Þriðjudagurinn 29. júní 2010

Hægri maður forsætis­ráðherra Tékklands

Petr Necas, formaður hins hægrisinnaða CD-flokks í Tékklandi, sór eið sem forsætis­ráðherra landsins mánudaginn 28. júní. Hann hefur heitið því að draga úr ríkisútgjöldum, skerða framlög til velferðarmála og ráðast gegn spillingu. Við embættistökuna sagði hann, að Tékkar þyrftu stöðuga, vinnusama rí...

51% Þjóðverja á móti evru

IPSOS-skoðanakönnun í Þýskalandi sýnir, að 51% kjósenda í Þýskalandi vilja fá þýska markið, Deutschmark, að nýju í stað evrunnar. Aðeins 30% vilja halda í evruna. 56% af þeim, sem eru eldri en 50 ára, sögðust vilja þýska markið aftur og 42% af þeim, sem eru á aldrinum 16 til 29 ára.

Matvælaverð sambærilegt á Íslandi og að meðaltali í ESB-ríkjum

Vorið 2009 var hlutfallslegt verðlag matvæla á Íslandi 4% hærra en að meðaltali í 27 aðildarríkjum Evrópu­sambandsins, að því er segir í frétt frá Hagstofu Íslands, 29. júní 2010. Sé þetta mikil breyting frá könnun, sem gerð var árið 2006, þegar verðlag matvæla hefði verið hæst á Íslandi, eða 61% hær...

Steingrímur J. tvístígur vegna ESB - vísar til málþings

Steingrímur J. Sigfússon, fjármála­ráðherra og formaður vinstri-grænna, sagði í fréttum RÚV í hádegi þriðjudag 29. júní, að hann vildi ekki svara því, hvort rétt væri að bíða með ESB-aðild. Steingrímur J. var spurður um þetta í tilefni af yfirlýsingu yfirmanns Íslands­nefndar Alþjóða­gjaldeyris­sjóðsins...

Erfiðara fyrir Ísland að bregðast við fjárhagsáföllum innan ESB

„Mark Flanagan, yfirmaður sendi­nefndar Alþjóða­gjaldeyris­sjóðsins, segir að mun erfiðara yrði fyrir ríkis­stjórnina að bregðast við fjárhagsáföllum gangi Ísland í Evrópu­sambandið og taki upp evruna. Ein ástæða þess að efnahagskreppan nú hafi orðið grynnri en búist var við sé sveigjanleiki gjaldmiðilsins. Flanagan segir Íslendinga sjálfa verða að vega og meta kosti og galla Evrópu­sambandsins.

Lítil merki um bata á Írlandi

Þrátt fyrir, að Írar hafi snemma ráðizt í mikinn niðurskurð á opinberum útgjöldum og hækkað skatta sjást engin merki um verulegan efnahagsbata að því er fram kemur í New York Times í dag. Samdráttur í efnahagslífi Íra nam 7,1% á síðasta ári og engin merki um hagvöxt. Atvinnuleysi í landinu nemur 13% sem þýðir að 4,5 milljónir Íra ganga atvinnulausir.

Hluta­bréf í Amagerbanka féllu um 24% í gær

Hluta­bréf í danska Amagerbankanum féllu um 24% í gær í kjölfar þess að danska Fjármála­eftirlitið gaf bankanum 24 daga frest til þess að afla 750 milljóna danskra króna í nýju eigin fé. Þetta þýðir að verðmæti hluta­bréfa í bankanum hefur lækkað um helming á einu ári. Fyrir tveimur árum var gengið 150 danskar krónur. Nú er það 18 danskar krónur.

Stórar lánalínur renna út á fimmtudag

Á fimmtudag renna út lánalínur, sem Seðlabanki Evrópu opnaði fyrir ári, sumarið 2009, fyrir evrópska banka. Markmiðið var að hvetja til lánveitinga og tryggja lausafjárstöðu banka á evru­svæðinu. Þessar lánalínur eru taldar hafa haldið lífi í bönkum í Grikklandi, á Spáni og í fleiri löndum.