Föstudagurinn 24. september 2010
| « 23. september |
■ 24. september 2010 |
» 25. september |
Sigldu skútu kringum Norðurpólinn á innan við þremur mánuðum
Norska landkönnuðinum Børge Ousland og áhöfn hans hefur tekist að sigla umhverfis Norðurpólinn í einni lotu. Þeir voru innan við þrjá mánuði að sigla 31 feta skútunni Norðaustur- og Norðvestur-leiðina, það er bæði fyrir norðan Rússland og Kanada.
ESB gagnrýnir harðlega nýtt ferðamannagjald Bandaríkjanna
Bandarísk stjórnvöld innheimta nú 14 dollara (1610 ISK) komugjald af ferðamönnum frá ESB-ríkjum, sama regla gildir um ferðamenn frá Íslandi. Gjaldtakan hefur vakið hörð viðbrögð hjá framkvæmdastjórn ESB, sem hugar að gagnaðgerðum að sögn vefsíðunnar EUobserver.
Á launum hjá ESB í 3 ár eftir starfslok
Meðlimir framkvæmdastjórnar Evrópusambandsins fá um 20 þúsund evrur á mánuði í laun eða rúmlega 3 milljónir íslenzkra króna auk hagstæðra eftirlaunasamninga að því er fram kemur á BBC í morgun. En þar að auki fá þeir hluta launa greidd í 3 ár eftir að þeir hætta störfum í framkvæmdastjórninni. Þessar greiðslur nema um 40%-65% af grunnlaunum meðlima framkvæmdastjórnar.
Þrengt að Evrópuríkjum í stjórn AGS
Fulltrúi Brasilíu í stjórn AGS krefst þess í grein í Financial Times í dag að Evrópuríkin láti af hendi eitthvað af sætum sínum í stjórn Alþjóða gjaldeyrissjóðsins en Evrópuríkin hafa nú 9 stjórnarsæti af 24. Þannig hefur þetta verið frá árinu 1945, þegar sjóðurinn var stofnaður. Ný ríki gera nú...
Skuldatryggingaálag á írska banka nálgast þá íslenzku fyrir hrun
Skuldatryggingaálag á írska banka er að nálgast það sama og var á íslenzku bönkunum skömmu fyrir fall þeirra, segir Daily Telegraph í dag. Það er komið í 955 punkta fyrir Anglo Irish Bank, 615 punkta fyrir Allied Irish og 530 fyrir Bank of Ireland. Í fyrsta sinn útilokar Lenihan, fjármálaráðherra Írlands ekki að eigendur skuldabréfa írsku bankanna verði að taka á sig einhvern skell.
Fjármálamarkaðir bregðast illa við vanda Íra-evran féll-skuldabréf kolféllu
Fréttir um að samdráttur hafi orðið í írsku efnahagslífi á öðrum ársfjórðungi þessa árs hafa vakið mikla athygli og áhyggjur. Í gær var skýrt frá því, að samdrátturinn nemi 1,2% af vergri landsframleiðslu miðað við fyrsta ársfjórðung en sérfræðingar höfðu spáð 0,5% vexti á öðrum ársfjórðungi. Fjármnálamarkaðir tóku þessum tíðindum illa. Evran féll í verði og írsk skuldabréf kolféllu.
Mótmæli um allt Frakkland-en minni en áður
Í gær var efnt til mótamæla um allt Frakkland til þess að mótmæla því að eftirlaunaaldur verði hækkaður úr 60 árum í 62 ár.
Hvernig skýrir Össur vanda Íra?
Talsmenn þess að Ísland gangi í Evrópusambandið og taki upp evru sem gjaldmiðil þögn uðu um skeið sl. vor, þegar í ljós kom að evran og aðild að ESB hafði ekki komið í veg fyrir að Grikkland lenti í svo stórfelldum efnahagsvanda að ríkið hefði orðið gjaldþrota ef ekki hefði komið til sameiginleg aðstoð frá Alþjóða gjaldeyrissjóðnum og Evrópusambandinu.
Borgarstjóri Moskvu sætir stórárásum frá fjölmiðlum Kremlarvaldsins
Hörð valdabarátta er nú háð milli Júrís M. Luzhkovs, borgarstjóra í Moskvu, og Dmitris A. Medvedevs, forseta Rússlands. Luzhkov hefur notið mikilla vinsælda sem borgarstjóri í 18 ár og staðið af sér allar ásakanir um spillingu, þrátt fyrir að eiginkona hans hafi orðið auðugusta kona Rússlands vegna...
Ólafur Ragnar í forystu Samfylkingar?
Nánir vinir og aðdáendur Ólafs Ragnars Grímssonar telja, að hann hyggist feta í fótspor Pútíns, forsætisráðherra Rússlands, sem hvarf úr forsetaembætti, þegar hann gat ekki gegnt því lengur vegna stjórnarskrárákvæða, sem setja takmarkanir á hversu lengi einstaklingur má gegna forsetaembætti í Rússlandi en settist í stól forsætisráðherra.