Sunnudagurinn 2. maí 2010

Mesta aðstoð við Evrópu­ríki frá dögum Marshall-hjálparinnar

Björgunaraðgerðir ESB og AGS við Grikkja, sem samþykktar voru á fundi fjármála­ráðherra evruríkjanna í Brussel síðdegis í dag eru taldar mestu aðgerðir af því tagi frá því, að Bandaríkjamenn höfðu forystu um Marshall-aðstoðina svo­nefndu við Evrópu­ríkin eftir stríð. Þessu er haldið fram á vef Wall Street Journal nú undir kvöldið.

Grænlendingar semji sjálfir um heimskauta­svæðin

Lars Emil Johansen, þingmaður á danska þjóðþinginu fyrir grænlenska Siumut-flokkinn og fyrrverandi forsætis­ráðherra (land­stjórnar­formaður) á Grænlandi, vill, að danska ríkis­stjórnin afsali samningsréttinum vegna málefna norðurskautsins og yfirráða í Norður-Íshafi í hendur grænlenskra stjórnvalda, að...

Hvatt til niðurskurðar á Spáni

Vaxandi kröfur eru á Spáni um strangari aðhaldsaðgerðir í opinberum fjármálum í kjölfar atburðanna í Grikklandi síðustu daga og lækkunar á lánshæfismati Spánar og Portúgals fyrir nokkrum dögum að sögn Financial Times.

Grikkir samþykkja aðhaldsaðgerðir- Papandreou til Brussel

Gríska ríkis­stjórnin samþykkti í morgun aðhaldsaðgerðir, sem Evrópu­sambandið og Alþjóða gjaldeyris­sjóðurinn gerðu kröfu um gegn því að lána Grikklandi háar fjárhæðir til að forða gjaldþroti landsins. Þetta kom fram á ríkis­stjórnar­fundi í Aþenu í morgun, sem sjónvarpað var frá. Papandreou, forsætis­ráðherra sagði við það tilefni, að gríska þjóðin yrði að færa miklar fórnir af þessum sökum.