Er sumaleyfi evrunnar, Merkel, Draghis og Hollandes borgið?
Ágúst er sumarleyfismánuður Evrópusambandsins. Leiðtogarnir búa sig undir að taka sér frí að minnsta kosti í nokkra daga. Angela Merkel Þýskalandskanslari hóf sumarleyfi sitt í Bayreuth um miðja vikuna, á hinni árlegu Wagner-hátíð þar. Fumsýnd var ný uppfærsla á Hollendingnum fljúgandi.
Veður var gert út af því nokkrum dögum fyrir frumsýninguna að það sæist í hakakross á brjósti rússneska söngvarans sem átti að syngja hlutverk Hollendingsins. Hann hafði látið setja krossinn á sig 16 ára gamall og gert ítrekaðar tilraunir til að láta hylja hann. Allt kom fyrir ekki, hálfsysturnar, afkomendur Wagners, sem stjórna hátíðinni ráku Rússann. Þær eru sagðar vilja afmá nasistastimpil af hátíðinni! Sá sem kom í staðinn fékk mikið hrós fyrir leik og söng eins og aðrir listamenn fyrir utan leikstjórann, púað var á hann eftir sýninguna. Hin eilífa sigling Hollendingsins var færð til nútímans og skipstjóranum breytt í tölvunarfræðing eða sölumann.
Mario Draghi stjórnandi Seðlabanka Evrópu sat ráðstefnu í London fimmtudaginn 26. júlí og ræddi við fjármálamenn í tilefni Ólympíuleikanna. Hann sagðist ætla að gera allt sem hann gæti innan umboðs bankans til að vernda evruna. Bankinn er stofnaður til þess með alkunnum árangri en þessi orð Draghis urðu til þess að lántökukostnaður Spánverja lækkaði, hlutabréf hækkuðu og það léttist einnig brúnin á Ítölum.
Angela Merkel ákvað að halda ekki í árlega gönguferð með eiginmanni sínum án þess að eiga fjarfund með François Hollande Frakklandsforseta. Er mikið látið með að þau hafi ekki rifist á fundinum heldur lýst samstöðu sinni með Draghi þótt þau hafi örugglega ólíkan skilning á því hvað í orðum hans fólst.
Skýringin á þessum miklu stuðningsyfirlýsingum við evruna núna er sú að Merkel, Draghi og Hollande vona að þær dugi til að þau geti að minnsta kosti andað dálítið léttar í sumarfríinu. Að evrunni sé borgið er borin von. Sé unnt að bjarga henni með hástemmdum yfirlýsingum hefði hún komist í hæstu hæðir sem besta mynt allra tíma fyrir langa löngu.
Bj. Bj.
Björn Bjarnason var þingmaður Sjálfstæðisflokksins frá árinu 1991 til 2009. Hann var menntamálaráðherra 1995 til 2002 og dóms- og kirkjumálaráðherra frá 2003 til 2009. Björn var blaðamaður á Morgunblaðinu og síðar aðstoðarritstjóri 1979 til 1991.
ESB-aðlögun: Virka peningarnir?
Eitt af því sem fylgdi umsókn Íslands um aðlögun að ESB, var að hér mætti ástunda flest það sem mögulegt væri til að auka stuðning við aðild. Athyglisvert er að íslensk stjórnvöld óskuðu sérstaklega eftir aðstoð við að sannfæra landsbúa um ágæti aðildar. Sem segir að stjórnvöld höfðu ekki trú á að þau „tækifæri“ sem fælust í aðild dygðu til að sannfæra landsmenn.
- Í pottinumÓlundarlegir fráfarandi ráðherrar
- StjórnmálavaktinVG: Katrín þakkar og lýsir árangri en gleymir að skýra úrslit þingkosninganna á
- FréttStokkhólmur: Kveikt í 340 bílum,veitingahúsi og lögreglustöð-ólæti fjóra daga í röð-Svíar í „sjokki“
- FréttOsló: Norsk stjórnvöld töldu aðild Íslands að ESB aldrei líklega - vænta aukins samstarfs til að styrkja stöðuna innan EES
- FréttFramkvæmdastjórn ESB rann á rassinn í stóra ólívuolíumálinu
- Í pottinumNú þarf að moka flórinn, sem aðildarumsóknin skilur eftir
- ViðskiptavaktinLandbúnaðurinn hefur gagnsókn á hendur verzluninni
- LeiðariESB-viðræður stöðvaðar - hver leggur til að þeim verði fram haldið?
- FréttNoregur: Enginn sótti um embætti hæstaréttardómara
- StjórnmálavaktinSumarfríin verða að bíða til næsta árs!
Ólundarlegir fráfarandi ráðherrar
Óskaplega voru það ólundarlegir fráfarandi ráðherrar, Jóhanna Sigurðardóttir, Steingrímur J. Sigfússon og Ögmundur Jónasson, sem Ríkisútvarpið talaði við á Bessastöðum í hádeginu í dag. Þeir þola bersýnilega illa, að þjóðin sagði þeim upp störfum seinni hluta aprílmánaðar. Ef þetta verður tón...
Nú þarf að moka flórinn, sem aðildarumsóknin skilur eftir
Forsvarsmenn Evrópusambandsins taka breyttri stefnu hér á Íslandi gagnvart aðild með ró eins og við var að búast. Enda hvað annað eiga þeir að gera? Það er að sjálfsögðu ekki tilgangur nýrrar rikisstjórnar að efna til óvildar við nágrannaríki okkar og viðskiptavini í Evrópu. Heldur einfaldlega að stöðva ferli, sem enginn raunverulegur stuðningur var við í íslenzku samfélagi.
Hver verða viðbrögð fráfarandi stjórnarflokka?-Hafa þeir allt á hornum sér?
Það verður forvitnilegt að fylgjast með því hvernig forystusveitir Samfylkingar og Vinstri grænna bregðast við stefnuyfirlýsingu nýrrar ríkisstjórnar. Ef að líkum lætur munu þeir hafa allt á hornum sér. Með því munu þeir ekki styrkja sjálfa sig heldur hina nýju stjórnarflokka. Fólkið í landinu vill að þeir fái tækifæri til að sýna að þeir geti staðið við stóru orðin.
Hin „strategíska“ spurning sem VG stendur frammi fyrir
Nú blasa endalokin við fyrstu hreinu og ómenguðu vinstri stjórn lýðveldistímans. Og vafalaust velta sumir ráðherranna því fyrir sér, þegar þeir yfirgefa ráðuneyti sínu öðru hvoru megin við næstu helgi, hvort þeir eigi einhvern tímann afturkvæmt. Það er kannski stærri spurning en stundum áður, þegar ráðherrar hafa yfirgefið ráðuneyti.