Sjálfstæðisflokkurinn verður nú sameinaðri um afturköllun ESB-umsóknar
Það hafa alltaf verið skiptar skoðanir innan Sjálfstæðisflokksins um aðild Íslands að Evrópusambandinu. Stuðningsmenn aðildar innan flokksins hafa lengst af komið úr viðskiptalífinu, og líklegt að þar hafi menn litið til þrengri daglegra hagsmuna en þeir sem horft hafa á málið af öðrum sjónarhóli.
Stuðningsmenn aðildar innan flokksins hafa ekki verið margir en þeir hafa verið háværir og ekkert við því aðsegja. Auðvitað á fólk að halda fram sjónarmiðum sínum.
Þessi hávaðasama gagnrýni hefur villt einhverjum sýn, sem hafa talið að það væri ágreiningur um ESB-málið en ekki önnur mál, sem væri að draga úr styrk Sjálfstæðisflokksins. Þeir sem hafa litið á málið með þeim hætti en þó í hjarta sínu verið andstæðingar aðildar hafa gjarnan haldið því fram að andstæðingar aðildar væru að eyðileggja Sjálfstæðisflokkinn með kraftmiklum málflutningi gegn aðild.
Nú hefur Sjálfstæðisflokkurinn gengið í gegnum ákveðna eldraun og komist betur í gegnum hana en nokkur þorði að vona fyrir kosningar.
Í því felst að þeir sem þannig hafa talað geta ekki lengur haldið því fram að það að fylgja eftir afstöðu yfirgnæfandi meirihluta Sjálfstæðismanna til ESB-umsóknarinnar þýði að verið sé að veikja þennan merka flokk.
Væntanlega þýðir sú niðurstaða að allir andstæðingar aðildar innan Sjálfstæðisflokksins geta nú gengið í takt og unnið að því með flokksforystunni að aðildarumsóknin verði dregin til baka en þjóðaratkvæðagreiðslan sem hefði átt að fara fram sumarið 2009 um grundvallarafstöðu þjóðarinnar til ESB fari fram á þessu kjörtímabili.
Styrmir Gunnarsson er lögfræðingur og fyrrverandi ritstjóri Morgunblaðsins. Hann hóf störf sem blaðamaður á Morgunblaðinu 1965 og varð aðstoðarritstjóri 1971. Árið 1972 varð Styrmir ritstjóri Morgunblaðsins, en hann lét af því starfi árið 2008.
- StjórnmálavaktinBild: Varoufakis er á förum sem fjármálaráðherra - ráðherrann segir þetta úr lausu lofti gripið
- Í pottinumEasy-Jet fækkar ferðum London-Moskva um helming
- StjórnmálavaktinÞáttaskil - hlé á útgáfu Evrópuvaktarinnar
- StjórnmálavaktinKlofingur meðal kristilegra í Þýskalandi vegna skuldavanda Grikkja
- Í pottinumAðild að Evrópusambandinu jafngildir aðför að fæðuöryggi Íslendinga
- StjórnmálavaktinAlexis Tsipras: Ekki búast við skilyrðislausri uppgjöf
- StjórnmálavaktinReuters: Bankar í Evrópu og Bandaríkjunum hafa fækkað starfsmönnum um 160 þúsund á tveimur árum
- Í pottinumPIMCO: Evrusvæðið á sér ekki framtíð að óbreyttu
- StjórnmálavaktinSumartími í ESB-ríkjum: Frakkar ætla að kanna hagkvæmni breytinga á klukkunni
- Í pottinumVeruleikaflótti ESB-aðildarflokkanna heldur áfram
Þáttaskil urðu í samskiptum ríkisstjórnar Íslands og ESB fimmtudaginn 12. mars þegar Gunnar Bragi Sveinsson utanríkisráðherra aftenti formanni ráðherraráðs ESB og viðræðustjóra stækkunarmála í framkvæmdastjórn ESB bréf. Textinn sem gildir gagnvart ESB er á ensku. Þar segir: „The Government of...
Grikkir eru ekki sjálfstæð þjóð
Grikkir eru ekki sjálfstæð þjóð. Þeir hafa að vísu málfrelsi við borðið í Brussel, sem íslenzkir aðildarsinnar að ESB leggja svo mikið upp úr en á þá er ekki hlustað og orð þeirra hafa engin áhrif.
Lífsreynsla Grikkja lýsandi dæmi um örlög smáþjóðar sem gengur inn í fjölmennt ríkjabandalag
Það hefur verið fróðlegt - ekki sízt fyrir þegna smáþjóða - að fylgjast með átökum Grikkja og annarra evruríkja, sem í raun hafa verið átök á milli Grikkja og Þjóðverja. Í þessum átökum hafa endurspeglast þeir djúpu brestir, sem komnir eru í samstarfið innan evruríkjanna og þar með innan Evrópusambandsins.
Umbrotin í Evrópu geta haft ófyrirsjáanlegar afleiðingar
Það er nokkuð ljóst að sú uppreisn Miðjarðarhafsríkja gegn þýzkum yfirráðum innan Evrópusambandsins, sem Romano Prodi, fyrrum forsætisráðherra Ítalíu og forseti framkvæmdastjórnar ESB um skeið, hvatti til fyrir allmörgum mánuðum er hafin. Kveikjan að henni urðu úrslit þingkosninganna í Grikklandi fyrir viku.