Laugardagurinn 21. maí 2011

Þúsundir Spánverja hafa bann við mótmælum að engu - lög­regla heldur að sér höndum

Þúsundir manna komu saman til mótmæla í stærstu borgum Spánar laugardaginn 21. maí þvert á bann ríkis­stjórnar­innar við pólitískum mótmælum daginn fyrir sveitar­stjórnakosningar. Um 25.000 manns lögðu undir sig aðaltorgið í Madrid. Þá safnaðist fjöldi manns saman í Barcelona, Valensíu , Sevilla og Bi...

VG: á móti ESB og NATO en lýsir samt einörðum stuðningi við ríkis­stjórnina

Vinstri-grænir (VG) ályktuðu gegn stefnu ríkis­stjórnar­innar í tveimur veigamiklum utanríkis­málum sem unnið er að af utanríkis­ráðherra í umboði meirihlutans sem stendur að baki stjórninni á alþingi, það aðild að ESB og þátttöku í NATO Er einsdæmi að stjórnar­flokkur snúist á þennan hátt gegn meginmál...

Finnland: Útgjöld fjárlaga skorin niður um 12%

Finnar þurfa að skera niður opinber útgjöld, sem nema 12% af fjárlögum. Þetta kemur fram í Helsingin Sanomat. Blaðið segir að embættismenn í fjármála­ráðuneytinu hafi tekið saman upplýsingar fyrir þá sex stjórnmála­flokka í Finnlandi, sem í gærmorgun hófu viðræður um stjórnar­myndun um nauðsyn þessara útgjaldalækkana. Um er að ræða þörf á niðurskurði, sem nemur um 6 milljörðum evra.

Danmörk: Kennurum sagt upp störfum

Þriðji hver grunnskóli í Danmörku mun segja upp kennurum áður en skóla­árið hefst á ný í haust. Þetta kemur fram í Berlingske Tidende í dag. Á síðustu árum hefur samtals 3000 kennurum verið sagt upp störfum í Danmörku og danska kennara­sambandið telur að á næsta skólaári verði 1546 kennurum sagt upp til viðbótar.

Vince Cable: Stjórnmálamenn hafa ekki undirbúið almenning undir versnandi lífskjör

Vince Cable, viðskipta­ráðherra Breta (Frjálslyndur) segir í viðtali við Guardian í dag, að stjórnmálamenn hafi ekki undirbúið brezkan almenning nægilega vel undir það, að það taki tíma og verði sársaukafullt að endurreisa efnahag landsins. Á meðan muni þrengja mjög að lífskjörum fólks.