Miðvikudagurinn 18. maí 2011

Sannir Finnar stærsti flokkurinn samkvæmt nýrri könnun

Eftir að Sannir Finnar ákváðu að taka ekki þátt í myndun nýrrar ríkis­stjórnar í Finnlandi vegna andstöðu við ábyrgð á lánum til Portúgala,hefur fylgi flokksins vaxið enn samkvæmt könnunum. Ný skoðanakönnun sýnir að Sannir Finnar njóta nú stuðnings 22,4% kjósenda. Er flokkurinn þar með í fyrsta hinn stærsti í landinu að sögn finnska sjónvarpsins, Yle.

Evru-leiðtogar milda andstöðu við „endurröðun“ grískra skulda

Eftir tveggja daga fund fjármála­ráðherra ESB-ríkjanna sem lauk í Brussel þriðjudag 17. maí hafa forystumenn innan evru-ríkja í fyrsta sinn viðurkennt opinberlega að líta beri á endurrröðun eða „mjúka“ endurröðun á skuldum Gríkkja, það er að lánstími verði lengdur. The Financial Times segir að í or...

Finnar hafa fyrirvara á sumarhúsakaupum Rússa

Í Finnlandi eru skiptar skoðanir um rétt Rússa til þess að kaupa sér sumarhús þar í landi en Rússar hafa keypt töluvert af slíkum húsum í austurhluta Finnlands. Skoðanakönnun, sem gerð var á því svæði sýnir að um 70% þeirra, sem svöruðu voru þeirrar skoðunar að setja ætti takmarkanir á rétt Rússa til slíkra kaupa.

Um ein milljón ungmenna án vinnu í Bretlandi

Nýjar tölur um atvinnuleysi í Bretlandi benda til að um 1 milljón ungmenna á aldrinum 16-24 ára séu án vinnu. Þetta kemur fram í Guardian í dag. Ríkis­stjórnin tilkynnti fyrr á árinu að um 60 milljónum punda yrði varið til þess að auka atvinnumöguleika þessa aldurs­flokks.

Notkun opinberra kreditkorta gagnrýnd í Bretlandi

Notkun opinberra kreditkorta, sem æðstu embættismenn í Bretlandi hafa undir höndum liggur nú undir þungri gagnrýni að því er fram kemur í Daily Telegraph í dag. Þar kemur fram, að sömu aðilar og eigi að hafa með höndum eftirlit með opinberum útgjöldum hafi notað slík kort til þess að greiða fyrir gistingu á fimm stjörnu hótelum, matargerðarnámskeið og jafnvel til innkaupa í verzlunum.

Grikkir hvattir til að selja eignir

Grikkir liggja nú undir miklum þrýstingi frá öðrum aðildarríkjum evrunnar að því er fram kemur á netútgáfu brezka tímaritsins The Economist að selja opinberar eignir. Tímaritið segir, að upphaflega hafi verið ætlast til að Grikkland seldi slíkar eignir fyrir 17 milljarða evra en snemma á þessu ári hafi sú upphæð verið hækkuð í 50 milljarða.