Þriðjudagurinn 26. október 2010

Forseti Chile skrifaði bannorð í gestabók þýska forsetans

Sebastian Piňera, forseti Chile, vildi sýna Þjóðverjum sérstakan þakklætisvott, þegar hann var í Berlín á dögunum og skrifaði „Deutschland Über Alles“ ´í gestabók Christians Wulffs, Þýskalandsforseta.

Skattgreiðendur eiga aldrei aftur að bjarga bönkum

Bob Diamond, sem á næsta ári tekur við sem æðsti yfirmaður Barclays banka í Bretlandi segir, að koma verði í veg fyrir, að skattgreiðendur verði nokkurn tíma aftur krafðir um að standa undir tapi banka. Hann segir, að lánardrottnar bankanna og eigendur bankanna verði að axla þær byrðar.

Merwyn King: Lánardrottnar banka beri meiri ábyrgð

Merwyn King, aðalbanka­stjóri Englandsbanka, sagði á fundi í New York í gær, að lánardrottnar banka yrðu í framtíðinni að bera meiri áhættu og axla útlánatöp og bætti því við að fjármagna yrði banka í ríkara mæli með eigin fé fremur en skammtímaskuldum.

Hjörleifur Guttormsson: VG getur ekki haldið áfram að leika tveim skjöldum

Hjörleifur Guttormsson, fyrrverandi ráðherra, segir í grein í Morgunblaðinu í dag, að Vinstri hreyfingin-grænt framboð geti hvorki sóma síns vegna né siðferðilega haldið áfram að leika tveim skjöldum í ESB-málinu, eins og flokkurinn geri nú. Hjörleifur segir að það hafi komið fram á málefnaþíngi VG um síðustu helgi að flokkurinn sé einhuga í því að hafna aðild Íslands að Evrópu­sambandinu.