Viljum við afhenda Brussel yfirráð yfir fjárlögum íslenzka ríkisins?
Evrópusambandið tekur miklum og örum breytingum eins og eðlilegt er. Stöðnun skilar engu. Hins vegar er mikilvægt fyrir okkur Íslendinga að gera okkur grein fyrir í hverju þessar breytingar eru fólgnar og þá alveg sérstaklega nú þegar aðildarumsókn Íslands liggur fyrir í Brussel – illu heilli.
Ein þeirra grundvallarbreytinga, sem eru að verða á Evrópusambandinu er að miðstýring eykst stöðugt. Þessa dagana standa yfir miklar umræður í höfuðstöðvum ESB og í aðildarríkjum þess um tillögur, sem fela í sér að Brussel fær miklu meira vald yfir fjárlögum einstakra aðildarríkja. Nákvæmar tillögur um þetta mál voru lagðar fram í fyrradag en þær hafa verið til umræðu undanfarna mánuði. Krísan í Grikklandi opnaði endanlega augu ráðamanna í Brussel fyrir því, að það gengur ekki að hafa sameiginlegan gjaldmiðil ef ekki er sameiginleg stjórn á fjármálum einstakra aðildarríkja.
Þess vegna hafa nú verið gerðar tillögur um að sjálfkrafa refsiaðgerðir fara í gang ef aðildarríki fer yfir 3% hallarekstur á fjárlögum og ef skuldir viðkomandi ríkis verða hærri en sem nemur 60% af vergri landsframleiðslu. Þungar sektir verða sjálfkrafa lagðar á aðildarríkin og það þarf sérstaka atkvæðagreiðslu með auknum meirihluta til þess að afnema þær sektir.
Nú þegar hefur athygli verið vakin á því, að sameiginleg yfirstjórn á fjárlagagerð hefði dugað Írum skammt í þeim hremmingum, sem þeir standa nú frammi fyrir, vegna þess að vandi þeirra er ekki tilkominn vegna óstjórnar á fjármálum ríkisins heldur vegna glannaskapar bankajöfra og annarra í einkageiranum.
En það sem að okkur Íslendinum snýr er einfaldlega þetta: Erum við tilbúnir til að afhenda Brussel úrslitavald um það hvernig við ráðstöfum peningum úr sameiginlegum sjóði okkar - ríkissjóði? Sumir munu segja: er það ekki bara gott. Aðrir mundu segja: það er uppgjöf.
Væru Akureyringar eða Ísfirðingar tilbúnir til að afhenda embættismönnum í Reykjavík úrslitavald um það hvernig þeir ráðstafa útsvarstekjum sínum?
Staðreyndin er sú, að með þeim breytingum, sem eru að verða á Evrópusambandinu afsölum við ekki bara yfirráðum okkar yfir auðlindum sjávarins til embættismanna í Brussel. Við afhendum þeim nánast alla stjórn okkar mála.
Vilja Íslendingar það?
Styrmir Gunnarsson er lögfræðingur og fyrrverandi ritstjóri Morgunblaðsins. Hann hóf störf sem blaðamaður á Morgunblaðinu 1965 og varð aðstoðarritstjóri 1971. Árið 1972 varð Styrmir ritstjóri Morgunblaðsins, en hann lét af því starfi árið 2008.
Þáttaskil urðu í samskiptum ríkisstjórnar Íslands og ESB fimmtudaginn 12. mars þegar Gunnar Bragi Sveinsson utanríkisráðherra aftenti formanni ráðherraráðs ESB og viðræðustjóra stækkunarmála í framkvæmdastjórn ESB bréf. Textinn sem gildir gagnvart ESB er á ensku. Þar segir: „The Government of...
- StjórnmálavaktinBild: Varoufakis er á förum sem fjármálaráðherra - ráðherrann segir þetta úr lausu lofti gripið
- Í pottinumEasy-Jet fækkar ferðum London-Moskva um helming
- StjórnmálavaktinÞáttaskil - hlé á útgáfu Evrópuvaktarinnar
- StjórnmálavaktinKlofingur meðal kristilegra í Þýskalandi vegna skuldavanda Grikkja
- StjórnmálavaktinSumartími í ESB-ríkjum: Frakkar ætla að kanna hagkvæmni breytinga á klukkunni
- Í pottinumAðild að Evrópusambandinu jafngildir aðför að fæðuöryggi Íslendinga
- StjórnmálavaktinAlexis Tsipras: Ekki búast við skilyrðislausri uppgjöf
- StjórnmálavaktinReuters: Bankar í Evrópu og Bandaríkjunum hafa fækkað starfsmönnum um 160 þúsund á tveimur árum
- Í pottinumPIMCO: Evrusvæðið á sér ekki framtíð að óbreyttu
- Í pottinumVeruleikaflótti ESB-aðildarflokkanna heldur áfram
Rússar láta Finna finna fyrir sér
Það hefur ekki farið fram hjá lesendum Evrópuvaktarinnar að umræður í Finnlandi um öryggismál Finna hafa aukizt mjög í kjölfarið á deilunum um Úkraínu. Spurningar hafa vaknað um hvort Finnar eigi að gerast aðilar að Atlantshafsbandalaginu eða láta duga að auka samstarf við Svía um öryggismál.
ESB-þingkosningar og lýðræðisþróunin
Kosningar til ESB-þingsins eru í Bretlandi og Hollandi fimmtudaginn 22. maí og síðan í hverju ESB-landinu á eftir öðru þar til sunnudaginn 25. maí. Stjórnvöld í Bretlandi og Hollandi hafa lagt áherslu á nauðsyn þess að dregið verði úr miðstjórnarvaldi ESB-stofnana í Brussel í von um að andstaða þeir...
Þjóðverjar vilja ekki aukin afskipti af alþjóðamálum
Þýzkaland er orðið öflugasta ríkið í Evrópu á ný. Þýzkaland stjórnar Evrópusambandinu. Þar gerist ekkert, sem Þjóðverjar eru ekki sáttir við. Í þessu samhengi er niðurstaða nýrrar könnunar á viðhorfi almennings í Þýzkalandi til afskipta Þjóðverja af alþjóðamálum athyglisverð en frá henni er sagt í fréttum Evrópuvaktarinnar í dag.
Þáttaskil í samskiptum NATO við Rússa - faðmlag Rússa og Kínverja - ógn í Norður-Íshafi?
Anders Fogh Rasmussen, framkvæmdastjóri Atlantshafsbandalagsins (NATO) var ómyrkur í máli um Rússa á reglulegum blaðamannafundi sínum í Brussel mánudaginn 19. maí. Hann sagði að viðleitni þeirra til að sundra Úkraínu hefði skapað „algjörlega nýja stöðu í öryggismálum Evrópu“. Það sem gerðist um þess...