Langvinnt dauðastríð ríkisstjórnar framundan
Dauðastríð ríkisstjórna getur verið misjafnlega langt. Dauðastríð fyrri vinstri stjórnar Ólafs Jóhannessonar, sem mynduð var sumarið 1971 hófst haustið 1973 og stóð fram á vor 1974. Dauðastríð seinni vinstri stjórnar Ólafs var skammvinnt. Hún féll snögglega um eina helgi. Dauðastríð ríkisstjórnar Gunnars Thoroddsens stóð frá hausti 1982 fram á vor 1983.
Dauðastríð ríkisstjórnar Jóhönnu Sigurðardóttur er hafið og það verður langvinnt. Hún hefur ekkert bolmagn til að koma málum fram eins og komið hefur í ljós síðustu vikur.
En hún hefur bolmagn til að sitja.
Hagsmunir Jóhönnu sjálfrar og flestra þingmanna Samfylkingar fara ekki saman.
Jóhanna vill sitja fram að kosningum. Þingmennirnir vita að því lengur sem hún situr þeim mun færri í þeirra hópi eiga afturkvæmt á þing.
Staðan í þingflokki VG er flóknari.
Andófsmennirnir eru ekki á einu máli. Eða er það?
Þau stefna ekki endilega í sömu átt Jón Bjarnason, Guðfríður Lilja Grétarsdóttir og Ögmundur Jónasson.
Ólík sýn þeirra á stöðuna bjargar ríkisstjórninni frá falli. Og jafnframt fjölgar þeim þingmönnum VG sem ekki eiga afturkvæmt á þing.
SG
Styrmir Gunnarsson er lögfræðingur og fyrrverandi ritstjóri Morgunblaðsins. Hann hóf störf sem blaðamaður á Morgunblaðinu 1965 og varð aðstoðarritstjóri 1971. Árið 1972 varð Styrmir ritstjóri Morgunblaðsins, en hann lét af því starfi árið 2008.
ESB-aðlögun: Virka peningarnir?
Eitt af því sem fylgdi umsókn Íslands um aðlögun að ESB, var að hér mætti ástunda flest það sem mögulegt væri til að auka stuðning við aðild. Athyglisvert er að íslensk stjórnvöld óskuðu sérstaklega eftir aðstoð við að sannfæra landsbúa um ágæti aðildar. Sem segir að stjórnvöld höfðu ekki trú á að þau „tækifæri“ sem fælust í aðild dygðu til að sannfæra landsmenn.
- LeiðariStjórnmál aldrei fjarri söngvakeppni Evrópu
- Í pottinumHvar og hvenær missti framkvæmdastjórn ESB jarðsambandið?
- FréttHowe lávarður segir Cameron hafa misst flokkstökin í ESB-málum
- FréttESB setur reglur um ólívuolíu á borðum veitingastaða - aðeins í verksmiðjumerktum flöskum
- FréttÍtalir efna til fjöldamótmæla í Róm - Merkel líkt við nasistaforingja
- ViðskiptavaktinÞýzka þingið hefur sett 30 ný lög um strangari reglur vegna starfsemi banka
- StjórnmálavaktinAðhaldsstefnan vekur upp siðferðilegar spurningar ekki síður en efnahagslegar
- Í pottinumMorgunblaðið sviptir hulunni af stjórnarmyndunarviðræðum
- FréttÍtalía: Um 38% ungmenna án atvinnu
- FréttNý könnun: 46% Breta vilja yfirgefa Evrópusambandið
Hvar og hvenær missti framkvæmdastjórn ESB jarðsambandið?
Sendinefnd Evrópusambandsins á Íslandi sendi frá sér eftirfarandi tilkynningu á íslensku föstudaginn 17. maí: „*Sameiginleg yfirlýsing Catherine Ashton, æðsta talsmanns stefnu ESB í utanríkis- og öryggismálum, og Maria Damanaki, framkvæmdastýru sjávarútvegsmála hjá ESB, varðandi ákvörðun Nor...
Morgunblaðið sviptir hulunni af stjórnarmyndunarviðræðum
Morgunblaðið sviptir hulunni af stjórnarmyndunarviðræðunum í dag með grein Péturs Blöndals, blaðamanns í sunnudagsblaði. Þar er að finna beztu upplýsingar, sem fram hafa komið í fjölmiðlum til þessa um viðræður Framsóknarflokks og Sjálfstæðisflokks og ástæða til að hvetja áhugamenn um stjórnmál og stjórnarmyndunina til þess að kynna sér efni greinarinnar.
Stjórnarmyndun langt komin - og ekkert fréttist!
Þeir Sigmundur Davíð Gunnlaugsson og Bjarni Benediktsson eru komnir langt með stjórnarmyndun sína án þess, að nokkuð sem máli skipti hafi frétzt af þeim viðræðum. Þetta er ekki lítið afrek í samfélagi nútímans. Oftast- en ekki alltaf- hafa viðræður af þessu tagi verið hriplekar. Ekki að þessu sinni.
Opinber greinargerð um stöðu ríkisfjármála á að verða fyrsta verk nýs fjármálaráðherra
Í kjölfar háværra mótmæla fráfarandi ráðherra Samfylkingar um að þeir hafi engu leynt um stöðu ríkisfjármála er nauðsynlegt að eitt af fyrstu verkum nýs fjármálaráðherra verði að upplýsa þjóðina um hina raunverulegu stöðu.