Mánudagurinn 8. nóvember 2010

Framkvæmda­stjórn ESB vill auðvelda ríkis­stjórninni að fá aðlögunarstyrki

„ESB-umsóknarlandið Ísland hefur hafnað allt að 30 milljónum evra frá Brussel af ótta við að öll verkefni sem fjármögnuð yrðu með fénu jafngiltu íhlutun í umræður á heimavettvangi um hvort ganga eigi í sambandið eða ekki.“

143 bandarískir bankar orðnir gjaldþrota á árinu 2010

Í Bandaríkjunum hafa 143 bankar og peninga­stofnanir orðið gjaldþrota í ár en á öllu árinu 2009 lokaði trygginga­sjóður innlána í Bandaríkjunum (Federal Deposit Insurance Corp (FDIC)) 140 bönkum sem komust í greiðsluþrot. Vegna greiðsluþrotanna hefur trygginga­sjóðurinn orðið að inna af hendi greiðslur sem nema 254,5 milljónir dollara til innláns­eigenda.

Schauble: Bandaríkin hafa lifað of lengi á lánum

Bandaríkin hafa lifað of lengi á lánum, ofvöxnum fjármálageira og vanrækt lítil fyrirtæki og millistór, segir Wolfgang Schauble, fjármála­ráðherra Þýzkalands í samtali við Spiegel. Ráðherrann segir, að óhagstæður viðskiptajöfnuður á milli Bandaríkjanna og Þýzkalands skipti ekki mál heldur sá viðskiptajöfnuður sem sé á milli evru­svæðisins í heild og Bandaríkjanna og hann sé í jafnvægi.

Þýskaland: kjarnorkulestin á leiðarenda en ekki úrgangurinn

Flutningalest með 123 tonn af kjarnorkuúrgangi frá Frakklandi til bæjarins Gorleben í Þýskalandi komst á leiðarenda að morgni mánudags 8. nóvember, þrátt fyrir margar tilraunir aðgerðarsinna til að hefta för hennar. Nú hefst flutningur úrgangsins með bílum. Fyrir lokaáfanga lestarinnar varð lög­regl...

Papandreou fellur frá hótun um þingrof og skyndikosningar

George Papandreou, forsætis­ráðherra Grikklands, hefur fallið frá hótun sinni um að boða í skyndi til þingkosninga í landinu í því skyni að láta reyna á stuðning þjóðar­innar við efnahags- og sparnaðaraðgerðir stjórnar sinnar.