Vaxandi átök framundan á Evrópuþinginu um meginstefnu
Beppe Grilló spáð miklum framgangi á Ítalíu í Evrópukosningunum
Úrslit kosninga til Evrópuþingsins eiga að liggja fyrir í kvöld, sunnudagskvöld. Þær vísbendingar sem fram eru komnar eru misvísandi. Frelsisflokkurinn í Hollandi, sem er yzt til hægri hefur tapað fylgi, ef marka má útgönguspár. Talið er að Ukip í Bretlandi sé að brjótast í gegn og verða raunverulegt áhrifaafl þar í krafti styrkleika á Evrópuþinginu og þar af leiðandi hugsanlega í þingkosningum heima fyrir á næsta ári. Athyglisvert er að útgönguspár á Írlandi gefa til kynna mikinn styrk Sinn Fein, sem er talinn eins konar stjórnmálaarmur Írska lýðveldishersins.
Þessi umbrot benda til vaxandi átaka á Evrópuþinginu um þá meginstefnu, sem muni einkenna þróun Evrópusambandsins á næstu árum.
Þýzka fréttastofan Deutsche-Welle tekur til 10 viðfangsefni, sem hún telur að muni einkenna starfsemi ESB á næstu árum:
1. Evrópusambandið er í stöðugri uppbyggingu og stöðugri breytingu.
2. Höfnun og efasemdir hafa einkennt viðbrögð fólks í aðildarríkjunum á síðustu árum.
3. Flokkar sem eru andvígir núverandi framþróun ESB hafa sótt á en geta þeir komið sér saman um sameiginlega stefnu spyr DW.
4. Þótt aðildarríki ESB sem hafa verið í vandræðum séu að ná sér á strik eru vandamál framundan hjá öðrum, ekki sízt Frökkum.
5. Bankabandalag mun gera ESB kleift að koma í veg fyrir að vandamál banka leiði til hruns í einstökum ríkjum og að skattgreiðendur verði að bjarga bönkum.
6. Evrópusambandið mun leggja verulegt fé af mörkum til að ráða bót á atvinnuleysi, ekki sízt ungs fólks en nú eru 26 milljónir manna án atvinnu innan ESB.
7. ESB-ríkin þurfa að auka samkeppnishæfni sína.
8. Evrópudómstóllinn hefur bannað söfnun og geymslu upplýsinga um símanotkun og netnotkun einstaklinga í tvö ár.
9. Viðbrögð ESB vegna hælisleitenda liggja undir þungri gagnrýni.
10. Stækkun ESB til austurs veldur úlfúð hjá Rússum og ESB kann að vera komið að mörkum frekari útþenslu.
Á Ítalíu hefur framgangur stjórnmálahreyfingar grínistans Beppe Grilló vakið mesta athygli en mikill mannfjöldi sótti útifund hans í Róm í fyrrakvöld. Euobserver segir að gert sé ráð fyrir að flokkar sem eru gagnrýnir á ESB muni fá um helming atkvæða.
Skoðanakönnun í Tékklandi sýnir að um helmingur Tékka telur að kosningar til Evrópuþingsins hafi enga þýðingu. Talið er að kosningaþátttaka í Slóvakíu verði um 20%.
Eins og af þessu má sjá fer því fjarri að vegferð Evrópusambandsins á næstu árum verði auðveld.
Og að hætti Cató hins gamla skal enn ítrekað:
Ísland á ekkert erindi í þennan grautarpott
Styrmir Gunnarsson er lögfræðingur og fyrrverandi ritstjóri Morgunblaðsins. Hann hóf störf sem blaðamaður á Morgunblaðinu 1965 og varð aðstoðarritstjóri 1971. Árið 1972 varð Styrmir ritstjóri Morgunblaðsins, en hann lét af því starfi árið 2008.
- StjórnmálavaktinBild: Varoufakis er á förum sem fjármálaráðherra - ráðherrann segir þetta úr lausu lofti gripið
- Í pottinumEasy-Jet fækkar ferðum London-Moskva um helming
- StjórnmálavaktinÞáttaskil - hlé á útgáfu Evrópuvaktarinnar
- StjórnmálavaktinKlofingur meðal kristilegra í Þýskalandi vegna skuldavanda Grikkja
- Í pottinumAðild að Evrópusambandinu jafngildir aðför að fæðuöryggi Íslendinga
- StjórnmálavaktinAlexis Tsipras: Ekki búast við skilyrðislausri uppgjöf
- StjórnmálavaktinReuters: Bankar í Evrópu og Bandaríkjunum hafa fækkað starfsmönnum um 160 þúsund á tveimur árum
- Í pottinumPIMCO: Evrusvæðið á sér ekki framtíð að óbreyttu
- Í pottinumVeruleikaflótti ESB-aðildarflokkanna heldur áfram
- StjórnmálavaktinSumartími í ESB-ríkjum: Frakkar ætla að kanna hagkvæmni breytinga á klukkunni
Þáttaskil urðu í samskiptum ríkisstjórnar Íslands og ESB fimmtudaginn 12. mars þegar Gunnar Bragi Sveinsson utanríkisráðherra aftenti formanni ráðherraráðs ESB og viðræðustjóra stækkunarmála í framkvæmdastjórn ESB bréf. Textinn sem gildir gagnvart ESB er á ensku. Þar segir: „The Government of...
Grikkir eru ekki sjálfstæð þjóð
Grikkir eru ekki sjálfstæð þjóð. Þeir hafa að vísu málfrelsi við borðið í Brussel, sem íslenzkir aðildarsinnar að ESB leggja svo mikið upp úr en á þá er ekki hlustað og orð þeirra hafa engin áhrif.
Lífsreynsla Grikkja lýsandi dæmi um örlög smáþjóðar sem gengur inn í fjölmennt ríkjabandalag
Það hefur verið fróðlegt - ekki sízt fyrir þegna smáþjóða - að fylgjast með átökum Grikkja og annarra evruríkja, sem í raun hafa verið átök á milli Grikkja og Þjóðverja. Í þessum átökum hafa endurspeglast þeir djúpu brestir, sem komnir eru í samstarfið innan evruríkjanna og þar með innan Evrópusambandsins.
Umbrotin í Evrópu geta haft ófyrirsjáanlegar afleiðingar
Það er nokkuð ljóst að sú uppreisn Miðjarðarhafsríkja gegn þýzkum yfirráðum innan Evrópusambandsins, sem Romano Prodi, fyrrum forsætisráðherra Ítalíu og forseti framkvæmdastjórnar ESB um skeið, hvatti til fyrir allmörgum mánuðum er hafin. Kveikjan að henni urðu úrslit þingkosninganna í Grikklandi fyrir viku.