Af hverju vill ESB hafa Ísland innan sinna raða?

Það hlýtur að vekja spurningar hjá hugsandi fólki hvers vegna Evrópusambandið er tilbúið að leggja út í kostnað upp á 217.000.000. til að geta markaðsett sig hér á landi.

Það sem komið hefur fram hjá ESB sinnum er að hlutverk sambandsins er að bæta stjórnsýslu aðildaríkja sinna sem og að veita þeim aðgengi og niðurfellingu tolla á sínu markaðssvæði, ásamt því að þeirra mati, búa til nær fullkomið samfélag.

Nú er það venjan að ef um hagsmunasamtök er að ræða sem hagur er að ganga í þá verður sá sem sækir um að uppfylla viss skilyrði og sýna fram á að vilji fyrir inngöngu sé til staðar. Ef viljinn er ekki fyrir hendi, þá fer hagsmunafélagið ekki að leggja út í kostnað til að sannfæra viðkomandi um ágæti sitt.

Nú er það ljóst að sambandið hefur ekki mikið álit á íslendingunum, þekkt er öll sú umræða sem fram hefur farið um Icesave, en ESB er fylgjandi hagsmunum viðsemjenda okkar. Ef allt væri eðlilegt þá ætti sambandið ekki að vilja sjá frekari viðræður við okkur. Framganga ríkisstjórnarinnar í viðræðum við þá er ekki til fyrirmyndar eins og allir vita, það var farið í umsóknarferli þótt meirihluti þings og þjóðar væri því ekki fylgjandi.

Einnig hafa Brusselmenn furðað sig á því að ríkisstjórnin talar tungum tveim í þessu máli.

Getur það verið rétt að ESB sé hreinlega að ásælast okkar auðlyndir?

Ekki hefur heyrst um stórfé í kynningarmálum Tyrkjum til handa, enda eflaust lítið á þeim að græða.

Nú þarf hver einasti íslendingur að spyrja sig að því, hvort hann vilji þiggja þokkalegt lifibrauð að launum fyrir sjálfstæði og auðlyndir þjóðarinnar. Viðkomandi þarf svo að svara fyrir atkvæði sitt gagnvart þeim sem landið byggja næstu aldirnar, eru menn þá e.t.v. búnir að eyðileggja allar þær framfarir sem annars hefðu getað orðið?