Sumir Samfylkingarmenn vilja ekki láta bjóða sér vinnubrögð Steingríms J.
Í gær var spurt hér Í pottinum, hvort Samfylkingin mundi láta bjóða sér að nýr ráðuneytisstjóri í atvinnuvegaráðuneyti yrði ráðinn án auglýsingar í ljósi þeirrar áherzlu, sem sá flokkur hefur lagt á opið og gagnsætt ferli í embættaveitingum hjá hinu opinbera.
Í Fréttablaðinu í dag kemur í ljós að sumir Samfylkingarmenn a.m.k. vilja ekki láta bjóða sér slík vinnubrögð. Blaðið birtir grein eftir Kristrúnu Heimisdóttur, fyrrum aðstoðarmann Ingibjargar Sólrúnar og síðar Árna Páls Árnasonar um málið en í lok greinarinnar segir Kristrún:
„Hvernig getur nokkur maður treyst því framvegis að ekki ráði persónusamningurinn við einstaklinginn á ráðherrastóli umfram allt annað? Að handabandið sé taumur? Finnst forsætisráðherra að við það skuli allir una?“
Væntanlega svarar Jóhanna Sigurðardóttur þessari spurningu flokkssystur sinnar, þótt hún sé náinn samstarfsmaður Árna Páls Árnasonar en spurningin er hvort Steingrímur J. hlustar nokkuð á Jóhönnu.
Þarf hann þess?
Hefur VG ekki Samfylkinguna í hendi sér þegar hér er komið sögu?
Á Samfylkingin ekki allt orðið undir því að Steingrímur J. snúi ekki við blaðinu í ESB-málum?
Hann getur selt loforð um að gera það ekki dýru pólitísku verði!
SG
Styrmir Gunnarsson er lögfræðingur og fyrrverandi ritstjóri Morgunblaðsins. Hann hóf störf sem blaðamaður á Morgunblaðinu 1965 og varð aðstoðarritstjóri 1971. Árið 1972 varð Styrmir ritstjóri Morgunblaðsins, en hann lét af því starfi árið 2008.
ESB-aðlögun: Virka peningarnir?
Eitt af því sem fylgdi umsókn Íslands um aðlögun að ESB, var að hér mætti ástunda flest það sem mögulegt væri til að auka stuðning við aðild. Athyglisvert er að íslensk stjórnvöld óskuðu sérstaklega eftir aðstoð við að sannfæra landsbúa um ágæti aðildar. Sem segir að stjórnvöld höfðu ekki trú á að þau „tækifæri“ sem fælust í aðild dygðu til að sannfæra landsmenn.
- StjórnmálavaktinUm Hróa Hött okkar tíma
- Í pottinumHin „strategíska“ spurning sem VG stendur frammi fyrir
- FréttÞrír fyrrverandi framkvæmdastjórar Saab handteknir - grunaðir um skattsvik
- Í pottinumÞau fengu tækifæri og klúðruðu því
- FréttEvróvisjón: Utanríkisráðherrar Rússlands og Azerbajdsan hinir verstu yfir týndum atkvæðum til stuðnings Rússum
- FréttSpiegel: Það er að verða til „týnd kynslóð“ í Evrópu -Atvinnuleysi ungs fólks „koss dauðans“ fyrir evruna?
- FréttHæðst að skriffinnum ESB vegna ólívuolíunnar - sagt minna á bannið við bognum agúrkum
- FréttESB: Frakkar verða að breyta um stefnu eða sæta refsiaðgerðum ella segir fulltrúi Þýzkalands
- LeiðariFrakklandsforseti skellir skuldinni á ESB
- FréttFinnland: Verður rússneska opinbert tungumál minnihluta
Hin „strategíska“ spurning sem VG stendur frammi fyrir
Nú blasa endalokin við fyrstu hreinu og ómenguðu vinstri stjórn lýðveldistímans. Og vafalaust velta sumir ráðherranna því fyrir sér, þegar þeir yfirgefa ráðuneyti sínu öðru hvoru megin við næstu helgi, hvort þeir eigi einhvern tímann afturkvæmt. Það er kannski stærri spurning en stundum áður, þegar ráðherrar hafa yfirgefið ráðuneyti.
Þau fengu tækifæri og klúðruðu því
Stjórnarmyndunin, sem væntanlega verður kynnt innan örfárra sólarhringa mun hleypa nýjum krafti í Framsóknarflokk og Sjálfstæðisflokk og auka bjartsýni í báðum flokkum um framtíðina og reyndar má finna að það á við um fólk almennt.
Hvar og hvenær missti framkvæmdastjórn ESB jarðsambandið?
Sendinefnd Evrópusambandsins á Íslandi sendi frá sér eftirfarandi tilkynningu á íslensku föstudaginn 17. maí: „*Sameiginleg yfirlýsing Catherine Ashton, æðsta talsmanns stefnu ESB í utanríkis- og öryggismálum, og Maria Damanaki, framkvæmdastýru sjávarútvegsmála hjá ESB, varðandi ákvörðun Nor...
Morgunblaðið sviptir hulunni af stjórnarmyndunarviðræðum
Morgunblaðið sviptir hulunni af stjórnarmyndunarviðræðunum í dag með grein Péturs Blöndals, blaðamanns í sunnudagsblaði. Þar er að finna beztu upplýsingar, sem fram hafa komið í fjölmiðlum til þessa um viðræður Framsóknarflokks og Sjálfstæðisflokks og ástæða til að hvetja áhugamenn um stjórnmál og stjórnarmyndunina til þess að kynna sér efni greinarinnar.