéttímanunm. Fjórir lögreglumenn lögðust undir læknishendur og á annan tug manna var handtekinn.
Skrúðgangan var friðsöm þegar haldið var af stað. Þúsundir manna gengu um götur höfuðborgarinnar, veifuðu margir pólska fánanum og hrópuðu slagorð eins og þessi: „Guð, heiður, föðurlandið“, aðrir kröfðust afsagnar mið-hægri ríkisstjórnar Donalds Tusks.
Eftir að menn höfðu gengið nokkurn spöl klufu tugir manna sig frá sjálfri skrúðgöngunni og réðust að húsi í miðborginni þar sem vinstrisinnaðir róttæklingar dvöldust sem hústökumenn.
Þar sem þessari þjóðhátíðargöngu lauk nú í þriðja sinn með átökum göngumanna og lögreglu eru uppi raddir meðal Varsjárbúa um að banna eigi gönguna framvegis.
Pólverjar halda 11. nóvember hátíðlegan sem þjóðhátíðardag því að þann dag 1918 endurheimtu þeir sjálfstæði sitt eftir fyrri heimsstyrjöldina.
Þáttaskil urðu í samskiptum ríkisstjórnar Íslands og ESB fimmtudaginn 12. mars þegar Gunnar Bragi Sveinsson utanríkisráðherra aftenti formanni ráðherraráðs ESB og viðræðustjóra stækkunarmála í framkvæmdastjórn ESB bréf. Textinn sem gildir gagnvart ESB er á ensku. Þar segir: „The Government of...
- StjórnmálavaktinBild: Varoufakis er á förum sem fjármálaráðherra - ráðherrann segir þetta úr lausu lofti gripið
- StjórnmálavaktinÞáttaskil - hlé á útgáfu Evrópuvaktarinnar
- StjórnmálavaktinKlofingur meðal kristilegra í Þýskalandi vegna skuldavanda Grikkja
- StjórnmálavaktinSumartími í ESB-ríkjum: Frakkar ætla að kanna hagkvæmni breytinga á klukkunni
- Í pottinumEasy-Jet fækkar ferðum London-Moskva um helming
- StjórnmálavaktinAlexis Tsipras: Ekki búast við skilyrðislausri uppgjöf
- StjórnmálavaktinReuters: Bankar í Evrópu og Bandaríkjunum hafa fækkað starfsmönnum um 160 þúsund á tveimur árum
- Í pottinumAðild að Evrópusambandinu jafngildir aðför að fæðuöryggi Íslendinga
- Í pottinumPIMCO: Evrusvæðið á sér ekki framtíð að óbreyttu
- StjórnmálavaktinAlvarleg bankakreppa skollin á í Andorra-sögð minna á Ísland og Kýpur
Kolbeinn Árnason, framkvæmdastjóri Landssambands íslenskra útvegsmanna (LÍÚ) segir að í tveimur nýlegum Evrópuskýrslum, frá Hagfræðistofnun HÍ og Alþjóðamálastofnun HÍ, komi fram rök sem styðji þá afstöðu LÍÚ að Ísland eigi að standa utan ESB. Þá segir hann óþarfa að ganga lengra í viðræðum við ES...
Norðurslóðir: Risastórir öskuhaugar fastir í ís?
Rannsóknir benda til að hlýnun jarðar og sú bráðnun hafíss, sem af henni leiðir geti losað um 1 trilljón úrgangshluta úr plasti, sem hafi verið hent í sjó og sitji nú fastir í ísbreiðum á Norðurslóðum. Þetta segja rannsakendur að geti gerzt á einum áratug. Meðal þess sem rannsóknir hafa leitt í ljós er að slíkir öskuhaugar séu að myndast á Barentshafi.
Þýzkaland: Merkel segir ESB ekki bandalag um félagslega þjónustu
Angela Merkel liggur nú undir harðri gagnrýni fyrir ummæli, sem hún lét falla, nú nokkrum dögum fyrir kosningar til Evrópuþingsins þess efnis að Evrópusambandið væri ekki „socialunion“ eða bandalag um félagslega þjónustu.
Holland: Útgönguspár benda til að Frelsisflokkur Wilders tapi fylgi
Útgönguspár, sem birtar voru í Hollandi í gærkvöldi benda til að Frelsisflokkur Geert Wilders muni tapa fylgi í kosningunum til Evrópuþingsins sem hófust í gærmorgun og að þingmönnumhans á Evrópuþinginu fækki um tvo en þeir hafa verið fimm. Þetta gengur þvert á spár um uppgang flokka lengst til hægri í þeim kosningum.