Fimmtudagurinn 20. maí 2010

Cameron og Sarkozy vilja breyta bankakerfinu

David Cameron, nýr forsætis­ráðherra Bretlands, og Nicolas Sarkozy, Frakklands­forseti, sögðu að loknum fundum sínum í París fimmtudaginn 20. maí, að þeir hefðu lagt grunn að nýju samstarfi. Hétu þeir að vinna saman að mótun nýrra hnattrænna reglna um fjármálakerfið. Þá greindi á um evruna og virtu ...

Breskir íhaldsmenn milda ESB-efa­hyggju

Struan Stevenson, skoskur íhaldsþingmaður á ESB-þinginu, segir að „engar líkur“ séu á því, að breskir íhaldsmenn taki aftur sæti í þing­flokki EPP, European People's Party.

ESB-þingmenn samþykkja 240.000 ISK hækkun til sín

Þingmenn á ESB-þinginu hafa samþykkt að auka starfsliðs­greiðslur til sín.

Pólitísk spenna eykst vegna evru-krísunnar

Á forsíðu The Times í London blasir í dag, fimmtudag, við fyrirsögnin: „Evran er í hættu“ , og er þetta tilvitnun í það, sem Angela Merkel, kanslari Þýskalands, sagði í gær, þegar hún ræddi afleiðingar þess, ef ekki tækist á ná tökum á evrukrísunni, því að afleiðingar þess væru „ófyrirsjáanlegar...

Fjárveitingavald Alþingis til Brussel?

Einar K. Guðfinnsson, alþingis­maður Sjálfstæðis­flokksins, skrifar grein í Morgunblaðið í dag þar sem hann spyr í ljósi umræðna á vettvangi Evrópu­sambandsins, hvort Íslendingar telji koma til greina að flytja fjárveitingavaldið til Brussel. Í grein sinni segir þingmaðurinn m.a.: “Nú liggur fyr...

Flótti yfir í svissneska franka

Skortsölubannið í Þýzkalandi leiddi til fjármagnsflótta yfir í svissneska franka. Í gærmorgun voru tæplega 10 milljarðar evra fluttar til Sviss á nokkrum klukkustundum. Svissneski seðlabankinn greip inn í markaðinn til þess að halda gengi frankans niðri. Sú aðgerð leiddi til styrkingar evrunnar gagnvart dollar.

Cameron til fundar við Sarkozy og Merkel

David Cameron, hinn nýi forsætis­ráðherra Breta mun eiga fund með Sarkozy, forseta Frakklands í kvöld og Angelu Merkel, kanslara Þýzkalands á morgun. Talið er að Cameron muni standa gegn hugmyndum þýzka kanslarans um breytingar á Lissabon-sáttmálanum til þess að auka rétt og áhrif framkvæmda­stjórnar­innar í Brussel til afskipta af fjárlögum einstakra aðildarríkja.

Búizt við víðtækum verkföllum í Grikklandi

Gert er ráð fyrir víðtækum verkföllum í Grikklandi í dag, að sögn brezka útvarpsins BBC í morgun. Verkfallsaðgerðum er beint gegn aðhaldsaðgerðum grískra stjórnvalda. Gert er ráð fyrir, að stjórnar­skrifstofur verði lokaðar svo og bankar og skólar. Ennfremur verði aðeins bráðaaðgerðir á spítölum.

Þjóðverjar undirbúa frekari aðgerðir-þrýstingur frá þýzkum kjósendum

Þýzk stjórnvöld undirbúa frekari aðgerðir til þess að koma böndum á fjármála­markaði í kjölfar einhliða banns Þjóðverja við sérstakri tegund skortsölu í fyrrakvöld. Þýzka dagblaðið Handelsblatt segir, að þær felist í eftirliti með fjárlagagerð aðildarríkja evrunnar, ströngum refsiaðgerðum brjóti evruríki reglur um skuldasöfnun og missi atkvæðisréttar innan ráðherraráðsins.