Laugardagurinn 5. júní 2010
Fjárfestar selja evru í stórum stíl
Hlutabréfaverð í Bandaríkjunum getur haldið áfram að lækka í næstu viku að mati Reuters-fréttastofunnar í morgun, ef ekki dregur úr áhyggjum fjárfesta vegna fjármálakreppunnar í Evrópu og atvinnuástands í Bandaríkjunum. Dagens Næringsliv í Osló bendir á, að evran hafi í gærkvöldi, föstudagskvöld, staðið veikar gagnvart dollar en nokkru sinni fyrr síðustu fjögur ár.
Veik staða evrópskra banka veikir evruna enn frekar
Veik staða banka á evrusvæðinu getur framkallað nýja krísu í stöðu evrunnar að mati Wall Street Journal í morgun. Blaðið segir, að agaleysi í fjármálum einstakra aðildarríkja evrunnar hafi leitt til þeirrar kreppu, sem staðið hafi yfir á evrusvæðinu að undanförnu en nú sé talið, að nýr kapítuli í þeirri sögu geti verið að hefjast.
Minnkandi líkur á alþjóðlegum bankaskatti
Minnkandi líkur eru á því að nýr bankaskattur á heimsvísu verði samþykktur á fundi fjármálaráðherra G-20 ríkjanna í Busan í Suður-Kóreu. Þótt Bandaríkin og Evrópuríkin séu hlynnt slíkum skatti eru Japan, Brasilía og Kanada andvíg honum að sögn Reuters-fréttastofunnar í morgun.
Leggjum aðildarumsóknina til hliðar
Þegar litið er til Evrópusamstarfsins undir merkjum Evrópusambandsins og stjórnkerfis þess í Brussel, er ljóst, að hin svonefnda einsleitni nær ekki yfir samstarfið í heild. Fjöldi þátttökuríkja er mismunandi eftir eðli samstarfsins.
Óheillastefna Samfylkingar í Evrópu- og varnarmálum
Um það bil ár er liðið, frá því að skýrslan, sem kennd er við Thorvald Stoltenberg, fyrrverandi ráðherra og sendiherra, var til umræðu á fundi utanríkisráðherra Norðurlandanna í Reykjavík. Þar var ákveðið að fela einstökum ríkjum að hafa forystu um úrvinnslu einhvers af 13 meginefnisþáttum hennar.