Sunnudagurinn 16. maí 2010
Merkel segir neyðarsjóð aðeins til að kaupa tíma fyrir evruna
Hinn risavaxni neyðarsjóður, sem stofnaður til að bjarga evrunni, dugar að eins til að kaupa tíma, þar til tekist hefur að hreinsa upp fjárlagahalla evru-ríkjanna 16 að mati Angelu Merkel, kanslara Þýsklands.
Fyrirspurn Gunnars Braga Sveinssonar um aðildarumsókn á Alþingi
Gunnar Bragi Sveinsson, formaður þingflokks Framsóknarflokksins hefur lagt fram á Alþingi svohljóðandi fyrirspurn til forsætisráðherra: “1. Hvaða vinnuhópar, ef einhverjir eru, innan ráðuneytisins eða undirstofnana þess fjalla um málefni tengd umsókn um aðild að Evrópusambandinu? 2. Hversu...
Rússar nota fjármálakreppuna til að styrkja stöðu sína í Evrópu
Stjórnvöld í Moskvu velta því fyrir sér, hvernig Rússar geti styrkt stöðu sína, pólitískt og efnahagslega gagnvart ESB-ríkjum og notað það tækifæri, sem fjármálakreppan í evruríkjunum skapi. Þetta kemur fram í skjali, sem talið er að hafi verið lekið af ásettu ráði í rússneska útgáfu bandaríska vikuritsins Newsweek. Talið er að höfundur skjalsins sé Sergei Lavrov, utanríkisráðherra Rússlands.
Grikkir birta nöfn skattsvikara
Grísk stjórnvöld hafa tekið til við að birta nöfn skattsvikara opinberlega. Fjármálaráðuneytið í Aþenu hefur birt nöfn 57 lækna, sem eru taldir hafa svikið undan skatti, látið hjá líða að gefa sjúklingum sínum kvittun fyrir greiðslu eða skrá heimsóknir þeirra.
Rússar vilja opna Gazprom leið inn í ESB
Rússar gera kröfu um, að Evrópusambandið breyti lögum, sem flækja tilraunir Gazprom, rússneska orkurisans til þess að kaupa upp keppinauta innan Evrópusambandsins.
Versta staða Evrópu síðan í heimsstyrjöldinni
Jean-Claude Trichet, bankastjóri Seðlabanka Evrópu, telur, að Evrópa kunni að standa frammi fyrir alvarlegasta vanda sínum í 65 ár.